មជ្ឈមណ្ឌលសិទ្ធិមនុស្សកម្ពុជា (CCHR) បានចេញសេចក្ដីថ្លែងការណ៍ស្នើឲ្យរដ្ឋាភិបាលបង្កើតច្បាប់ការពារអ្នកស្រឡាញ់ភេទដូចគ្នាដោយប្រឆាំងពីការរើសអើងគ្រប់បែបយ៉ាងនៅក្នុងប្រទេសកម្ពុជា។
ក្រសួងយុត្តិធម៌កម្ពុជា-វៀតណាម កំពុងរៀបចំឲ្យមានកិច្ចព្រមព្រៀងផ្ទេរទណ្ឌិតរវាងប្រទេសទាំងពីរ ក្រោមហេតុផលថាដើម្បីបង្កភាពងាយស្រួលដល់ទណ្ឌិតឲ្យបានមកនៅក្នុងប្រទេសកំណើតនិងជិតក្រុមគ្រួសាររបស់ខ្លួន។ អ្នកនាំពាក្យក្រសួងយុត្តិធម៌ លោក ជិន ម៉ាលីន បានប្រាប់វីអូឌី(VOD)នៅព្រឹកនេះថាក្រសួងយុត្តិធម៌កម្ពុជានិងវៀតណាម គ្រោងជួបគ្នានៅចុងខែមីនាឬដើមខែមេសា ខាងមុខ ដើម្បីរៀបចំកិច្ចព្រមព្រៀងមួយទាក់ទងការផ្ទេរអ្នកទោសរវាងប្រទេសទាំងពីរ។
សកម្មជនសហជីពមួយក្រុមស្នើឲ្យសាលាដំបូងខេត្តកំពង់ស្ពឺទម្លាក់បទចោទដល់ពួកគេទាំង៧នាក់ដោយអះអាងថាពួកគេមិនបានធ្វើអ្វីខុសដូចពាក្យបណ្តឹងរបស់ក្រុមហ៊ុន។
ប្រជាពលរដ្ឋនៅភូមិព្រៃគុយ សង្កាត់អំពិល ក្រុងសៀមរាប នាំគ្នាតវ៉ានៅព្រឹកថ្ងៃចន្ទនេះប្រឆាំងនឹងការកាត់ភូមិរបស់ពួកគេដាក់ចូលទៅក្នុងការគ្រប់គ្រងរបស់សង្កាត់ផ្សេង ដោយអះអាងថាប៉ះពាល់ដល់ការរស់នៅរបស់អ្នកភូមិ។
ម្តាយរបស់ទណ្ឌិតម្នាក់ដែលត្រូវបានប្រទះឃើញស្លាប់ដោយចងកនៅក្នុងពន្ធនាគារខេត្តពោធិ៍សាត់ បានរៀបចំពាក្យបណ្តឹងមួយដាក់ទៅតុលាការខេត្តពោធិ៍សាត់ ស្នើឲ្យស៊ើបអង្កេតករណីកូនស្លាប់ ដោយថានេះជាករណីឃាតកម្ម មិនមែនចងកសម្លាប់ខ្លួននោះទេ។ កាលពីថ្ងៃទី១ ខែកុម្ភៈ ឆ្នាំ២០១៦ ទណ្ឌិតឈ្មោះ តូច វណ្ណារ៉េត អាយុ២៨ឆ្នាំ(រហូតមកដល់ថ្ងៃស្លាប់) ត្រូវបានប្រទះឃើញស្លាប់ដោយចងកក្នុងបន្ទប់ទឹក នៅម៉ោង៥ទៀបភ្លឺ ដោយសមត្ថកិច្ចអះអាងថាជាការធ្វើអត្តឃាតបន្ទាប់ពីចុះពិនិត្យសាកសព។
កាសែតរបស់ថៃបានឲ្យដឹងថាកម្មករខ្មែរ៥នាក់ដែលជាអ្នកបើកទូកនេសាទលើដែនសមុទ្រថៃត្រូវបានអាជ្ញាធរថៃចាប់ខ្លួនកាលពីព្រឹកថ្ងៃអាទិត្យ ដោយសមត្ថកិច្ចសង្ស័យថាអ្នកទាំងនោះជាប់ពាក់ព័ន្ធនឹងករណីរំលោភសេពសន្ថវៈលើស្រ្តីជនជាតិបារាំង។
តំណាងទូតខ្មែរប្រចាំប្រទេសឥណ្ឌូនេស៊ីបានចេញលិខិតមួយទៅកាន់ឯកអគ្គរដ្ឋទូតសហរដ្ឋអាមេរិកប្រចាំសហគមន៍អាស៊ាន ដោយឆ្លើយតបទៅនឹងការនិយាយរិះគន់កម្ពុជាលើបញ្ហាសិទ្ធិមនុស្ស។ នៅក្នុងលិខិតមួយរបស់ស្ថានទូតខ្មែរប្រចាំប្រទេសកម្ពុជាដែលវីអូឌីទទួលបាននៅថ្ងៃសុក្រនេះ លោក នង សាកល ឯកអគ្គរដ្ឋទូតខ្មែរប្រចាំនៅប្រទេសឥណ្ឌូនេស៊ីទទួលបន្ទុកកិច្ចការអាស៊ាន បានសរសេរលិខិតជាភាសាអង់គ្លេសមួយច្បាប់និងបកប្រែជាភាសាខ្មែរច្បាប់ថាកាលពីថ្ងៃទី២៤ខែកុម្ភៈ លោកស្រី នីណា ហាជីហ្គៀន(Nina Hachigian) ឯកអគ្គរដ្ឋទូតអាមេរិកប្រចាំសហគមន៍អាស៊ាន បានថ្លែងពាក់ព័ន្ធនឹងស្ថានភាពសិទ្ធិមនុស្សនៅកម្ពុជា។
យុវជនម្នាក់ដែលរងការចោទប្រកាន់ពីបទញុះញង់ឲ្យមានបដិវត្តន៍ពណ៌ប្រឆាំងរដ្ឋាភិបាល នៅថ្ងៃសុក្រនេះ បានអំពាវនាវដល់តុលាការរាជធានីភ្នំពេញ ឲ្យបន្ថូរបន្ថយទោស ដោយអះអាងថាខ្លួនមិនមានបំណងធ្វើបដិវត្តន៍អ្វីនោះទេ។ យុវជន គង់ រ៉ៃយ៉ា ត្រូវចាប់ខ្លួនកាលពីថ្ងៃទី២១ខែសីហា ឆ្នាំ២០១៥ ពាក់ព័ន្ធការចោទថាញុះញង់ឲ្យមានបដិវត្តន៍ពណ៌តាមរយៈបណ្តាញសង្គមហ្វេសប៊ុក។
អតីតសមាជិកព្រឹទ្ធសភាគណបក្សសមរង្ស៊ី លោក ហុង សុខហួរ នៅព្រឹកនេះបានថ្លែងក្នុងសាលសវនាការតុលាការកំពូលថាលោកស្នើនៅក្រៅឃុំបណ្ដោះអាសន្នដោយសារលោកមានបញ្ហាសុខភាព ហើយលោកយល់ព្រមដាក់លិខិតឆ្លងដែនរបស់លោកចំនួន២និងប្រាក់មួយចំនួនសម្រាប់ការសុំនៅក្រៅឃុំ។ លោក ហុង សុខហួរ ត្រូវបានឃុំខ្លួនបណ្តោះអាសន្ននៅពន្ធនាគារព្រៃស តាមការចោទប្រកាន់៣ករណីគឺបទក្លែងឯកសារសាធារណៈ ប្រើប្រាស់ឯកសារសាធារណៈក្លែងក្លាយនិងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម។
លោកនាយករដ្ឋមន្រ្តី ហ៊ុន សែន បានបញ្ជាឲ្យបន្តអនុវត្តពិនិត្យមើលជនបរទេសអន្តោប្រវែសន៍ដែលរស់នៅខុសច្បាប់នៅកម្ពុជា ដោយលោកថាវិធានការត្រូវតែធ្វើឡើងដោយម៉ឺងម៉ាត់និងអនុវត្តតាមច្បាប់ជាតិនិងអន្តរជាតិ។
VOD ជាអង្គភាពសារព័ត៌មានដែលប្រតិបត្តិការដោយមូលនិធិដើម្បីសេរីភាពដែលបានចុះបញ្ជីនៅរដ្ឋវ៉ាស៊ីនតោន សហរដ្ឋអាមេរិក។
VOD ផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
VOD is a media outlet operated by the Foundation for Freedom (FFF), a nonprofit organization registered in Washington State, United States, with EIN 92-2110856.
© 2026 Copyright By Foundation for Freedom (FFF)
