អ្នកនាំពាក្យគណបក្សប្រជាជនកម្ពុជា លោក សុខ ឥសាន ចាត់ទុកអតីតដៃគូប្រកួតដែលមានសក្ដានុពល គឺលោក សម រង្ស៊ី ថាជាអ្នកធ្វើនយោបាយបែបអត្តឃាត ខណៈអ្នកឃ្លាំមើលថា ទីលានប្រកួតនយោបាយបច្ចុប្បន្ន អ្នកនយោបាយបានប្រើកលល្បិចកម្ចាត់គ្នាដើម្បីបន្តគ្រប់គ្រងអំណាច ដោយមិនអនុលោមតាមរដ្ឋធម្មនុញ្ញ។
អតីតតំណាងរាស្រ្តគណបក្សសង្រ្គោះជាតិដែលត្រូវបានតុលាការរំលាយ ហើយអះអាងថាជាអ្នករៀបចំការធ្វើបាតុកម្មផងដែរនោះ បញ្ជាក់ថា តាមការគ្រោងទុក អ្នកចូលរួមអាចមានគ្នាប្រហែល៣០០នាក់ដែលមកពីតំបន់នៅជុំវិញទ្វីបអឺរ៉ុប នឹងតវ៉ាឱ្យលោកនាយករដ្ឋមន្រ្តី ហ៊ុន សែន ឆ្លើយតបប្រកបដោយភាពវិជ្ជមានចំពោះជោគវាសនារបស់ពលរដ្ឋកម្ពុជា ខណៈដែលលោក ហ៊ុន សែន អះអាងថានឹងរង់ចាំមើលអ្នកក្លាហានដែលហ៊ានប្រឈមនឹងការចេញតស៊ូមតិប្រឆាំងវត្តមានរបស់លោក ក្នុងដំណើរបំពេញទស្សនកិច្ចលើកនេះ។
លោកនាយករដ្ឋមន្ត្រី ហ៊ុន សែន ផ្ញើសារបែបគំរាមទៅអ្នកចេញមុខធ្វើបាតុកម្មប្រឆាំងវត្តមានលោកនៅតំបន់អឺរ៉ុប តាមការអំពាវនាវរបស់លោក សម រង្ស៊ី ដោយថា អ្នកដែលធ្វើបាតុកម្មប្រឆាំងទាំងនោះនឹងត្រូវយករូបថតទៅបិទនៅអាកាសយានដ្ឋានអន្តរជាតិភ្នំពេញ ដើម្បីតាមរកសាច់ញាតិក្រុមគ្រួសាររបស់ពួកគេនៅក្នុងប្រទេសកម្ពុជា។
សហស្ថាបនិកគណបក្សសង្រ្គោះជាតិដែលត្រូវបានតុលាការរំលាយ លោក សម រង្ស៊ី បានអំពាវនាវទៅប្រជាពលរដ្ឋខ្មែរដែលរស់នៅទ្វីបអឺរ៉ុបឱ្យចូលរួមធ្វើបាតុកម្មឱ្យបានច្រើនកុះករ ដើម្បីប្រឆាំងវត្តមានលោកនាយករដ្ឋមន្ត្រីហ៊ុន សែន នៅពាក់កណ្តាលខែធ្នូនេះ ខណៈមេដឹកនាំរូបនេះ និងគណៈប្រតិភូកម្ពុជា នឹងទៅចូលរួមកិច្ចប្រជុំកំពូលអាស៊ាន-សហភាពអឺរ៉ុប ដែលធ្វើឡើងនៅប្រទេសប៊េលហ្សិក។
ចៅក្រមប្រឹក្សាជំនុំជម្រះ បានកំណត់យកថ្ងៃទី១៨ ខែមករា ដើម្បីប្រកាសសាលក្រម ក្នុងសំណុំរឿងព្រហ្មទណ្ឌប្រឆាំងអតីតអ្នកគាំទ្រនយោបាយរបស់គណបក្សសង្រ្គោះជាតិដែលត្រូវបានតុលាការរំលាយ និងអ្នកវិភាគនយោបាយ ដោយចាត់ទុកថា ការចោទប្រកាន់នេះមានធាតុផ្សំនៃបទល្មើសគ្រប់គ្រាន់ ដែលអាចឈានទៅកំណត់ជនជាប់ចោទពិតជាបានប្រព្រឹត្តបទល្មើសដូចការចោទប្រកាន់មែន។
ក្រុមមេធាវីការពារសិទ្ធិឱ្យអតីតសមាជិកគណបក្សសង្គ្រោះជាតិដែលត្រូវបានតុលាការរំលាយ ស្នើក្រុមប្រឹក្សាជំនុំជម្រះសាលាដំបូងរាជធានីភ្នំពេញ ទម្លាក់បទចោទលើកូនក្ដីរបស់ខ្លួនដែលត្រូវបានចោទប្រកាន់ ជុំវិញការគាំទ្រផែនការវិលត្រលប់មិនបានសម្រេចរបស់លោកស្រី មូរ សុខហួរ ដោយអះអាងថា គ្មានភស្តុតាងគ្រប់គ្រាន់។
ប្រធានគណបក្សសង្គ្រោះជាតិដែលត្រូវបានតុលាការរំលាយ បានអះអាងថា មាតុភូមិកម្ពុជា ជាផ្ទះ និងជាជម្រកដង្ហើមនៃជីវិតរបស់លោក ដូច្នេះមិនមានហេតុផលណាមួយសម្រាប់លោកដើម្បីនាំឱ្យជាតិសាសន៍ផ្សេងមកត្រួតត្រា ឬឈ្លានពានប្រឆាំងកម្ពុជានោះឡើយ។
ក្រុមយុវជននៅតែចាត់ទុកពាក្យថា «នយោបាយ» ជារឿងដែលគួរឱ្យខ្លាច ក្នុងពេលដែលអ្នកនយោបាយ និងសកម្មជនគាំទ្របក្សជំទាស់សង្កេតឃើញថាត្រូវរងការយាយី និងធ្វើទុក្ខបុកម្នេញខាងនយោបាយជាហូរហែ ខណៈមន្រ្តីរដ្ឋាភិបាលវិញអះអាងថា ប្រទេសកម្ពុជាមានសុខសន្តិភាព និងស្ថិរភាពពេញលេញ ដូច្នេះការគំរាមកំហែងខាងនយោបាយនេះមិនមានទេ។
អតីតតំណាងរាស្រ្តមណ្ឌលភ្នំពេញ កូតាមកពីគណបក្សសង្រ្គោះជាតិដែលត្រូវបានតុលាការរំលាយ ហើយធ្លាប់ធ្វើកិច្ចការលើប្រព័ន្ធផ្សព្វផ្សាយដែលបម្រើគោលនយោបាយឱ្យគណបក្សជំទាស់ បានចុះចូលជាមួយគណបក្សប្រជាជនកម្ពុជា។
សវនាការជំនុំជម្រះអតីតថ្នាក់ដឹកនាំគណបក្សសង្គ្រោះជាតិដែលត្រូវតុលាការរំលាយ និងអ្នកគាំទ្រ ពាក់ព័ន្ធនឹងការចោទប្រកាន់ជុំវិញការគាំទ្រដំណើរវិលត្រលប់មកកម្ពុជាវិញរបស់លោកស្រី មូរ សុខហួរ នឹងឈានដល់ការធ្វើសេចក្ដីសន្និដ្ឋានចុងក្រោយនៅដើមខែធ្នូ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
