សហភាពសហជីពកម្ពុជា ស្នើរដ្ឋាភិបាលស្ដារស្ថានភាពសិទ្ធិមនុស្ស និងលទ្ធិប្រជាធិបតេយ្យ ព្រមទាំងបើកលំហសិទ្ធិនយោបាយឡើងវិញ មុនពេលបោះឆ្នោតជាតិឆ្នាំ២០២៣ ទៅតាមការស្នើរបស់សហគមន៍អន្តរជាតិ ខណៈខ្លួនកំពុងព្រួយបារម្ភពីការបាត់បង់ទាំងស្រុងនូវប្រព័ន្ធអនុគ្រោះពន្ធ GSP របស់អាមេរិក និងប្រព័ន្ធអនុគ្រោះពន្ធអ្វីៗទាំងអស់លើកលែងតែអាវុធ ឬEBA របស់សហភាពអឺរ៉ុប។
ចៅក្រមសាលាដំបូងរាជធានីភ្នំពេញ ផ្ដន្ទាទោសអតីតមេដឹកនាំ និងសកម្មជនបក្សសង្គ្រោះជាតិដែលត្រូវតុលាការរំលាយ ចំនួន៣៧នាក់ ក្នុងនោះ ៣៦នាក់ជាប់ពន្ធនាគារចន្លោះ៥ទៅ៧ឆ្នាំ ក្រោមបទចោទប្រកាន់ «រួមគំនិតក្បត់» ខណៈម្នាក់ក្នុងចំណោមនោះរួចផុតបទចោទ ពាក់ព័ន្ធការប៉ុនប៉ងនិងគាំទ្រដំណើរវិលត្រលប់មិនបានសម្រេចរបស់លោកស្រី មូរ សុខហួរ។
លោកនាយករដ្ឋមន្ត្រី ហ៊ុន សែន ប្រកាសជំហរមិនដកថយ ក្នុងការប្រើប្រព័ន្ធច្បាប់ដែលគេមើលឃើញថាមិនឯករាជ្យ ដើម្បីវាយបកទៅលើក្រុមអ្នកនយោបាយជំទាស់ តាមរយៈវិធានរឹបអចលនទ្រព្យដីធ្លី ក្នុងនោះមានទាំងលោក សម រង្ស៊ី និងលោក សុន ឆ័យ ផងដែរ នូវអ្វីដែលលោកថា ដើម្បីលុបបំបាត់ការចោទប្រកាន់បក្សកាន់អំណាចរបស់លោក។
សវនាការដែលប្រើពេលវេលាជាង១៣ម៉ោង ក្នុងការជំនុំជម្រះដើម្បីរកភាពត្រឹមត្រូវ សម្រាប់សំណុំរឿងព្រហ្មទណ្ឌក្រោមបទ«គប់គិតជាមួយរដ្ឋបរទេស ចង់ផ្ដួលរំលំរដ្ឋាភិបាល តាមររយៈបដិវត្តន៍ពណ៌នៅកម្ពុជា»នេះ ត្រូវបានក្រុមប្រឹក្សាជំនុំជម្រះនៃតុលាការថ្នាក់ទាប សម្រេចនឹងចេញសាលក្រមនៅដើមខែមីនា ឆ្នាំ២០២៣ ខាងមុខនេះ។
របត់នយោបាយជាង៥ឆ្នាំមកនេះ ហាក់បានបន្សល់ទុកនូវរោគសញ្ញាធំពីរផ្ទុយគ្នារវាងមេដឹកនាំកម្ពុជា និងប្លុកលោកសេរី ដែលជំរុញឱ្យស្ដារប្រជាធិបតេយ្យឡើងវិញ ជាថ្នូរនឹងលក្ខខណ្ឌរក្សាទុកអំណោយផលផ្នែកពាណិជ្ជកម្មដល់ប្រទេសកម្ពុជា។
កូនប្រុសរបស់ស្ត្រីថ្ងៃសុក្រម្នាក់ដែលទើបនឹងស្លាប់ អំពាវនាវទៅអាជ្ញាធរដោះលែងឪពុករបស់ខ្លួនដែលជាអតីតសមាជិកក្រុមប្រឹក្សាខេត្តព្រៃវែងមកពីគណបក្សប្រឆាំង ដើម្បីបានជួបជុំគ្រួសារធ្វើបុណ្យសពឱ្យម្តាយ ខណៈឪពុករបស់លោកជាប់ឃុំក្នុងពន្ធនាគារជាង២០ខែទាំងអយុត្តិធម៌។
មន្ត្រីជាន់ខ្ពស់រដ្ឋាភិបាលកម្ពុជា ចាត់ទុកការដែលផ្សព្វផ្សាយថា «ប្រធានាធិបតីបារាំងបានរម្លឹកពីកិច្ចព្រមព្រៀងសន្តិភាពទីក្រុងប៉ារីស ក្នុងអំឡុងជំនួបជាមួយលោកនាយករដ្ឋមន្ត្រី ហ៊ុន សែន» នោះ ថាជារឿងមិនសម ព្រោះមិនអាចប្រទេសណាមួយមកបង្គាប់ឱ្យប្រទេសមួយទៀតធ្វើអ្វីតាមខ្លួននោះឡើយ។
នៅសល់ពេលតែ២ថ្ងៃទៀតទេ ដល់ពេលដែលភាគីពាក់ព័ន្ធនានានៅក្នុងសំណុំរឿងព្រហ្មទណ្ឌ «រួមគំនិតក្បត់ជាតិ ហើយចង់ផ្ដួលរំលំរដ្ឋាភិបាល» ត្រូវឡើងការពារពីការដាក់បន្ទុក និងដោះបន្ទុករបស់ខ្លួន ខណៈមេធាវីការពារសិទ្ធិឱ្យលោក កឹម សុខា អះអាងថា ខ្លួនកំពុងពិចារណាក្នុងការដាក់និក្ខេបបទ ឬសារណា នេះទៅតាមការកំណត់របស់តុលាការ។
លោកនាយករដ្ឋមន្ត្រី ហ៊ុន សែន បង្ហាញក្ដីសង្ឃឹមថា អ្នកបន្តវេនជំនាន់ក្រោយនឹងបន្តពូនជ្រំសមិទ្ធផលរបស់រដ្ឋាភិបាលដែលសម្រេចបានជាង៤០ឆ្នាំមកនេះ ដែលថាផ្នែកមួយនៃជោគជ័យនេះកើតចេញពីគោលនយោបាយ ឈ្នះ-ឈ្នះ និងមិត្តដែកថែមជាមួយមហាអំណាចចិន ខណៈក្រុមប្រទេសលោកសេរីកំពុងជំរុញឱ្យកម្ពុជាស្ដារប្រជាធិបតេយ្យ។
អ្នកនាំពាក្យគណបក្សប្រជាជនកម្ពុជា លោក សុខ ឥសាន ចាត់ទុកអតីតដៃគូប្រកួតដែលមានសក្ដានុពល គឺលោក សម រង្ស៊ី ថាជាអ្នកធ្វើនយោបាយបែបអត្តឃាត ខណៈអ្នកឃ្លាំមើលថា ទីលានប្រកួតនយោបាយបច្ចុប្បន្ន អ្នកនយោបាយបានប្រើកលល្បិចកម្ចាត់គ្នាដើម្បីបន្តគ្រប់គ្រងអំណាច ដោយមិនអនុលោមតាមរដ្ឋធម្មនុញ្ញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
