យ៉ាងហោចណាស់ សំឡេងផ្ទុះចំនួន២លើកដោយស្នូរកាំភ្លើងត្រូវបានលាន់ឮនៅជិតមន្ទីរពេទ្យយោធាមួយ (Sardar Mohammad Daud Khan military hospital) ក្នុងរដ្ឋធានីកាប៊ុល ប្រទេសអាហ្វហ្គានីស្ថាន នៅថ្ងៃអង្គារនេះ។ នេះបើតាមការរាយការណ៍ឱ្យដឹងពីសាក្សីម្នាក់ដែលរស់នៅក្បែរទីតាំងកើតហេតុនោះ។
រដ្ឋមន្រ្តីការបរទេសចិន និងជាទីប្រឹក្សារដ្ឋ លោក វ៉ាង យី (Wang Yi) បានឱ្យដឹងតាមរយៈសន្និសីទមួយដែលធ្វើឡើងនៅក្នុងប្រទេសអ៊ីរ៉ង់ថា ក្រុមតាលីបង់ដែលបច្ចុប្បន្នគ្រប់គ្រងប្រទេសអាហ្វហ្គានីស្ថាន មានគោលបំណងចង់ឱ្យមានកិច្ចសន្ទនាជាមួយសហគមន៍អន្តរជាតិ។
មន្ត្រីជាន់ខ្ពស់អង្គការស្បៀងអាហារពិភពលោក (WFP) មួយរូប ព្រមានថា ប្រជាជនអាហ្វហ្គានីស្ថានរាប់លាននាក់ រួមទាំងកុមារ អាចប្រឈមនឹងការស្លាប់ដោយភាពអត់ឃ្លាន បើសិនជាមិនមានការចាត់វិធានការបន្ទាន់ណាមួយ ដើម្បីជួយដល់ប្រទេសនេះឱ្យងើបចេញពីការដួលរលំនោះទេ។
ក្រសួងការបរទេសចិន បានឱ្យដឹងនៅថ្ងៃចន្ទនេះថា រដ្ឋមន្រ្តីការបរទេស និងជាទីប្រឹក្សារដ្ឋ លោក វ៉ាង យី (Wang Yi) នឹងជួបជាមួយគណៈប្រតិភូនៃរដ្ឋាភិបាលបណ្ដោះអាសន្នរបស់ពួកតាលីបង់ ក្នុងអំឡុងដំណើរទស្សនកិច្ចរបស់លោកទៅកាន់ប្រទេសកាតា នៅថ្ងៃទី២៥ និងទី២៦ ខែតុលានេះ។
នាយករដ្ឋមន្ត្រីអ៊ីតាលី លោក Mario Draghi បានឱ្យដឹងនៅថ្ងៃអង្គារកន្លងទៅ បន្ទាប់ពីកិច្ចប្រជុំកំពូលបន្ទាន់មួយថា ក្រុមប្រទេសដែលមានសេដ្ឋកិច្ចជឿនលឿនចំនួន២០ បានប្ដេជ្ញាដោះស្រាយបញ្ហាវិបត្តិសេដ្ឋកិច្ចនៅអាហ្វហ្គានីស្ថាន បើទោះបីជាត្រូវសម្របសម្រួលកិច្ចខិតខំប្រឹងប្រែងនានាជាមួយពួកតាលីបង់ក៏ដោយ។
បើទោះបីជាមានការសន្យារបស់ខ្លួនក្នុងការផ្ដល់ការអប់រំដល់ក្មេងស្រីក៏ដោយ ពួកតាលីបង់បច្ចុប្បន្ន នៅតែមិនទាន់បានអនុញ្ញាតឱ្យសិស្សស្រីពីកម្រិតអនុវិទ្យាល័យចូលទៅកាន់ថ្នាក់រៀនឡើងវិញនៅឡើយ។
ក្រុមតាលីបង់ នៅថ្ងៃពុធនេះ បានព្រមានចាត់វិធានការណាមួយ ប្រសិនបើសហរដ្ឋអាមេរិកមិនព្រមបញ្ឈប់ការបង្ហោះយន្ដហោះដ្រូន (drone) របស់ពួកគេនៅលើដែនអាកាសរបស់អាហ្វហ្គានីស្ថានទេនោះ។
អ្នកនាំពាក្យសេតវិមាន លោកស្រី Jen Psaki បានថ្លែងកាលពីថ្ងៃអង្គារម្សិលមិញថា សហរដ្ឋអាមេរិកអាចប្រឈមនឹងសង្គ្រាមជាមួយពួកតាលីបង់ ប្រសិនបើខ្លួនបន្តរក្សាកងទ័ពរបស់ខ្លួនដែលមានចំនួន២ ៥០០នាក់នៅអាហ្វហ្គានីស្ថាន។
មន្រ្តីជាន់ខ្ពស់ក្រសួងការបរទេសអាមេរិកមួយរូប បានឱ្យដឹងនៅថ្ងៃចន្ទម្សិលមិញថា សហរដ្ឋអាមេរិកទទួលបានដំណឹងថា មានពលរដ្ឋរបស់ខ្លួននិងអ្នករស់នៅអចិន្ត្រៃយ៍ស្របច្បាប់ (LPRs) ប្រមាណជា១០០នាក់ទៀតនៅអាហ្វហ្គានីស្ថាន ដែលត្រូវតែជម្លៀសចេញពីប្រទេសនេះ។
រដ្ឋមន្ត្រីការបរទេសអ៊ីតាលី លោក Luigi Di Maio បានថ្លែងកាលពីថ្ងៃអាទិត្យម្សិលមិញថា រដ្ឋាភិបាលតាលីបង់នៅអាហ្វហ្គានីស្ថាន មិនអាចទទួលស្គាល់បានទេ ប៉ុន្តែលោកបានជំរុញឱ្យរដ្ឋាភិបាលបរទេសជួយទប់ស្កាត់ការដួលរលំហិរញ្ញវត្ថុនៅទីនោះ ដែលអាចនឹងបង្កឱ្យមានលំហូរជនចំណាកស្រុកយ៉ាងច្រើន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
