លោក ហ៊ុន សែន បញ្ជាជាថ្មីឲ្យពិនិត្យមើលទណ្ឌិតជាប់ទោសដោយសារប្លន់និងគ្រឿងញៀន
លោកនាយករដ្ឋមន្រ្តី ហ៊ុន សែន បានបញ្ជាឲ្យរដ្ឋមន្រ្តីក្រសួងយុត្តិធម៌និងប្រធានពន្ធនាគារត្រូវធ្វើការឲ្យបានម៉ត់ចត់ទៅលើទណ្ឌិតដែលជាប់ទោសដោយសារប្លន់និងគ្រឿងញៀន មុនពេលដាក់ឲ្យលោកចុះហត្ថលេខាដាក់ថ្វាយព្រះមហាក្សត្រលើកលែងទោស។ ក្នុងពិធីបិទសន្និបាតបូកសរុបការងាររបស់ក្រសួងមហាផ្ទៃ កាលពីថ្ងៃព្រហស្បតិ៍ លោក ហ៊ុន សែន បានលើកឡើងថានៅពេលដាក់ឈ្មោះទណ្ឌិតណាដែលត្រូវលើកលែងទោស លោកស្នើឲ្យប្រាប់រូបលោកថាតើទណ្ឌិតណាជាប្រភេទចោរនិងគ្រឿងញៀន។
ដោយ វីអូឌី ២៦ កុម្ភៈ ២០១៦ ០៨:០០
