កសិករមួយចំនួននៅតែប្រឈមនឹងជម្រើសលក់ដី ដើម្បីសងបំណុល ដោយសារតែបង្ខំចិត្តលក់ស្រូវក្នុងតម្លៃថោក នៅរដូវប្រមូលផល ពីមួយឆ្នាំទៅមួយឆ្នាំ បើទោះបីរដ្ឋាភិបាលមានចក្ខុវិស័យលើកកម្ពស់វិស័យកសិកម្ម និងមានកិច្ចព្រមព្រៀងពាណិជ្ជកម្មសេរីកម្ពុជា-ចិន (FTA) ក្ដី។
ម្ចាស់រោងម៉ាស៊ីនកិនស្រូវរំពឹងថា ស្រូវនឹងរក្សាតម្លៃជាង១ ០០០រៀលក្នុងមួយគីឡូ ក្រោយរដ្ឋាភិបាលបានបញ្ចេញថវិកាជិត១០០លានដុល្លារ ដើម្បីគាំទ្រដល់រោងម៉ាស៊ីនកិនស្រូវ និងក្រុមហ៊ុនកែច្នៃនាំអង្ករចេញ ក្នុងការប្រមូលទិញស្រូវពីប្រជាកសិករតាមតម្លៃសមស្រប ចៀសវាងការទិញទម្លាក់ថ្លៃពីឈ្មួញខិលខូចមួយចំនួន។
ប្រមុខរដ្ឋាភិបាល ជំរុញឱ្យមានការជួយគាំទ្រ និងជួយលើកកម្ពស់ផលិតផលក្នុងស្រុក ស្របពេលផលិតផលកសិកម្មមួយចំនួនរបស់កសិករ ត្រូវបានទុកចោលដោយសារអត់ទីផ្សារលក់។
ក្រសួងសេដ្ឋកិច្ច និងហិរញ្ញវត្ថុ បានអះអាងថា រដ្ឋាភិបាលបានសម្រេចបញ្ចេញប្រាក់ ២៧លានដុល្លារ សម្រាប់ជួយជំរុញស្ថេរភាពតម្លៃស្រូវ និងជំរុញការទិញស្រូវក្នុងស្រុក។
យោងតាមសេចក្ដីប្រកាសព័ត៌មានកាលពីថ្ងៃទី១៥ ខែកញ្ញា ក្រសួងសេដ្ឋកិច្ច និងហិរញ្ញវត្ថុ បានឲ្យដឹងថា តម្លៃស្រូវសែនក្រអូបរបស់កម្ពុជា បានធ្លាក់ចុះពីតម្លៃ ៩៩ម៉ឺនរៀលក្នុងមួយតោន មកនៅត្រឹម ៧៧ម៉ឺនរៀលប៉ុណ្ណោះ ចាប់តាំងពីពាក់កណ្ដាលខែសីហាកន្លងមក។
លោកនាយករដ្ឋមន្រ្តី ហ៊ុន សែន នៅថ្ងៃពុធនេះបានថ្លែងថាតម្លៃកសិផលធ្លាក់ចុះជាបញ្ហារួមរបស់ពិភពលោក មិនមែនសម្រាប់តែកម្ពុជានោះទេ ដោយលោកបានរិះគន់អ្នកនយោបាយមួយចំនួនថាឃោសនាបោកប្រជាកសិករថានឹងធ្វើឲ្យតម្លៃកសិផលឡើងថ្លៃ។ក្នុងពិធីដាក់សម្ពោធឲ្យប្រើប្រាស់“វិទ្យាល័យ ប៊ុន រ៉ានី ហ៊ុន សែននៅខេត្តត្បូងឃ្មុំ លោក ហ៊ុន សែន បានថ្លែងថាពិភពលោកកំពុងជួបប្រទះនូវការធ្លាក់ចុះថ្លៃដាំណាំកសិផល តែលោកថារដ្ឋាភិបាលនៅតែបន្តការខិតខំដោះស្រាយបញ្ហាទាំងនេះ។ លោកមានប្រសាសន៍ថា៖ “ទាក់ទិនជាមួយនឹងបញ្ហាកសិផល មិនថាស្រូវ មិនថាពោត មិនថាដំឡូង មិនថាស្អីទេ ពិភពលោកកំពុងជួបប្រទះនូវបញ្ហាដូចៗគ្នា។ នៅប្រទេសថៃ ចម្ការកៅចូលដល់លានហិកតា គឺអត់ចាក់ជ័រទេ ព្រោះមិនរួចថ្លៃដើម។ នៅម៉ាឡេស៊ីកំពុងតែបញ្ហា ក្រៅពីកៅស៊ូ នៅមានបញ្ហាអាប្រេងទៀត”។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
