ប្រធានគណបក្សសង្គ្រោះជាតិដែលត្រូវបានតុលាការរំលាយ លោក កឹម សុខា លើកឡើងថា លោកតែងតែប្រាថ្នាចង់បានការទំនាក់ទំនង ឬការជួបសម្ដែងការគួរសម និងការសន្ទនាគ្នារវាងខ្មែរនិងខ្មែរ ដោយថា នេះគឺជារឿងចាំបាច់បំផុតដើម្បីផលប្រយោជន៍ជាតិ។
នៅសល់តែប៉ុន្មានថ្ងៃទៀតប៉ុណ្ណោះ ឆ្នាំចាស់នឹងត្រូវបិទបញ្ចប់ ហើយឆ្នាំថ្មីនឹងចូលមកដល់ ទោះជាយ៉ាងណា ភាពចាក់ស្រេះផ្នែកវិបត្តិនយោបាយនៅកម្ពុជា ត្រូវគេមើលឃើញថា នៅតែមិនអាចទម្លុះភាពជាប់គាំងបាន នៅបន្ទាប់ពីគណបក្សប្រឆាំងដែលមានសំឡេងគាំទ្រមិនចាញ់នឹងគណបក្សកាន់អំណាចប៉ុន្មាន ត្រូវបានតុលាការកំពូលរំលាយកាលពីចុងឆ្នាំ២០១៧ ដែលធ្វើឱ្យភាពប្រេះឆាផ្ទៃក្នុងនេះបន្តដោះមិនចេញដល់ពេលបច្ចុប្បន្ន។
សវនាការដែលប្រើពេលវេលាជាង១៣ម៉ោង ក្នុងការជំនុំជម្រះដើម្បីរកភាពត្រឹមត្រូវ សម្រាប់សំណុំរឿងព្រហ្មទណ្ឌក្រោមបទ«គប់គិតជាមួយរដ្ឋបរទេស ចង់ផ្ដួលរំលំរដ្ឋាភិបាល តាមររយៈបដិវត្តន៍ពណ៌នៅកម្ពុជា»នេះ ត្រូវបានក្រុមប្រឹក្សាជំនុំជម្រះនៃតុលាការថ្នាក់ទាប សម្រេចនឹងចេញសាលក្រមនៅដើមខែមីនា ឆ្នាំ២០២៣ ខាងមុខនេះ។
នៅសល់ពេលតែ២ថ្ងៃទៀតទេ ដល់ពេលដែលភាគីពាក់ព័ន្ធនានានៅក្នុងសំណុំរឿងព្រហ្មទណ្ឌ «រួមគំនិតក្បត់ជាតិ ហើយចង់ផ្ដួលរំលំរដ្ឋាភិបាល» ត្រូវឡើងការពារពីការដាក់បន្ទុក និងដោះបន្ទុករបស់ខ្លួន ខណៈមេធាវីការពារសិទ្ធិឱ្យលោក កឹម សុខា អះអាងថា ខ្លួនកំពុងពិចារណាក្នុងការដាក់និក្ខេបបទ ឬសារណា នេះទៅតាមការកំណត់របស់តុលាការ។
ប្រធានគណបក្សសង្គ្រោះជាតិដែលត្រូវបានតុលាការរំលាយ បានអះអាងថា មាតុភូមិកម្ពុជា ជាផ្ទះ និងជាជម្រកដង្ហើមនៃជីវិតរបស់លោក ដូច្នេះមិនមានហេតុផលណាមួយសម្រាប់លោកដើម្បីនាំឱ្យជាតិសាសន៍ផ្សេងមកត្រួតត្រា ឬឈ្លានពានប្រឆាំងកម្ពុជានោះឡើយ។
អ្នកនយោបាយជាន់ខ្ពស់នៃគណបក្សជំទាស់ បានលើកឡើងដោយផ្ទាល់ជាមួយមន្រ្តីអគ្គរដ្ឋទូតប្រទេសមហាអំណាចផ្នែកប្រជាធិបតេយ្យ អំពីលំហប្រជាធិបតេយ្យ និងនីតិវិធីនៃសវនាការរបស់ខ្លួន ដែលរឿងក្ដីនេះកំពុងស្ថិតនៅក្នុងដៃតុលាការនៅឡើយ ខណៈសហរដ្ឋអាមេរិកក៏ចង់ឃើញភាពជឿនលឿននៃដំណើរការនីតិវិធីនេះដោះស្រាយឱ្យបានឆាប់ និងជំរុញឱ្យស្ដារឡើងវិញនូវសិទ្ធិធ្វើនយោបាយ ដើម្បីជាប្រយោជន៍សម្រាប់កម្ពុជា។
តុលាការបានកំណត់យកថ្ងៃទី២១ ខែធ្នូ ឆ្នាំ២០២២ខាងមុខនេះ ជាថ្ងៃដែលគ្រប់ភាគីពាក់ព័ន្ធ នៅក្នុងសំណុំរឿងព្រហ្មទណ្ឌដែលមានជនជាប់ចោទ លោក កឹម សុខា ដើម្បីធ្វើសេចក្ដីសន្និដ្ឋានចុងក្រោយ មុននឹងតុលាការប្រកាសថាសាលក្រមមួយនេះ តុលាការគួរលើកលែងការចោទប្រកាន់ ឬត្រូវផ្ដន្ទាទោសប្រឆាំងអ្នកនយោបាយជាន់ខ្ពស់រូបនេះ។
ការប្រកាសបិទបញ្ចប់ការសួរដេញដោលលើសំណុំរឿងទាំងមូល ដោយប្រធានក្រុមប្រឹក្សាជំនុំជម្រះ នៃតុលាការជាន់ទាបនេះ បានជំរុញឱ្យមានការតវ៉ាពីភាគីសហមេធាវីការពារសិទ្ធិឱ្យអ្នកនយោបាយជាន់ខ្ពស់នៃគណបក្សសង្រ្គោះជាតិដែលត្រូវបានតុលាការកំពូលរំលាយ ដោយពួកគាត់ចាត់ទុកថា ការដឹកនាំនីតិវិធីនៃការជម្រះក្ដីនេះនៅមានរឿងជាច្រើនទៀត ដែលត្រូវជម្រះមន្ទិល និងស្វែងរកការពិត ក្នុងពេលសាក្សីសំខាន់ផ្សេងទៀតជាមន្រ្តីនគរបាលយុត្តិធម៌ដែលចុះអនុវត្តចាប់ខ្លួនលោក កឹម សុខា មិនត្រូវបានកោះហៅឱ្យមកផ្ដល់សក្ខីកម្មនៅឡើយ។
ឯកអគ្គរាជទូតអូស្ត្រាលីប្រចាំនៅកម្ពុជា អះអាងថា លោកបានលើកយកបញ្ហាមួយចំនួននៅកម្ពុជា ដូចជា បញ្ហាជួញដូរមនុស្ស គ្រឿងញៀន ការលាងលុយកខ្វក់ វិវាទការងារនៅក្រុមហ៊ុនណាហ្គាវើលដ៍ ការបោះឆ្នោតឆ្នាំ២០២៣ រួមទាំងសំណុំរឿងលោក កឹម សុខា និងលោក សុន ឆ័យ ជាដើម ទៅជជែកជាមួយរដ្ឋមន្ត្រីក្រសួងមហាផ្ទៃ លោក ស ខេង។
គណបក្សក្រៅរដ្ឋាភិបាលមួយចំនួន ជំរុញឱ្យមានការផ្ដល់សេរីភាពផ្នែកនយោបាយដល់លោក កឹម សុខា ឡើងវិញ មុនការបោះឆ្នោតជាតិ ឆ្នាំ២០២៣ មកដល់ ដោយពួកគេចង់ឃើញការប្រកួតប្រជែងនយោបាយក្នុងពេលខាងមុខ ធ្វើឡើងដោយស្មើភាពគ្នា ក្រោមវត្តមានមេបក្សប្រឆាំងរូបនេះអាចចូលរួមបាន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
