អ្នកឃ្លាំមើល គាំទ្រចំពោះការពង្រឹងចំណងមិត្តភាពល្អជាមួយចិន តែជំរុញកម្ពុជាឱ្យបង្កើនការកសាងទំនាក់ទំនង និងរក្សាអព្យាក្រឹតភាពរបស់ខ្លួន ដើម្បីផលប្រយោជន៍ជាតិ និងបញ្ចៀសការចោទប្រកាន់ថាកម្ពុជាលម្អៀងទៅចិន។
អ្នកជំនាញថា ក្រោយជំនួបរវាងមេដឹកនាំកម្ពុជា លោក ហ៊ុន សែន ជាមួយឯកអគ្គរដ្ឋទូតនៅស្ថានទូតអាមេរិកនោះ លំហនយោបាយ សិទ្ធិមនុស្ស ប្រជាធិបតេយ្យនៅកម្ពុជា នៅតែមិនល្អប្រសើរដដែល ដោយសារមិនឃើញរដ្ឋាភិបាលកម្ពុជាតាំងចិត្តអនុវត្តតាមកង្វល់របស់ប្រទេសមហាអំណាចនេះ ដូចជា ការស្នើឱ្យមានការដោះលែងសកម្មជននយោបាយ សិទ្ធិមនុស្ស បរិស្ថាន និងបញ្ហាសេរីភាពបញ្ចេញមតិកាន់តែរួមតូច ជាដើម ក៏គ្មានការឆ្លើយតបជាវិជ្ជមានពីរដ្ឋាភិបាលកម្ពុជាដែរ។
រដ្ឋមន្ត្រីក្រសួងការពារជាតិ បានលើកឡើងថា ទំនាក់ទំនងយោធាកម្ពុជា និងសហរដ្ឋអាមេរិក ស្ថិតនៅក្នុងដំណាក់កាលលំបាកមួយ ហើយប្រសិនបើគូភាគីយល់ឃើញថា កិច្ចសហប្រតិបត្តិការរវាងកងទ័ពទាំងពីរមានសារសំខាន់ ត្រូវតែស្វែងរកមធ្យោបាយដ៏ល្អបំផុតសម្រាប់ការយោគយល់ និងគោរពផលប្រយោជន៍គ្នាទៅវិញទៅមក។
មន្រ្តីការទូតជាន់ខ្ពស់សហរដ្ឋអាមេរិក នៅតែទាមទារឱ្យរដ្ឋាភិបាលកម្ពុជាបង្ហាញតម្លាភាពពេញលេញពាក់ព័ន្ធនឹងមូលដ្ឋានកងទ័ពជើងទឹករាម ខណៈដែលប្រទេសមហាអំណាចមួយនេះតែងបង្ហាញកង្វល់អំពីវត្តមានយោធាចិននៅមូលដ្ឋានទ័ពជើងទឹករាម ដែលអាចធ្វើឱ្យប៉ះពាល់ដល់សន្តិសុខនៅក្នុងតំបន់។
រដ្ឋមន្ត្រីក្រសួងការពារជាតិកម្ពុជា ថ្លែងថា ក្រោយធ្វើទំនើបកម្ម «មូលដ្ឋានកងទ័ពជើងទឹករាម» រួចរាល់ នឹងមិនអនុញ្ញាតឱ្យនរណាចូលមើលទៀតទេ ដោយសារទីនោះជាមូលដ្ឋានទ័ព ហើយការងារបច្ចេកទេសយោធាជាកិច្ចការផ្ទៃក្នុង ដែលមិនអាចបង្ហាញជាសាធារណៈបានទេ។
ក្រសួងការបរទេសកម្ពុជា ប្រកាសច្រានចោលជាថ្មីទៀត ពាក់ព័ន្ធសំណុំរឿង «មូលដ្ឋានកងទ័ពជើងទឹករាម» ដែលថាបម្រើផលប្រយោជន៍ផ្តាច់មុខរបស់ចិន ខណៈរដ្ឋាភិបាលប្រកាន់យ៉ាងខ្ជាប់ខ្ជួនចំពោះរដ្ឋធម្មនុញ្ញ ដែលមិនអនុញ្ញាតឱ្យមានមូលដ្ឋានឬវត្តមានកងទ័ពបរទេសណាមួយនៅលើទឹកដីកម្ពុជាឡើយ។
មន្ត្រីជាន់ខ្ពស់រដ្ឋាភិបាលលើកឡើងថា មូលដ្ឋានកងទ័ពជើងទឹករាម ក្នុងខេត្តព្រះសីហនុ ដែលភាគីចិនកំពុងរួមចំណែកអភិវឌ្ឍ គឺជាប្រយោជន៍កម្ពុជា ដោយមិនបម្រើប្រយោជន៍ផ្តាច់មុខប្រទេសណាមួយនោះឡើយ ហើយទីតាំងនោះអនុញាតឱ្យគ្រប់នាវាយោធាបរទេស ក៏អាចមកចូលចតបានដូចគ្នា ប៉ុន្តែត្រូវមានការយល់ព្រមពីភាគីកម្ពុជាជាមុន។
មេដឹកនាំកម្ពុជា លោក ហ៊ុន សែន ប្រកាសឱ្យឈប់យោគយល់នូវការទាមទារណាមួយ ពាក់ព័ន្ធរឿងសុំទៅធ្វើទស្សនកិច្ចនៅកំពង់ផែរាម ក្នុងខេត្តព្រះសីហនុ ជាទីតាំងដែលសហរដ្ឋអាមេរិកធ្លាប់ចោទថា អាចជាតំបន់ឈរជើងរបស់កងទ័ពចិន គំរាមកំហែងដល់សន្តិសុខតំបន់នោះ។
សហរដ្ឋអាមេរិក បានចោទប្រកាន់រដ្ឋាភិបាលកម្ពុជាថានៅមិនទាន់មានតម្លាភាពពេញលេញនៅឡើយទេ ទាក់ទងទៅនឹងគោលបំណង ប្រភេទ និងវិសាលភាពនៃគម្រោងសាងសង់កំពង់ផែសមុទ្ររាម ខណៈមន្ត្រីជាន់ខ្ពស់រដ្ឋាភិបាលកម្ពុជាបានច្រានចោល។
ប្រធានបទមូលដ្ឋានយោធារាម នៅខេត្តព្រះសីហនុ ដែលគេសង្ស័យថា កម្ពុជាផ្តល់សិទ្ធិផ្តាច់មុខទៅឱ្យរដ្ឋអំណាចក្រុងប៉េកាំងនោះ ត្រូវបានសហរដ្ឋអាមេរិកលើកយកមកជជែកគ្នាម្តងហើយម្តងទៀត និងជំរុញឱ្យកម្ពុជាបង្ហាញការពិតលើរឿងនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
