ប្រមុខរដ្ឋាភិបាល លោក ហ៊ុន សែន អះអាងថា លោកមិនជ្រើសរើសវិធីប្រើកម្លាំងប្រដាប់អាវុធលើករណី «ប្រមូលផ្ដុំមនុស្សនៅខេត្តសៀមរាប» តាមការកៀរគររបស់លោក ខឹម វាសនា ឡើយ បើទោះមានការជំរុញក្ដី ខណៈលោកចាត់ទុកថា ជម្រើសប្រើ «ចុងកាំភ្លើង» គឺសម្រាប់ប្រើតែទៅលើក្រុមដែលប៉ុនប៉ងផ្ដួលរំលំលោកប៉ុណ្ណោះ។
លោក សេង ហួរ ជាពលករខ្មែរម្នាក់នៅប្រទេសកូរ៉េខាងត្បូង បានស្ដាប់ធម្មទេសនារបស់លោក ខឹម វាសនា អស់រយៈពេល៣ឆ្នាំមកហើយ ដូច្នេះ កាលពីខែមុន នៅពេលដែលលោក ខឹម វាសនា ទស្សន៍ទាយថានឹងមានទឹកជំនន់ជន់លិចពិភពលោក លោកបានត្រលប់មកប្រទេសកម្ពុជាវិញ ដើម្បីគេចពីគ្រោះមហន្តរាយ និងទៅចម្ការម្រេចរបស់លោក ខឹម វាសនា នៅខេត្តសៀមរាប។
សមាគមខ្មែរមួយនៅប្រទេសកូរ៉េខាងត្បូងបានឱ្យដឹងថា ពលករខ្មែរដែលចាកចេញពីការងារនៅក្នុងប្រទេសនេះមកកម្ពុជា ដោយសារតែជឿលើការឃោសនារបស់លោក ខឹម វាសនា បានចាប់ផ្តើមវិលត្រលប់មកធ្វើការងារវិញហើយ ដោយសង្ឃឹមថានឹងអាចទទួលបានការងារចាស់របស់ពួកគេឡើងវិញ។
តំណាងគណបក្សសម្ព័ន្ធដើម្បីប្រជាធិបតេយ្យ (LDP) ស្នើទៅអភិបាលខេត្តសៀមរាបជួយអន្តរាគមន៍ និងចាត់វិធានការច្បាប់ លើពលរដ្ឋដែលបន្តស្នាក់នៅលើដីចម្ការរបស់ខ្លួនចំនួន២ទីតាំង នៅស្រុកបន្ទាយស្រី ខេត្តសៀមរាប ក្រោយពលរដ្ឋទាំងនោះមិនគោរពតាមឱសានវាទរបស់ខេត្តដែលកំណត់ឱ្យចាកចេញពីទីនោះត្រឹមល្ងាចថ្ងៃទី៥ ខែកញ្ញា។
អាជ្ញាធរខេត្តសៀមរាបអះអាងថា ពលរដ្ឋដែលជឿតាមការកៀរគររបស់លោក ខឹម វាសនា នៅមិនទាន់ចាកចេញអស់ពីចម្ការលោកនៅខេត្តសៀមរាបឡើយ បើទោះផុតឱសានវាទទៅហើយ ដោយថា អ្នកគាំទ្រលោក ខឹម វាសនា មួយចំនួនមិនព្រមសហការជាមួយសមត្ថកិច្ចទេ។
អាជ្ញាធរខេត្តសៀមរាប ព្រមានចាត់វិធានការផ្លូវច្បាប់ ប្រសិនបើពលរដ្ឋមិនព្រមចាកចេញពីចម្ការរបស់លោក ខឹម វាសនា ខណៈតំណាងរបស់លោក ខឹម វាសនា បានចុះកិច្ចសន្យាព្រមព្រៀងជាមួយសមត្ថកិច្ចថា នឹងជំរុញឱ្យសមាជិកខ្លួនចាកចេញឱ្យអស់ត្រឹមថ្ងៃទី៥ ខែកញ្ញានេះ។
ប្រមុខរដ្ឋាភិបាលកម្ពុជាស្នើសុំការយោគយល់ពីបណ្ដាប្រទេសមួយចំនួន និងក្រុមហ៊ុនឯកជននៅប្រទេសទាំងនោះ ជាពិសេសសុំកុំឱ្យមានការប្ដឹងផ្ដល់ជុំវិញករណីពលករកម្ពុជាមួយចំនួនរត់ចោលការងារ ដោយសារជឿលើការឃោសនារបស់លោក ខឹម វាសនា។
លោកនាយករដ្ឋមន្ត្រី ហ៊ុន សែន ប្រកាសមិនចាត់វិធានការលើលោក ខឹម វាសនា ឬប្រើប្រាស់កម្លាំងក្នុងការបង្ក្រាបណាមួយទៅលើការប្រមូលផ្ដុំពលរដ្ឋដែលជាអ្នកគាំទ្រគណបក្សសម្ព័ន្ធដើម្បីប្រជាធិបតេយ្យ នៅតំបន់ភ្នំគូលេន ខេត្តសៀមរាប នោះទេ ដោយបារម្ភខ្លាចចូលអន្ទាក់ បើទោះបីលោករងការជេរប្រមាថពីសំណាក់លោក ខឹម វាសនា ក៏ដោយ។
រដ្ឋបាលខេត្តសៀមរាបបានដាក់ចេញរួចហើយអំពីផែនការរំសាយការប្រមូលផ្ដុំ ដោយចាត់ទុកថា ការជួបជុំនេះគឺមិនបានការសហការណាមួយជាមួយអាជ្ញាធរ និងភាគីពាក់ព័ន្ធ ដែលនាំឱ្យការប្រមូលផ្ដុំនេះប៉ះពាល់ទៅដល់សណ្ដាប់ធ្នាប់ សន្តិសុខ បរិស្ថាន និងវិធានការបង្ការ និងទប់ស្កាត់ប្រឆាំងជំងឺកូវីដ-១៩។
«បងទឹកកំពុងតែហក់ឡើងខ្លាំង ហើយក៏កំពុងតែរញ្ជួយដីជុំវិញប្រទេសយើងហើយនេះ។ ទីក្រុងភ្នំពេញត្រូវលិចលង់ទាំងអស់ អត់មានទីណានៅទេ គឺមានតែសៀមរាបទេដែលអាចនៅបាន ទីទួលមានសុវត្ថិភាព និងគេចផុតពីរញ្ជួយដីបានបង។ ឥលូវនេះ ខ្ញុំមកដល់សៀមរាបហើយ ខ្ញុំមកទាំងគ្រួសារខ្ញុំហើយ។ អាហ្នឹងបើបងឯងមកថ្ងៃនេះឬក៏ស្អែក បងឯងមកទាន់ បើហួសពេលហ្នឹងគឺមកអត់ទាន់ទេ។ ពួកយើងលែងបានជួបគ្នាហើយបងអើយ……»។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
