ស្ថិតនៅក្នុងតំបន់មួយនៃខេត្តកំពង់ធំ រដ្ឋាភិបាលបានបញ្ចប់កម្មវិធីព្រៃឈើសហគមន៍មួយ ខណៈដើមឈើដែលនៅសេសសល់ទាំងឡាយកំពុងតែត្រូវបានកាប់ចេញ ដើម្បីបង្កើតជាគម្រោងភូមិមួយរបស់ធនាគារពិភពលោក។ នៅក្នុងតំបន់មួយផ្សេងទៀត ដីស្រែចម្ការរបស់កសិករមួយចំនួនក៏ត្រូវបានដកហូតសម្រាប់គម្រោងដូចគ្នានេះផងដែរ។
តំណាងជនជាតិដើមភាគតិចកួយជាង២០នាក់ នៅឃុំងន ស្រុកសណ្ដាន់ ខេត្តកំពង់ធំ នៅថ្ងៃសុក្រនេះ បានប្រមូលផ្ដុំគ្នានៅមុខសាលាដំបូងខេត្តកំពង់ធំ ខណៈជនជាតិដើមភាគតិចម្នាក់ដែលជាសាក្សី ចូលបំភ្លឺជុំវិញសំណុំរឿងតំណាងរបស់ពួកគេដែលជាប់បណ្ដឹងពាក់ព័ន្ធរឿងជម្លោះដីធ្លី។
ជនជាតិដើមភាគតិចកួយ នៅតំបន់ក្បិតចង្ហូរខ្នារ ឃុំងន ស្រុកសណ្ដាន់ ខេត្តកំពង់ធំ មានប្រពៃណីចូលព្រៃចៀរជ័រ ដងជ័រ បោចវល្លិ ធ្វើចន្លុះ កាប់បន្លែព្រៃ ជីករំដេង រកមើមចិន ដកផ្សិត ជីកដំឡូង កាប់សោម ច្រូតស្បូវ បេះផ្លែឈើព្រៃ ដូចជា ផ្លែគុយ សុគង់ រំដួល និងរកអនុផលព្រៃឈើជាច្រើនទៀត ដើម្បីយកទៅលក់។
សាច់ញាតិអនុភូមិម្នាក់ដែលស្លាប់ក្នុងរថយន្តសមត្ថកិច្ច ពេលកំពុងបញ្ជូនទៅកាន់បញ្ជាការដ្ឋានកងរាជអាវុធហត្ថខេត្តកំពង់ធំ អំពាវនាវទៅតុលាការចាត់វិធានការច្បាប់ទៅលើអ្នកក្រៀកកឪពុករបស់គាត់ម្នាក់ទៀត និងទាមទារសំណង៣ម៉ឺនដុល្លារ ខណៈតុលាការសម្រេចចោទប្រកាន់និងឃុំខ្លួនអ្នកពាក់ព័ន្ធចំនួន៣នាក់តែប៉ុណ្ណោះ។
អ្នកនាំពាក្យអយ្យការអមសាលាដំបូងខេត្តកំពង់ធំ ឱ្យដឹងថា មន្រ្តីកងរាជអាវុធហត្ថខេត្តចំនួន៣នាក់ត្រូវបានបញ្ជូនទៅឃុំខ្លួនក្នុងពន្ធធនាគារខេត្តជាបណ្ដោះអាសន្ន ខណៈមន្រ្តីកងរាជអាវុធហត្ថ១០នាក់ទៀតត្រូវបានអនុញ្ញាតឱ្យត្រលប់ទៅផ្ទះវិញ ដោយរកពុំឃើញថាពួកគេមានកំហុស។
មន្ត្រីជាន់ខ្ពស់កងរាជអាវុធហត្ថលើផ្ទៃប្រទេស អះអាងថា មន្ត្រីកងរាជអាវុធហត្ថខេត្តកំពង់ធំចំនួន៣នាក់ត្រូវបានបញ្ជូនទៅតុលាការ ក្រោមបទចោទមនុស្សឃាតដោយអចេតនា ករណីចាប់ខ្លួនអនុប្រធានភូមិរូងម្នាក់បណ្ដាលឱ្យស្លាប់។
សមត្ថកិច្ចជំនាញបានឃាត់ខ្លួនមន្ត្រីកងរាជអាវុធហត្ថខេត្តកំពង់ធំចំនួន២នាក់ ក្នុងករណីចុះបង្រ្កាបទីតាំងល្បែងស៊ីសងអនឡាញមួយកន្លែង បណ្ដាលឱ្យមនុស្សម្នាក់ស្លាប់ ក្រោយក្រុមការងារចំពោះកិច្ចរបស់កងរាជអាវុធហត្ថលើផ្ទៃប្រទេសបានធ្វើការស៊ើបអង្កេត។
សាច់ញាតិរបស់អនុប្រធានភូមិម្នាក់ ដែលស្លាប់នៅអំឡុងពេលកម្លាំងកងរាជអាវុធហត្ថចាប់ខ្លួនពេលចុះបង្ក្រាបល្បែងឡូតូមួយកន្លែងនៅខេត្តកំពង់ធំ ស្នើទៅស្ថាប័នពាក់ព័ន្ធពន្លឿនការស្រាវជ្រាវចាប់ជនល្មើសមកផ្តន្ទាទោសតាមច្បាប់ ដោយពួកគេអះអាងថាឪពុករបស់ខ្លួនស្លាប់ទាំងអយុត្តិធម៌។
មេបញ្ជាការកងរាជអាវុធហត្ថខេត្តកំពង់ធំបានឱ្យដឹងថា មន្ត្រីរបស់ខ្លួនចំនួន១១នាក់ត្រូវបានឃាត់ខ្លួនទុកនៅបន្ទាយជាបណ្តោះអាសន្នដើម្បីស៊ើបអង្កេតបន្ត ពាក់ព័ន្ធករណីបង្ក្រាបទីតាំងល្បែងស៊ីសងតាមអនឡាញមួយកន្លែងដែលបណ្ដាលឱ្យអនុប្រធានភូមិម្នាក់ស្លាប់។
រាជរដ្ឋាភិបាលបានកាត់ដីរបស់រដ្ឋមួយចំនួនទៀតឱ្យទៅមន្ត្រី តំណាងរាស្រ្ត សែស្រឡាយនៃសមាជិកព្រឹទ្ធសភាមកពីគណបក្សកាន់អំណាច និងអ្នកជំនួញដែលមានទំនាក់ទំនងជាមួយកូនស្រីលោកនាយករដ្ឋមន្ត្រី ហ៊ុន សែន ដោយក្នុងនោះមានទាំងដីសម្បទានសង្គមកិច្ចរាប់ពាន់ហិកតា ដែលរួមមាន ដីបឹង ដីគម្របព្រៃឈើ និងដែនជម្រកសត្វព្រៃ ស្ថិតក្នុងភូមិសាស្រ្តខេត្តកោះកុង មណ្ឌលគិរី និងកំពង់ធំ ផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
