ប្រជាសហគមន៍ការពារព្រៃឈើ ស្នើស្ថាប័នពាក់ព័ន្ធ និងអាជ្ញាធរខេត្តមណ្ឌលគិរី ចាត់វិធានការច្បាប់ទៅលើបុគ្គលដែលទៅទន្ទ្រានយកដីនៅដែនជម្រកសត្វព្រៃភ្នំណាមលៀរ ធ្វើជាកម្មសិទ្ធិ ខណៈពួកគេអះអាងថា បទល្មើសព្រៃឈើ និងការទន្ទ្រានយកដីដើម្បីធ្វើចម្ការនៅតំបន់ការពារមួយនេះ នៅតែបន្តកើតមាន។
ព្រះរាជអាជ្ញាខេត្តមណ្ឌលគិរី កំពុងសាកសួរមនុស្ស៤នាក់ដែលត្រូវបានចាប់ខ្លួន បន្ទាប់ពីមានការប្រឈមមុខដាក់គ្នារវាងអាជ្ញាធរ និងប្រជាពលរដ្ឋ ជុំវិញការរំលោភដីធ្លីនៅស្រុកកែវសីមា។
ជនជាតិដើមភាគតិចពូនង ចំនួន៩គ្រួសារ នៅភូមិពូរ៉ាង ឃុំសែនមនោរម្យ ស្រុកអូររាំង ខេត្តមណ្ឌលគិរី ចោទអភិបាលស្រុក លោក សៀក មុន្នី និងឧកញ៉ា ស្រី ចន្ធូ ថាគប់គិតគ្នាក្លែងឯកសាររំលោភយកដីជិត៣៦ហិកតារបស់ពួកគាត់ ប៉ុន្តែការចោទប្រកាន់នេះត្រូវបានអភិបាលស្រុកច្រានចោល។
ជនជាតិដើមភាគតិចពូនង៧នាក់ តំណាងឱ្យពលរដ្ឋជាង១៣០គ្រួសារ នៅឃុំសែនមនោរម្យ ស្រុកអូររាំង ខេត្តមណ្ឌលគិរី នៅថ្ងៃទី២៨ ខែវិច្ឆិកា បានដាក់ញត្តិតាមស្ថាប័នរដ្ឋថ្នាក់ជាតិមួយចំនួន ដើម្បីសុំអន្តរាគមន៍ជួយដោះស្រាយជម្លោះដីធ្លី ២៥៥ហិកតា ជាមួយឧកញ៉ា។
ជនជាតិដើមភាគតិចពូនង នៅភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី ស្នើដល់អាជ្ញាធរចាត់វិធានការទប់ស្កាត់ការឈូសឆាយដីភ្នំដែលជាកន្លែងគោរពជំនឿ និងទាញយកអនុផលព្រៃឈើរបស់ពួកគាត់ ខណៈពួកគាត់អះអាងថា ថ្មីៗនេះមានជនល្មើសបានប្រើប្រាស់គ្រឿងចក្រឈូសឆាយដីភ្នំនោះអស់ប្រមាណ១០ហិកតា។
ជនជាតិដើមភាគតិចពូនងជិត១០០នាក់ នៅឃុំសែនមនោរម្យ ស្រុកអូររាំង ខេត្តមណ្ឌលគិរី បាននាំគ្នាតវ៉ាមុខសាលាឃុំ នៅថ្ងៃពុធនេះ ប្រឆាំងនឹងអាជ្ញាធរដែលបានកាត់ដីពួកគេចំនួន២៥៥ហិកតា ទៅឱ្យឧកញ៉ាធ្វើការអភិវឌ្ឍ។
តំណាងប្រជាសហគមន៍ជនជាតិដើមភាគតិចនៅមណ្ឌលគិរី ស្នើក្រសួងបរិស្ថាន និងស្ថាប័នពាក់ព័ន្ធ ចុះស្រាវជ្រាវ និងទប់ស្កាត់ការកាប់រុករានដីព្រៃយ៉ាងអនាធិបតេយ្យនៅ «ដែនជម្រកសត្វព្រៃភ្នំព្រេច» ពីក្រុមមិនស្គាល់អត្តសញ្ញាណ ដើម្បីយកមកផ្តន្ទាទោសតាមច្បាប់។
ប្រជាសហគមន៍ជនជាតិពូនង នៅភូមិពូតាំង សង្កាត់រមនា និងភូមិពូរ៉ាង ឃុំសែនមនោរម្យ ខេត្តមណ្ឌលគិរី ស្នើឱ្យរដ្ឋាភិបាលដោះស្រាយវិវាទដីធ្លីរបស់ពួកគេជាមួយឧកញ៉ា ជឹង ធានសេង ដែលទទួលបានដីអនុបយោគទំហំសរុប៣៣៤ហិកតា ដែលមានតំលៃជាង៥៤ម៉ឺនដុល្លារអាមេរិក។
ប្រជាសហគមន៍ជនជាតិដើមភាគតិចពូនង ជិត២០០គ្រួសារ នៅខេត្តមណ្ឌលគិរី សម្ដែងក្ដីព្រួយបារម្ភ បន្ទាប់ពីតំបន់ការពារព្រៃឈើរបស់ពួកគេប្រមាណ២៥ហិកតាគ្រោងផ្ទេរទៅឱ្យក្រុមហ៊ុនចំនួន៣ ដើម្បីធ្វើការអភិវឌ្ឍជាតំបន់ទេសចរណ៍ខ្នាតតូច។
តំបន់ការពារនេះត្រូវបានបែងចែកទៅជា៤តំបន់គឺ «តំបន់សហគមន៍» មានការរឹតត្បិតតិចតួច ដែលអនុញ្ញាតឱ្យធ្វើកសិកម្ម និង «តំបន់ប្រើប្រាស់ប្រកបដោយនិរន្តរភាព» ដែលមានការរឹតត្បិតខ្លាំង អនុញ្ញាតឱ្យមានការប្រមូលផលខ្នាតតូច ដូចជា ការប្រមូលជ័រ ជាដើម។ នៅឃុំចុងផ្លាស់ ឃុំមេម៉ង់ ស្ថិតនៅភ្នំព្រិច ជាតំបន់សហគមន៍ចម្រុះ និងជា «តំបន់ប្រើប្រាស់ប្រកបដោយនិរន្តរភាព»។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
