គណបក្សប្រជាធិបតេយ្យមូលដ្ឋាន (គ.ប.ម) ជំរុញដល់រដ្ឋសភាពិចារណាឡើងវិញក្នុងការដោះស្រាយបញ្ហាប្រព័ន្ធបោះឆ្នោត ដើម្បីធានាថា គណៈកម្មាធិការជាតិរៀបចំការបោះឆ្នោត មានឯករាជ្យភាព អព្យាក្រឹតភាព និងធានាឱ្យការបោះឆ្នោតនាពេលខាងមុខប្រព្រឹត្តទៅដោយសេរី ត្រឹមត្រូវ និងយុត្តិធម៌។
អនុប្រធានបក្សភ្លើងទៀន អះអាងថា គណបក្សនឹងប្រកាសបេក្ខភាពនាយករដ្ឋមន្ត្រីរបស់គណបក្សនៅជិតថ្ងៃបោះឆ្នោត ដោយថាបេក្ខភាពដែលត្រូវជ្រើសរើសអាចជាបុគ្គលនៅក្នុង ឬបុគ្គលចូលរួមជាមួយបក្ស គឺមានលក្ខណៈសម្បត្តិគ្រប់គ្រាន់អាចឱ្យប្រជាពលរដ្ឋជឿទុកចិត្ត។
អ្នកឃ្លាំមើលបានលើកឡើងប្រហាក់ប្រហែលគ្នាថា បើគណបក្សភ្លើងទៀនបន្ថយការរិះគន់ចំណុចខ្វះខាតរបស់គណបក្សកាន់អំណាច ព្រោះតែខ្លាចការធ្វើទុក្ខបុកម្នេញ អាចនឹងធ្វើឱ្យគណបក្សនេះបាត់បង់ការគាំទ្រច្រើនពីម្ចាស់ឆ្នោត។
ដោយមានភាពចាំបាច់ រដ្ឋាភិបាលបានកាត់តំបន់មួយចំនួនពីខេត្តចំនួន៣ ដើម្បីពង្រីករដ្ឋបាលថ្នាក់ក្រោមជាតិបន្ថែមទៀត ក្នុងន័យដើម្បីជួយសម្រាលបន្ទុករបស់អាជ្ញាធរមូលដ្ឋាន ក្នុងពេលដែលគណបក្សភ្លើងទៀន បានប្រើប្រាស់សិទ្ធិតាមយន្តការតាមបែបប្រជាធិបតេយ្យ នៅថ្នាក់ក្រោមជាតិ ដោយបើកផ្លូវឱ្យមន្ត្រីនៅថ្នាក់មូលដ្ឋានរបស់ខ្លួនសម្រេចចិត្តជំនួសទីស្នាក់ការធំ ក្នុងពេលបោះឆ្នោតជ្រើសរើសសមាជិកក្រុមប្រឹក្សាស្រុក និងក្រុមប្រឹក្សាខណ្ឌ កាលពីពេលថ្មីៗនេះ។
សកម្មជនបក្សភ្លើងទៀនមួយចំនួនអះអាងថា ពួកគេនៅតែបន្តដំណើរនយោបាយទៅមុខដដែល បើទោះក្បាលម៉ាស៊ីនបក្សខ្លួនកំពុងមានបញ្ហាប្រឈម និងរងការព្រមានធ្ងន់ៗពីគណបក្សកាន់អំណាចក៏ដោយ។
ក្រុមអ្នកនយោបាយក្រៅរដ្ឋាភិបាល និងអ្នកឃ្លាំមើល បង្ហាញការព្រួយបារម្ភពីការអូសបន្លាយវិបត្តិសង្គម ក្រោយពីស្ថាប័នជាតិរៀបចំការបោះឆ្នោត ច្រានចោលសំណើសុំកែលម្អប្រព័ន្ធបោះឆ្នោត ដើម្បីឱ្យការប្រកួតនយោបាយធានាសុចរិតភាព ត្រឹមត្រូវ និងយុត្តិធម៌ តាមគន្លងប្រជាធិបតេយ្យឡើងវិញ។
មានរឿងរ៉ាវជាច្រើនបានកើតឡើងពេញមួយឆ្នាំ នៅក្នុងឆ្នាំ២០២២នេះ និយាយដោយឡែក សម្រាប់ដំណើរការបោះឆ្នោត ដែលបណ្ដាលឱ្យមានអ្នកនយោបាយត្រូវជាប់ចោទ និងមានក្ដីក្ដាំនៅតុលាការ ដោយសារតែប្រើប្រាស់សិទ្ធិរបស់ខ្លួនក្នុងការបញ្ចេញមតិរិះគន់ពីដំណើរការបោះឆ្នោត និងនីតិវិធីមួយចំនួនផង ថាគ្មានសេរី ត្រឹមត្រូវ និងយុត្តិធម៌។
មន្រ្តីជាន់ខ្ពស់គណៈកម្មាធិការជាតិរៀបចំការបោះឆ្នោត លើកឡើងថា ចំពោះ «ទម្រង់១១០២» គឺស្ថាប័នជាតិមួយនេះនឹងនៅតែរក្សាជំហរដូចដែលបានអនុវត្តរួចហើយនៅក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ឆ្នាំ២០២២ គឺមិនបានចែកជូនដល់ភ្នាក់ងារគណបក្សនយោបាយដែលស្ថិតនៅក្នុងការិយាល័យបោះឆ្នោតទេ បើទោះបីជាទម្រង់នៃរបាយការណ៍រាប់សន្លឹកឆ្នោតនេះត្រូវបានគណបក្សនយោបាយចាត់ទុកថា វាជាភាពចាំបាច់ដែលមិនអាចខ្វះបាននៅក្នុងដំណើរការបោះឆ្នោតយ៉ាងណាក្តី។
អ្នកឃ្លាំមើលព្រួយបារម្ភថា ការប្ដឹងទារសំណងជំងឺចិត្តរហូត១លានដុល្លារពីអ្នករិះគន់ប្រព័ន្ធបោះឆ្នោតមិនត្រឹមត្រូវ ជាវិធានរក្សាទុកជំងឺសង្គម បន្តឱ្យប៉ះទង្គិចដល់វិស័យសេដ្ឋកិច្ចនិងនយោបាយ ដោយសំអាងថា វិធាននេះជាទម្រង់គំរាមកំហែងសំឡេងឯករាជ្យដែលជាតួអង្គឆ្លុះបញ្ចាំងដើម្បីកែលម្អសង្គមតាមយន្តការប្រជាធិបតេយ្យ។
គណៈកម្មាធិការជាតិរៀបចំការបោះឆ្នោត (គ.ជ.ប) បានកំណត់យកថ្ងៃទី២២ ខែធ្នូ ឆ្នាំ២០២២ ជាកាលបរិច្ឆេទចុងក្រោយ ដើម្បីបិទបញ្ចប់ និងអនុម័តបទបញ្ជានិងនីតិវិធីបម្រើឱ្យការបោះឆ្នោតជាតិ ដែលប្រមូលបានពីភាគីពាក់ព័ន្ធ ថាតើមតិយោបល់ដែលបានលើកឡើងទាំងនោះ ចំណុចណាខ្លះត្រូវផាត់ចេញ ហើយផ្នែកណាផ្សេងទៀតនឹងត្រូវដាក់បញ្ចូលទៅក្នុងបទដ្ឋានគតិយុត្តបម្រើឱ្យការបោះឆ្នោតនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
