ប្រជាសហគមន៍ការពារព្រៃឈើ ស្នើស្ថាប័នពាក់ព័ន្ធ និងអាជ្ញាធរខេត្តមណ្ឌលគិរី ចាត់វិធានការច្បាប់ទៅលើបុគ្គលដែលទៅទន្ទ្រានយកដីនៅដែនជម្រកសត្វព្រៃភ្នំណាមលៀរ ធ្វើជាកម្មសិទ្ធិ ខណៈពួកគេអះអាងថា បទល្មើសព្រៃឈើ និងការទន្ទ្រានយកដីដើម្បីធ្វើចម្ការនៅតំបន់ការពារមួយនេះ នៅតែបន្តកើតមាន។
ប្រជាសហគមន៍ជនជាតិដើមភាគតិចកួយ រស់នៅក្នុងភូមិប្រមេរុ ឃុំប្រមេរុ ស្រុកត្បែងមានជ័យ ខេត្តព្រះវិហារ នៅតែទទូចស្នើដល់មន្ត្រីបរិស្ថានពង្រឹងការអនុវត្តច្បាប់បន្ថែមទៀត ក្រោយពួកគេរកឃើញបទល្មើសកាប់បំផ្លាញឈើប្រណិតៗជាបន្តបន្ទាប់ ក្នុងតំបន់ការពារព្រៃព្រះរការ។
ប្រជាសហគមន៍បានបង្ហាញក្ដីព្រួយបារម្ភថា ប្រសិនបើផ្ទៃដីព្រៃសហគមន៍រតនរុក្ខា ដែលជាផ្នែកមួយនៃព្រៃសហគមន៍សង្ឃរុក្ខាវ័ន ទំហំជិត៥ ០០០ហិកតា ត្រូវបានកាត់ឆ្វៀលជូនទៅពលរដ្ឋពិតមែន នឹងធ្វើឱ្យបាត់បង់ព្រៃឈើ និងជម្រកសត្វព្រៃគ្រប់ប្រភេទដែលរស់នៅក្នុងតំបន់ការពារមួយនេះបន្ថែមទៀត។
ជនជាតិដើមភាគតិចពូនង ចំនួន៩គ្រួសារ នៅភូមិពូរ៉ាង ឃុំសែនមនោរម្យ ស្រុកអូររាំង ខេត្តមណ្ឌលគិរី ចោទអភិបាលស្រុក លោក សៀក មុន្នី និងឧកញ៉ា ស្រី ចន្ធូ ថាគប់គិតគ្នាក្លែងឯកសាររំលោភយកដីជិត៣៦ហិកតារបស់ពួកគាត់ ប៉ុន្តែការចោទប្រកាន់នេះត្រូវបានអភិបាលស្រុកច្រានចោល។
ប្រជាសហគមន៍បានឱ្យដឹងថា ទាហាននៃបញ្ជាការដ្ឋានរថក្រោះកងទ័ពជើងគោក ចាប់ផ្ដើមធ្វើសកម្មភាពឈូសឆាយរំលោភបំពានដីសហគមន៍ «ឧត្ដមស្រែពស់ និងព្រៃមេត្តាធម្មជាតិ» ស្ថិតនៅឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ ជាថ្មីទៀត ខណៈអាជ្ញាធរបានកាត់ឆ្វៀលដីនោះឱ្យទៅប្រជាសហគមន៍រួចទៅហើយ។
ក្រុមអង្គការសង្គមស៊ីវិល សហគមន៍ និងយុវជន បានស្នើទៅរដ្ឋមន្ត្រីក្រសួងកសិកម្មឱ្យពង្រឹងការអនុវត្តច្បាប់លើមន្ត្រីក្រោមឱវាទ និងអ្នកដែលប្រព្រឹត្តបទល្មើសកាប់បំផ្លាញព្រៃឈើ ជួញដូរសត្វព្រៃ និងទន្ទ្រានដីព្រៃលិចទឹក ដើម្បីធានាបានយុត្តិធម៌ពេញលេញស្របតាមគោលការណ៍នីតិរដ្ឋ។
សហគមន៍ព្រៃឈើភ្នំទទឹង មានទីតាំងស្ថិតក្នុងភូមិកំពង់ចិន ឃុំស្ទឹងកែវ ស្រុកទឹកឈូ ខេត្តកំពត ដែលមានចម្ងាយប្រមាណ២៥គីឡូម៉ែត្រពីទីរួមខេត្តកំពត។ នៅក្នុងព្រៃសហគមន៍មួយនេះមានកូនឈើប្រណិតៗរាប់រយដើមដុះពាសពេញព្រៃ រួមមាន ក្រញូង ធ្នង់ សុក្រំ និងបេង ជាដើម ខណៈដើមឈើប្រណិតធំៗត្រូវរងការកាប់បំផ្លាញពីជនខិលខូចជាបន្តបន្ទាប់តាំងពីអំឡុងឆ្នាំ២០០៩។
ជនជាតិដើមភាគតិចពូនង នៅភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី ស្នើដល់អាជ្ញាធរចាត់វិធានការទប់ស្កាត់ការឈូសឆាយដីភ្នំដែលជាកន្លែងគោរពជំនឿ និងទាញយកអនុផលព្រៃឈើរបស់ពួកគាត់ ខណៈពួកគាត់អះអាងថា ថ្មីៗនេះមានជនល្មើសបានប្រើប្រាស់គ្រឿងចក្រឈូសឆាយដីភ្នំនោះអស់ប្រមាណ១០ហិកតា។
ប្រជាសហគមន៍ជនជាតិពូនងនៅខេត្តមណ្ឌលគិរី បានស្នើដល់អាជ្ញាធរមូលដ្ឋាន និងមន្រ្តីបរិស្ថាន ឱ្យចូលរួមការពារព្រៃសហគមន៍មួយកន្លែងរបស់ពួកគេដែលកំពុងរងការកាប់បំផ្លាញជារៀងរាល់ថ្ងៃ និងចាត់វិធានការលើជនល្មើសឱ្យមានប្រសិទ្ធភាព។
កាលពីថ្ងៃទី៧ ខែសីហា ឆ្នាំ២០២២ លោកនាយករដ្ឋមន្ត្រី ហ៊ុន សែន បាន សម្រេចលុបចោលគម្រោងអភិវឌ្ឍន៍នៅតំបន់ភ្នំតាម៉ៅ ពីក្រុមហ៊ុនឡេងណាវ៉ាត់ត្រា និងបានបង្គាប់ឱ្យមានការដាំដើមឈើឡើងវិញ។ ដូចគ្នានេះ យុវជនក៏ចង់ឃើញរាជរដ្ឋាភិបាលកម្ពុជាដកហូតយកព្រៃសហគមន៍ឧត្តមស្រែពស់ នៅស្រុកឱរ៉ាល់ ខេត្តកំពង់ស្ពឺ និងតំបន់ទន្លេបាទី ត្រលប់មកវិញ ដូចករណីនៅភ្នំតាម៉ៅផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
