គណៈកម្មការទន្លេមេគង្គ បានឱ្យដឹងថា សំណល់ប្លាស្ទិកនៅតាមបណ្ដាប្រទេសទន្លេមេគង្គបានកើនឡើងចំនួន ៨លានតោនក្នុងមួយឆ្នាំ ដែល៣ភាគ៤នៃសំណល់ទាំងនោះត្រូវបានទុកចោល ឬទុកដាក់មិនបានត្រឹមត្រូវ ដែលបង្កដល់ការបំពុលដល់ទន្លេមេគង្គ និងបង្កគ្រោះថ្នាក់ដល់បរិស្ថាន និងសុខភាពមនុស្ស។
អាជ្ញាធរបានប្រាប់ប្រជាពលរដ្ឋដែលរស់នៅតាមដងស្ទឹងព្រែកត្នោតឱ្យមានការប្រុងប្រយ័ត្ន ខណៈកម្ពស់ទឹកកើនឡើង ហើយទ្វារទឹកខាងលើត្រូវបានបើកដើម្បីរំដោះសម្ពាធទឹក រីឯក្រសួងធនធានទឹក និងឧតុនិយម បានព្យាករថា ទឹកទន្លេមេគង្គនឹងហក់ឡើងក្នុងរយៈពេល៣ទៅ៥ថ្ងៃខាងមុខ។
ក្រសួងធនធានទឹក និងឧតុនិយម បានឱ្យដឹងថា ឥទ្ធិពលព្យុះណូរុ នឹងធ្វើឱ្យមានភ្លៀងធ្លាក់ច្រើននៅអាងទន្លេមេគង្គ ដែលធ្វើឱ្យកម្រិតទឹកទន្លេមេគង្គ និងទឹកទន្លេសេកុង ហក់ឡើងក្នុងរយៈពេល៣ទៅ៥ថ្ងៃខាងមុខនេះ ប៉ុន្តែមិនទាន់ដល់កម្រិតឱ្យមានការប្រុងប្រយ័ត្ននៅឡើយ។
តំបន់អភិរក្ស «អន្លង់ផ្សោតកាំពី» ខេត្តក្រចេះ គឺជាតំបន់ការពារដ៏រឹងមាំមួយសម្រាប់រក្សាចំនួនសត្វផ្សោតប្រភេទនេះដែលជិតផុតពូជនៅក្នុងទន្លេមេគង្គ។ នេះក៏ជាហេតុផលសំខាន់មួយដែលក្រសួងបរិស្ថានគ្រោងដាក់តំបន់នេះជាតំបន់បេតិកភណ្ឌពិភពលោកធម្មជាតិដំបូងគេរបស់កម្ពុជា។
ឧបការីរដ្ឋមន្ត្រីការបរទេសទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក នឹងមកបំពេញទស្សនកិច្ចនៅកម្ពុជា និងឡាវ ចាប់ពីថ្ងៃទី១ ដល់ថ្ងៃទី៧ ខែឧសភា ខណៈកម្ពុជាដែលជាប្រធានអាស៊ានផងនោះ នឹងត្រូវចូលរួមកិច្ចប្រជុំកំពូលពិសេសអាស៊ាន-អាមេរិក នៅទឹកដីប្រទេសមហាអំណាចមួយនេះនៅសប្តាហ៍ទី២ ក្នុងខែឧសភា។
គណៈកម្មការទន្លេមេគង្គ បានសម្ពោធដាក់ឱ្យប្រើប្រាស់ស្ថានីយតាមដានកម្រិតទឹកទន្លេមេគង្គទី១ ស្ថិតនៅផ្នែកខាងលើអាងទន្លេមេគង្គក្រោម ដែលជាផ្នែកមួយកាត់បន្ថយភាពងាយរងគ្រោះសម្រាប់ប្រជាជនអាស៊ីអាគ្នេយ៍រាប់លាននាក់ នៅផ្នែកខាងក្រោមទន្លេ ខណៈអាយុជីវិត និងជីវភាពរបស់ពួកគេ ងាយរងឥទ្ធិពលបំផុតពីរំហូរទឹកភ្លាមៗ និងដោយមិនរំពឹងទុក។
ការកើនឡើងនៃកម្រិតទឹកសមុទ្រ ការសឹករិចរិលដីយ៉ាងឆាប់រហ័ស និងការថយចុះនៃការផ្គត់ផ្គង់ដីល្បាប់កំពុងតែធ្វើឱ្យប៉ះពាល់ដល់ទន្លេមេគង្គ។
នៅថ្ងៃទី១២ ខែវិច្ឆិកា ឆ្នាំ២០២០ រដ្ឋជាសមាជិកអាស៊ានបានអនុម័តសេចក្ដីប្រកាសទីមួយ ស្ដីពីការពង្រឹងការសម្របខ្លួនទៅនឹងគ្រោះរាំងស្ងួត (Strengthening of Adaptation to Drought)។ សេចក្ដីប្រកាសនេះបានអំពាវនាវឱ្យមានសកម្មភាពដ៏ច្រើន ក្នុងគោលបំណងពង្រឹងសមត្ថភាពការសម្របខ្លួន និងកាត់បន្ថយគ្រោះរាំងស្ងួតនៅក្នុងតំបន់ ក៏ដូចជាការលើកកម្ពស់វិធីសាស្រ្ត យុទ្ធសាស្ត្រយូរអង្វែងបន្ថែមទៀតឆ្ពោះទៅរកការគ្រប់គ្រងគ្រោះរាំងស្ងួត។
របាយការណ៍ថ្មីមួយរបស់គណៈកម្មការទន្លេមេគង្គ បានអំពាវនាវឱ្យមាន «ការទូតទឹក» ជាបន្ទាន់ ដើម្បីគាំពារទន្លេធំជាងគេបំផុតរបស់អាស៊ីអាគ្នេយ៍ ខណៈទន្លេមេគង្គដែលទ្រទ្រង់អាយុជីវិតប្រជាជនរាប់លាននាក់ បានរងផលប៉ះពាល់ខ្លាំងពីគម្រោងហេដ្ឋារចនាសម្ព័ន្ធ និងការប្រែប្រួលអាកាសធាតុ។
ប្រជាសហគមន៍មូលដ្ឋាន និយាយថា លំហូរទឹកទន្លេមេគង្គពិតជាមានការធ្លាក់ចុះ ដែលធ្វើឱ្យប៉ះពាល់ដល់មុខរបររបស់ពួកគាត់ទាំងផ្នែកកសិកម្មនិងការនេសាទ ស្របពេលរបាយការណ៍របស់គណៈកម្មាធិការទន្លេមេគង្គ (MCR) បានលើកឡើងពីលំហូរទឹកទន្លេធ្លាក់ចុះទាបរយៈពេល៣ឆ្នាំជាប់ៗគ្នា ដែលជំរុញឱ្យប្រទេសនៅតាមដងទន្លេមេគង្គទាំងអស់ត្រូវចេញវិធានការដោះស្រាយជាបន្ទាន់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
