ផ្ទៃដីប្រមាណ១ម៉ឺនហិកតាជុំវិញបឹងទន្លេសាបមានការបន្ធូរបន្ថយការការពារ ដោយរំពឹងថានឹងផ្ទេរទៅឱ្យប្រជាពលរដ្ឋដែលបានអាស្រ័យផលលើដីនេះ ខណៈគម្រោងកំពង់ផែដែលមានទំនាក់ទំនងជាមួយឧកញ៉ា ទ្រី ភាព ទទួលបានដីឆ្នេរសមុទ្រនៅខេត្តកំពតចំនួន១៥០ហិកតា។
លោកនាយករដ្ឋមន្ត្រី ហ៊ុន សែន បញ្ជាទៅរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កាត់ឆ្វៀលដីតំបន់៣ នៅបឹងទន្លេសាប ជូនប្រជាពលរដ្ឋឱ្យបានមុនពិធីបុណ្យចូលឆ្នាំខ្មែរខាងមុខនេះ។
សាលាដំបូងរាជធានីភ្នំពេញ ផ្ដន្ទាទោសមន្ត្រីនគរបាលនៃស្នងការដ្ឋាននគរបាលខេត្តកំពង់ឆ្នាំងមួយរូប ដាក់ពន្ធនាគារចំនួន៣ឆ្នាំ៦ខែ និងពិន័យជាប្រាក់៥លានរៀល ពាក់ព័ន្ធនឹងការកាន់កាប់ព្រៃលិចទឹក និងមិនប្រកាសទ្រព្យសម្បត្តិជាដើម។
រដ្ឋាភិបាល តាមរយៈក្រសួងយុត្តិធម៌ បានបង្កើតក្រុមការងារចំពោះកិច្ចថ្មីមួយទៀត សម្រាប់ទទួលបន្ទុកពិនិត្យ និងផ្ដល់យោបល់ផ្នែកទោសប្បញ្ញត្តិលើសេចក្ដីព្រាងច្បាប់ចំនួន៣ ដើម្បីបង្កើនប្រសិទ្ធភាពទប់ស្កាត់បទល្មើសជលផល ព្រៃឈើ និងតំបន់ការពារធម្មជាតិ ក្រោយបញ្ហានេះបានកើតឡើងនៅតំបន់ភ្នំតាម៉ៅ និងបឹងទន្លេសាប។
សាលាដំបូងរាជធានីភ្នំពេញ នៅថ្ងៃព្រហស្បតិ៍នេះ បានផ្ដន្ទាទោសអតីតស្នងការរងនគរបាលខេត្តកំពង់ឆ្នាំងម្នាក់ឱ្យជាប់ពន្ធនាគាររយៈពេល៤ឆ្នាំ ពីបទ ទន្រ្ទានព្រៃលិចទឹកដោយខុសច្បាប់ជុំវិញបឹងទន្លេសាបចន្លោះឆ្នាំ២០១១ ដល់ឆ្នាំ២០២១។
មន្ត្រីសាលារាជធានីភ្នំពេញបានឱ្យដឹងថា ពួកគេនឹងចាប់ផ្ដើមសាងសង់ឡើងវិញនូវកំណាត់ផ្លូវមួយខ្សែតាមដងទន្លេសាប ក្នុងសង្កាត់ព្រែកតាសេក ខណ្ឌជ្រោយចង្វារ ដែលរងនូវការខូចខាតដោយសារតែករណីបាក់ច្រាំងចូលទន្លេ ក្នុងខណ្ឌជ្រោយចង្វារ កាលពីដើមឆ្នាំនេះ។
មន្ត្រីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា មនុស្សចំនួន២៥នាក់ត្រូវបានឃុំខ្លួន និង១៩នាក់ទៀតត្រូវបានតុលាការចេញដីកាកោះហៅ ពាក់ព័ន្ធការប្រព្រឹត្តបទល្មើសនេសាទនៅបឹងទន្លេសាប ខណៈសំណុំរឿង៥០ករណីទៀតត្រូវបានបញ្ជូនទៅតុលាការ។
លោកនាយករដ្ឋមន្ត្រី ហ៊ុន សែន សម្រេចកាត់ដីអភិរក្សតំបន់បឹងទន្លេសាបជាង៦ ០០០ហិកតា ពីតំបន់៣បញ្ចូលទៅតំបន់២ នៅក្នុងភូមិសាស្ត្រខេត្តកំពង់ធំ និងបន្ទាយមានជ័យ ឱ្យពលរដ្ឋបានអាស្រ័យផលឡើងវិញ ក្រោយពីប្រើវិធានការក្ដៅបញ្ជាឱ្យមន្ត្រីចុះបង្ក្រាបបទល្មើសទន្ទ្រានដីព្រៃលិចទឹកនៅតំបន់នោះជាច្រើនម៉ឺនហិកតារួចមក។
ប្រមុខរដ្ឋាភិបាល លោក ហ៊ុន សែន បានបញ្ជាឱ្យស្ថាប័នពាក់ព័ន្ធសិក្សាពីការកែសម្រួលផ្ទៃដីបឹងទន្លេសាប និងកាត់ដីជូនពលរដ្ឋដែលអាស្រ័យផលជាក់ស្ដែងយូរឆ្នាំតាមរូបមន្តស្បែកខ្លា និងប្រកាសប្រឆាំងដាច់ខាតចំពោះអ្នកមានអំណាចដែលទន្ទ្រានយកដីបឹងទន្លេសាប។
របាយការណ៍របស់គណៈកម្មការអន្តរក្រសួង ឱ្យដឹងថា ក្នុងរយៈពេល២ខែចុងក្រោយនេះ យ៉ាងហោចណាស់ មនុស្ស២៤នាក់ត្រូវបានឃុំខ្លួន ក្នុងចំណោមជនសង្ស័យ៤៥នាក់ ខណៈមនុស្ស២០នាក់ត្រូវបានតុលាការចេញដីកាកោះហៅ និងជាង៤ ៣០០នាក់ទៀតត្រូវបានអប់រំ ពាក់ព័ន្ធការនេសាទខុសច្បាប់នៅបឹងទន្លេសាប។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
