ប្រធានគណបក្សខ្មែររួបរួមជាតិ លោក ញឹក ប៊ុនឆៃ អះអាងថា ការរួបរួមជាមួយគណបក្សកម្ពុជានិយមរបស់លោក យ៉ែម បុញ្ញឫទ្ធិ គ្មានការរៀបចំពីបក្សកាន់អំណាចឡើយ ប៉ុន្តែជាការឈរនៅលើផលប្រយោជន៍ជាតិជាធំ។
សាក្សីសំខាន់ៗចំនួន ៦រូប ដែលត្រូវបានតុលាការកោះហៅមកផ្តល់សក្ខីកម្មសម្រាប់សវនាការលើកទី៥៩នេះ មានអ្នកនយោបាយសហគមន៍ដីធ្លី និងអង្គការមិនមែនរដ្ឋាភិបាលដើម្បីឱ្យចូលឆ្លើយបំភ្លឺក្នុងសំណុំរឿង «សន្ទិដ្ឋិភាពត្រូវរ៉ូវដោយសម្ងាត់ជាមួយភ្នាក់ងារបរទេសឬជនបរទេស »ចង់ផ្តួលរំលំរដ្ឋាភិបាល ខណៈការសាកសួរដេញដោលលើអង្គហេតុបដិវត្តន៍ពណ៌ ភាគីក្នុងរឿងក្តីនៅមិនទាន់បានបិទបញ្ចប់នៅឡើយ។
ក្រោយពីមានការបោះឆ្នោតជ្រើសរើសក្រុមប្រឹក្សាឃុំ-សង្កាត់ ទើបតែបញ្ចប់ប៉ុន្មានខែមុននេះ គណបក្សក្រៅរដ្ឋាភិបាលចំនួន៤ បានចាប់ដៃគ្នា ឈរលើមូលដ្ឋានតស៊ូមតិរួម ក្នុងការជំរុញឱ្យគណបក្សកាន់អំណាចយូរជាងគេ ធ្វើកំណែទម្រង់ប្រព័ន្ធបោះឆ្នោត និងលំហសិទ្ធិនយោបាយឡើងវិញ ក្រោយពួកគេរកឃើញថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ឆ្នាំ២០២២ មានភាពចម្រូងចម្រាស់យ៉ាងច្រើន។
ស្ថាប័នក្រៅរដ្ឋាភិបាលដែលធ្វើការពាក់ព័ន្ធការបោះឆ្នោតដោយសេរី និងយុត្តិធម៌នៅកម្ពុជា រកឃើញថា ការទុកចន្លោះប្រហោងក្នុងច្បាប់ ដែលអាចឱ្យមន្ត្រីសាធារណៈកម្លាំងប្រដាប់អាវុធ និងមន្ត្រីតុលាការ ចូលរួមសកម្មការឃោសនាបោះឆ្នោតជាមួយបក្សនយោបាយ និងប្រឆាំងលើបក្សដទៃដោយសេរី គឺជារូបភាពអវិជ្ជមានយ៉ាងធ្ងន់ធ្ងរ ខណៈពួកគេទទួលប្រាក់ខែពីរាស្ត្រ តែខកខានបម្រើសេវាដោយអព្យាក្រឹត្យ។
គណបក្សទាំង៤ រួមមាន គណបក្សភ្លើងទៀន គណបក្សប្រជាធិបតេយ្យមូលដ្ឋាន គណបក្សឆន្ទៈខ្មែរ និងគណបក្សកែទម្រង់កម្ពុជា បានដាក់សំណើសុំជួបពិភាក្សាជាមួយស្ថាប័នជាតិធំៗចំនួន ៣ រួមមាន រដ្ឋសភា ក្រសួងមហាផ្ទៃ និងគណៈកម្មាធិការជាតិរៀបចំការបោះឆ្នោត (គជប) ដើម្បីទាមទារឱ្យមានការកែលម្អប្រព័ន្ធបោះឆ្នោត និងសេរីភាពនយោបាយ មុនការបោះឆ្នោតជាតិឆ្នាំ២០២៣។
តំណាងគណបក្សនយោបាយដែលនៅក្រៅរដ្ឋាភិបាល លើកឡើងថា ការគ្រោងដាក់លិខិតស្នើជួបជាមួយភាគីរដ្ឋសភានេះ ដើម្បីពិភាក្សាកិច្ចការមួយចំនួនទាក់ទងនឹងច្បាប់បោះឆ្នោត ស្របពេលដែលកម្ពុជានឹងរៀបចំការបោះឆ្នោតជ្រើសតាំងតំណាងរាស្ត្រនៅឆ្នាំក្រោយនោះ គឺពិតជាមានភាពចាំបាច់ ព្រោះការវិវត្តន៍ថ្មីៗបន្ថែមទៀត ទៅលើមូលដ្ឋានច្បាប់ និងលំហប្រជាធិបតេយ្យ ហាក់ជាការគំរាមកំហែងកាន់តែខ្លាំងឡើងៗ ទៅលើសេរីភាពនយោបាយ។
គណបក្សក្រៅរដ្ឋាភិបាលចំនួន៤ សម្អាងពីសញ្ញាណវិជ្ជមានលើយន្តការតស៊ូមតិរួមគ្នា ដើម្បីជំរុញការកែលម្អប្រព័ន្ធបោះឆ្នោតដែលគ្រប់គ្រងដោយគណបក្សកាន់អំណាច បើទោះបី គ.ជ.ប. មិនទាន់ផ្តល់ចម្លើយជាផ្លូវការជុំវិញលទ្ធផលជំនួបក្តី។
ពលរដ្ឋខ្មែរ និងអ្នកនយោបាយប្រឆាំងនៅអាមេរិកធ្វើបាតុកម្មទាមទារឱ្យរដ្ឋាភិបាលកម្ពុជាដោះលែងអ្នកទោសនយោបាយដែលកំពុងជាប់ពន្ធនាគារ ខណៈមន្រ្ដីរដ្ឋាភិបាលថា ការទាមទារនេះជារូបភាពបំភ័ន្ដភ្នែក។
អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា លោក វីទិត មុនតាប៊ន (Vitit Muntarbhorn) បានបញ្ចប់ដំណើរទស្សនកិច្ចមកកាន់កម្ពុជាចំនួន ១១ថ្ងៃ កាលពីថ្ងៃសុក្រ ទី២៦ ខែសីហា ឆ្នាំ២០២២កន្លងទៅ។ ក្នុងដំណើរទស្សនកិច្ចនេះ លោក បានជួបភាគីពាក់ព័ន្ធជាច្រើន រួមទាំងលោកនាយករដ្ឋមន្រ្តី ហ៊ុន សែន ផងដែរ។
ថ្នាក់ដឹកនាំអតីតគណបក្សសង្គ្រោះជាតិដែលតុលាការបានរំលាយបានប្រកាសជំហរថា នឹងត្រឡប់មកកាន់កម្ពុជាវិញដើម្បីចូលរួមសវនាការក្នុងខែកញ្ញា តាមដីកាកោះ របស់សាលាដំបូងរាជធានីភ្នំពេញ ស្របពេលដែលរដ្ឋាភិបាលនៅបន្តបិទខ្ទប់ដំណើរវិលត្រឡប់របស់គេនៅឡើយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
