ព្រឹទ្ធសភា សម្រេចអនុម័តសេចក្ដីព្រាងច្បាប់ស្តីពី «វិសោធនកម្មរដ្ឋធម្មនុញ្ញ» ពាក់ព័ន្ធនឹងការកំណត់ឱ្យមាន «សញ្ជាតិខ្មែរតែមួយ» សម្រាប់មេដឹកនាំស្ថាប័នកំពូលៗ ដោយសំឡេង ៥៧រូប នៃសមាជិកព្រឹទ្ធសភាទាំងមូល ៦២រូប ក្នុងកិច្ចប្រជុំពេញអង្គ នៅព្រឹកថ្ងៃអង្គារនេះ។
រដ្ឋសភាសម្រេចអនុម័តសេចក្ដីព្រាងច្បាប់ស្តីពី «វិសោធនកម្មរដ្ឋធម្មនុញ្ញ» ពាក់ព័ន្ធនឹងការកំណត់ឱ្យមាន «សញ្ជាតិខ្មែរតែមួយ» សម្រាប់មេដឹកនាំស្ថាប័នកំពូលៗ ដោយសំឡេង ១១១លើ១១១សំឡេង ក្នុងកិច្ចប្រជុំពេញអង្គ នៅព្រឹកថ្ងៃចន្ទនេះ។
រូបភាពផ្សាយផ្ទាល់នោះ បានបង្ហាញលោកនាយករដ្ឋមន្ត្រី ហ៊ុន សែន ស្ថិតក្នុងបរិវេណនៃសាលាបឋមសិក្សា ហ៊ុន សែន ព្រៃនប់ និងកាន់ម៉ាក្រូហ្វូនថ្លែងទៅកាន់ក្រុមសិស្សានុសិស្សជាច្រើននាក់។ លោកនាយករដ្ឋមន្ត្រី ហ៊ុន សែន បានចាប់ផ្ដើមធ្វើដំណើរចុះតាមបណ្ដាខេត្តនានា ចាប់តាំងពីចុងខែកក្កដាកន្លងមក នៅក្នុងយុទ្ធនាការចុះមើលសមិទ្ធផលជាតិ នៅទូទាំងប្រទេស។
ភ្លាមៗក្រោយការបោះឆ្នោតឆ្នាំ២០១៣ពោលគឺក្រោយពី CPP បាត់បង់អាសនៈសភាយ៉ាងច្រើននោះ ចិនបានបញ្ចុកបន្ស៊ីសម្ដេចក្រុមព្រះ និងលោក ញឹក ប៊ុនឆៃ ឲ្យត្រូវរ៉ូវគ្នា បង្រួបបង្រួមគ្នាបក្សហ្វ៊ុនស៊ិនប៉ិចឡើងវិញ។
លោកនាយករដ្ឋមន្ត្រី ហ៊ុន សែន នៅព្រឹកថ្ងៃអាទិត្យនេះបានថ្លែងថា យោងតាមរបាយការណ៍សម្ងាត់មួយដែលលោកទទួលបានបានបង្ហាញថា ការចំណាយ៤៨ភាគរយក្នុងវិស័យដឹកជញ្ជូននៅកម្ពុជាជាការចំណាយក្រៅផ្លូវការដែលគ្មានវិក្កយបត្រ ឬដែលលោកហៅថាជាការ “សូកប៉ាន់” និងជាអំពើអុករលួយ។
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះ បានថ្លែងថាក្នុងឋានៈជានាយករដ្ឋមន្រ្តី លោកតែងទទួលខុសនិងត្រូវព្រមគ្នា នៅពេលមានរឿងអ្វីមួយកើតឡើង។
លោក ហ៊ុន សែន បានថ្លែងបែបនេះនៅក្នុងពិធីសម្ពោធមហាកុដិនៅវត្តក្រពើហា ក្រុងតាខ្មៅ ស្របពេលដែលោកបានបញ្ជាឲ្យកងកម្លាំងប្រដាប់អាវុធគ្រប់ប្រភេទនិងអាជ្ញាធរ ការពារសន្តិសុខនិងសុវត្ថិភាពជូនប្រជាពលរដ្ឋនៅពេលចូលឆ្នាំខ្មែរខាងមុខនេះ។ លោកបន្តថានៅពេលចូលឆ្នាំម្តងៗ លោកតែងតែយកចិត្តទុកដាក់គ្រប់ពេលវេលា សូម្បីតែពេលយប់ក៏ដោយ។
លោកនាយករដ្ឋមន្ត្រី ហ៊ុន សែន អង្គារនេះបានថ្លែងរិះគន់ដល់មន្ត្រីក្រោមឱវាទរបស់លោកពាក់ព័ន្ធនឹងការជីកផ្លូវនានានៅក្នុងរាជធានីភ្នំពេញញឹកញាប់ក្នុងការដាក់លូថ្មី ឬតបណ្ដាញខ្សែកាប ដែលលោកថាបានបង្កការរំខានអ្នកធ្វើដំណើរនៅតាមដងផ្លូវ។
លោកនាយករដ្ឋមន្ត្រី ហ៊ុន សែន នៅព្រឹកថ្ងៃអង្គារនេះបានបញ្ជាទៅប្រធានមន្ទីរសាធារណការ និងដឹកជញ្ជូនរាជធានីភ្នំពេញឲ្យពិនិត្យមើលជួសជុលផ្លូវដែលខូចក្នុងរាជធានីឲ្យបានល្អ ដោយលោកបានព្រមានថានឹងដកតំណែងផងដែរ ប្រសិនបើនៅតែអនុវត្តតួនាទីមិនបានល្អ។
លោកនាយករដ្ឋមន្រ្តី ហ៊ុន សែន បានស្នើតែងតាំងរដ្ឋលេខាធិការចំនួន៤រូបបន្ថែមទៅក្នុងក្រសួងចំនួន ដោយអះអាងថាការតែងតាំងនេះជាសេចក្តីត្រូវការចាំបាច់របស់រដ្ឋាភិបាល។ ក្នុងលិខិតចុះថ្ងៃ២៥ខែមីនាផ្ញើទៅប្រធានរដ្ឋសភា លោកនាយករដ្ឋមន្ត្រីហ៊ុន សែន បានសរសេរថាលោកស្នើតែងតាំងបំពេញសមាសភាពនៃរដ្ឋាភិបាលបន្ថែម ដែលក្នុងនោះមានលោក អ៊ី ឈាន អតីតអភិបាលខេត្តប៉ៃលិននិងមន្រ្តីក្រសួងមហាផ្ទៃ ត្រូវបានតែងតាំងជារដ្ឋលេខាធិការក្រសួងការពារជាតិ និងលោក លុយ ដាវីត ត្រូវបានតែងតាំងជារដ្ឋលេខាធិការក្រសួងការបរទេសនិងសហប្រតិបត្តិការអន្តរជាតិ។
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានថ្លែងថាការផ្លាស់ប្តូរមិនមែនសំដៅតែលើការផ្លាស់ប្តូរអ្នកដឹកនាំនោះទេ ដោយលោកលើកឡើងថាលោកនឹងបន្តធ្វើនាយករដ្ឋមន្រ្តីរហូតដល់លោក”ខ្ជិលធ្វើ”។លោកបានថ្លែងបែបនេះជាការការពារហេតុផលនៃការរុះរើគណៈរដ្ឋមន្រ្តី ដោយឆ្លើយតបនឹងអ្នករិះគន់មួយចំនួនដែលលោកថារិះគន់ថាការរុះរើគណៈរដ្ឋមន្រ្តី គឺ”មុខដដែលៗ”។ក្នុងពិធីប្រកាសដាក់ឲ្យអនុវត្តដំណាក់កាលទី៣នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណ: លោក ហ៊ុន សែន បានលើកឡើងថាមនុស្សចាស់ដែលមានគំនិតថ្មីគឺជាយុវជនមួយរូប។ លោកបន្តថាលោកនឹងកាន់អំណាចជានាយករដ្ឋមន្រ្តី ដរាបណាប្រជាជននៅគាំទ្ររូបលោក។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
