មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (CENTRAL) បានឱ្យដឹងថា ពលករចំណាកស្រុកមួយចំនួនបានជួបបញ្ហាក្នុងជីវភាពគ្រួសារជាខ្លាំង ប៉ុន្តែមិនទទួលបានបណ្ណក្រីក្រ ឬបណ្ណសមធម៌ពីរដ្ឋ។
តើអ្នកនឹងមានអារម្មណ៍យ៉ាងណា ប្រសិនបើអ្នកភ្ញាក់ពីដំណេក ហើយអ្នកកំពុងតែស្ថិតនៅក្នុងទឹកដីបរទេសដែលមានវប្បធម៌ ភាសា និងប្រពៃណីទំនៀមទម្លាប់ខុសគ្នាទាំងស្រុងពីប្រពៃណីរបស់អ្នក? តើអ្នកនឹងមានអារម្មណ៍យ៉ាងណា ប្រសិនជាអ្នកកំពុងរស់នៅឆ្ងាយពីផ្ទះ ហើយជួបប្រទះការលំបាកក្នុងការធ្វើការទំនាក់ទំនងជាមួយមនុស្សជុំវិញខ្លួន? ទាំងនេះគឺជាតថភាពប្រចាំថ្ងៃរបស់ពលករខ្មែរចំណាកស្រុករាប់សែននាក់ដែលកំពុងតែបម្រើការងារនៅក្រៅប្រទេស។
ប្រមុខរដ្ឋាភិបាលកម្ពុជាស្នើសុំការយោគយល់ពីបណ្ដាប្រទេសមួយចំនួន និងក្រុមហ៊ុនឯកជននៅប្រទេសទាំងនោះ ជាពិសេសសុំកុំឱ្យមានការប្ដឹងផ្ដល់ជុំវិញករណីពលករកម្ពុជាមួយចំនួនរត់ចោលការងារ ដោយសារជឿលើការឃោសនារបស់លោក ខឹម វាសនា។
ពលករចំណាកស្រុកមួយចំនួនដែលកំពុងធ្វើការនៅប្រទេសថៃ សម្រេចចិត្តមិនត្រលប់មកកម្ពុជាដើម្បីបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥នេះទេ ដោយសារកត្តាជីវភាព។
អ្នកស្រាវជ្រាវពីការអភិវឌ្ឍន៍សង្គម លោក មាស នី លើកឡើងពីការព្រួយបារម្ភថា អាចនឹងមានការដូរទឹកដីពេលដែលពលរដ្ឋខ្មែរទៅស្វែងរកការងារធ្វើនៅក្រៅប្រទេសកាន់តែច្រើន ហើយជនបរទេសមកធ្វើការងារនៅស្រុកខ្មែរវិញ។
ស្រី្ដវ័យកណ្ដាលម្នាក់ សំបុរខ្មៅស្រអែម សក់រួញអង្គាដីបន្ដិច ស្លៀកសម្លៀកបំពាក់គេងយប់ធូររលុង កំពស់ប្រមាណជាង១ម៉ែត្រកន្លះ កំពុងតែមមាញឹកនឹងការរៀបចំបត់កម្រាលជាកិច្ចការប្រចាំថ្ងៃរបស់ខ្លួននៅក្នុងបន្ទប់សំរាប់ផ្ទុកសម្ភារៈប្រើប្រាស់នៅក្នុងផ្ទះសំណាក់មួយកន្លែង ដូចជា កម្រាលពូក ភួយ ខ្នើយ និងកន្សែង ហើយក៏ជាបន្ទប់គេងផ្ទាល់ខ្លួនផងដែរ។
ប្រជាពលរដ្ឋប្រមាណ ២០នាក់ មកពីខេត្ត-ក្រុងចំនួន ៧ បានស្នើសុំទៅលោកនាយករដ្ឋមន្ដ្រី ហ៊ុន សែន ឲ្យជួយដល់ពួកគេ ដោយចោទថា ក្រុមហ៊ុនមួយបានបោកយកប្រាក់ពួកគាត់ ដោយធានានាំទៅធ្វើការនៅក្រៅប្រទេស។
រដ្ឋាភិបាលបង្ហាញរបាយការណ៍ថា ពលករខ្មែរដល់ទៅជាង ២០០នាក់ បានស្លាប់ ហើយត្រូវបានអាជ្ញាធរថៃបញ្ជូនត្រឡប់មកកម្ពុជាវិញកាលពីឆ្នាំកន្លងមកនេះ ខណៈដែលពលករខ្មែរជាង ១៣ម៉ឺននាក់ទៀត ត្រូវបានចាប់បញ្ជូនត្រឡប់មកប្រទេសកំណើតវិញ ក្រោយឆ្លងដែនខុសច្បាប់។
ទីភ្នាក់ងារព័ត៌មាន Reuters បានផ្សាយថា ចំនួនពលករបរទេសបម្រើការងារនៅក្នុងប្រទេសជប៉ុន បានកើនឡើងដល់ទៅចំនួន ១លាននាក់ ជាលើកដំបូង កាលពីឆ្នាំមុន ខណៈប្រទេសកំពុងខ្វះខាតកម្លាំងពលកម្មមួយនេះ ព្យាយាមស្វែងរកពលករជប៉ុនឲ្យបានគ្រប់គ្រាន់។
ក្រសួងការបរទេសឲ្យដឹងថា អាជ្ញាធរថៃបានអនុញ្ញាតឲ្យពលករខ្មែរ និងអ្នករស់នៅក្នុងបន្ទុកអាយុក្រោម១៨ឆ្នាំ ដែលពុំទាន់មានឯកសារត្រឹមត្រូវ អាចធ្វើដំណើរមកប្រទេសកម្ពុជា និងអាចវិលត្រឡប់ទៅប្រទេសថៃវិញបានក្រោយឱកាសឈប់សម្រាកបុណ្យចូលឆ្នាំខ្មែរ ដើម្បីបន្តធ្វើការងារនៅកន្លែងដើម។ ក្នុងសេចក្ដីប្រកាសព័ត៌មានចេញផ្សាយនៅថ្ងៃអង្គារនេះ ក្រសួងការបរទេសបានឲ្យដឹងថា ពលករ-ពលការិនី អាចធ្វើដំណើរចេញពីប្រទេសថៃគិតចាប់ពីថ្ងៃទី១១ ខែមេសា និងត្រូវវិលត្រឡប់ទៅកន្លែងការងារនៅថៃវិញ មិនឲ្យហួសពីថ្ងៃទី២០ ខែមេសា ឆ្នាំ ២០១៦ ដោយពុំតម្រូវឲ្យបង់ថ្លៃសេវាកម្មអ្វីទាំងអស់នៅច្រកព្រំដែន
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
