យុវជនលើកឡើងថា បញ្ហាអំពើពុករលួយនៅក្នុងសង្គមកម្ពុជា គឺជាបញ្ហាត្រូវតែចូលរួម និងទប់ស្កាត់ ប៉ុន្ដែពួកគេថានៅតែមានបញ្ហាប្រឈមខ្លះៗអំពីការរឹតត្បិតរបស់អាជ្ញាធរ ទើបមានយុវជនមួយចំនួនហាក់មិនហ៊ានបញ្ចេញសកម្មភាពរបស់ខ្លួន ខណៈអង្គភាពប្រឆាំងអំពើពុករលួយ អះអាងថា គាំទ្ររាល់សកម្មភាពរបស់យុវជនក្នុងការទប់ស្កាត់អំពើពុករលួយ។
ការសិក្សានានារកឃើញថា ប្រទេសដែលញាំញីដោយអំពើពុករលួយ ភាគច្រើនកំណើនសេដ្ឋកិច្ច និងការអភិវឌ្ឍជាតិ ស្ទើរតែទាំងអស់ ធ្លាក់ក្នុងដៃក្រុមគ្រួសារអ្នកមានអំណាច និងអ្នកជំនួញខិលខូច ដែលការណ៍នេះជំរុញឱ្យមានអយុត្តិធម៌ និងវិបត្តិសង្គមកើតឡើងកាន់តែច្រើន បើមិនពង្រឹងប្រព័ន្ធនីតិរដ្ឋឡើងវិញ។
អង្គភាពប្រឆាំងអំពើពុករលួយ (ACU) កំពុងស៊ើបអង្កេតករណីប្រធានមន្ទីរផែនការខេត្តរតនគិរី ដែលរងការចោទប្រកាន់ពីមន្ត្រីក្រោមឱវាទ ថាបានប្រព្រឹត្តអំពើពុករលួយ តាមរយៈការកេងបន្លំប្រាក់ដើម្បីទិញផ្ទះ និងដីធ្លី ស្របពេលដែលប្រធានមន្ទីររូបនោះបានច្រានចោលការចោទប្រកាន់នេះ។
អង្គភាពប្រឆាំងអំពើពុករលួយ (ACU) ព្រមានផ្អាកជាបណ្ដោះអាសន្ននូវមុខងាររបស់អភិបាលស្រុកបសេដ្ឋ នៃខេត្តកំពង់ស្ពឺ ពាក់ព័ន្ធករណីទិញលក់ដីរដ្ឋដោយខុសច្បាប់។
រដ្ឋាភិបាលវៀតណាម បានឱ្យដឹងនៅថ្ងៃអង្គារម្សិលមិញថា លោកប្រធានាធិបតី ង្វៀន សួនហ៊្វុក (Nguyen Xuan Phuc) បានលាលែងចេញពីតំណែង បន្ទាប់ពីគណបក្សកុម្មុយនីស្តវៀតណាម (Communist Party) ដែលកំពុងកាន់អំណាច បានស្តីបន្ទោសរូបលោកទាក់ទងនឹងការបំពាន និងការប្រព្រឹត្តខុសដោយមន្ត្រីនៅក្រោមការគ្រប់គ្រងរបស់លោក។
អ្នកនាំពាក្យក្រសួងបរិស្ថាន បានឱ្យដឹងថា ប្រធានមន្ទីរបរិស្ថានខេត្តកណ្ដាលដែលរងការចោទថាជាប់ពាក់ព័ន្ធអំពើពុករលួយ បានចូលទៅបំភ្លឺនៅអង្គភាពប្រឆាំងអំពើពុករលួយ (ACU) រួចហើយ ក្រោយអង្គភាពនេះបានតម្រូវឱ្យមន្ត្រីរូបនោះឆ្លើយបំភ្លឺបន្ទាប់ពីបានទទួលពាក្យបណ្តឹង។
សាលាដំបូងរាជធានីភ្នំពេញ សម្រេចឃុំខ្លួនមន្ត្រីក្រសួងសង្គមកិច្ច អតីតយុទ្ធជន និងយុវនិតីសម្បទាម្នាក់ ជាបណ្ដោះអាសន្ន នៅពន្ធនាគារ PJ ពាក់ព័ន្ធរឿងកិបកេងថវិការដ្ឋជាង ៣៨ម៉ឺនដុល្លារ ។
អង្គភាពប្រឆាំងអំពើពុករលួយ(ACU)បញ្ជូនមន្ត្រីក្រសួងសង្គមកិច្ច អតីតយុទ្ធជន និងយុវនិតីសម្បទាម្នាក់ ទៅសាលាដំបូងរាជធានីភ្នំពេញ នៅថ្ងៃពុធនេះ ពាក់ព័ន្ធរឿងកិបកេងថវិការដ្ឋជាង៣៨ម៉ឺនដុល្លារ។
ភាពប្រទាក់ក្រឡាគ្នាជាលក្ខណៈគ្រួសារនិយមកាន់តំណែងក្នុងក្រសួង និងស្ថាប័នរដ្ឋ ត្រូវបានគេមើលឃើញថា ជាបញ្ហាចម្បងមួយជំរុញឱ្យមានអំពើពុករលួយជាប្រព័ន្ធក្នុងសង្គមកម្ពុជា មិនងាយនឹងលុបបំបាត់បាន បើទោះបីជាថ្មីៗនេះ រដ្ឋមន្ត្រីក្រសួងមហាផ្ទៃបានបង្ហាញឆន្ទៈវះកាត់មន្ត្រីខិលខូច ដើម្បីពង្រឹងយន្តការធ្វើកំណែទម្រង់នគរបាលជាតិយ៉ាងណាក្ដី។
សកម្មជនបរិស្ថានអះអាងថា បទល្មើសព្រៃឈើក្នុងដែនជម្រកសត្វព្រៃភ្នំឱរ៉ាល់ និងតំបន់អភិរក្សជួយភ្នំក្រវាញ ស្ថិតក្នុងភូមិសាស្ត្រខេត្តពោធិ៍សាត់ និងខេត្តកោះកុង នៅតែបន្តកើតមានជារៀងរាល់ថ្ងៃ ដោយសារមន្ត្រីជំនាញធូររលុងក្នុងការអនុវត្តច្បាប់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
