អង្គការឃ្លាំមើលការបោះឆ្នោតរកឃើញថា សភាអាណត្តិទី៦នេះអសកម្មក្នុងការលើកយកបញ្ហារបស់ប្រជាពលរដ្ឋម្ចាស់ឆ្នោត មកជជែកដេញដោលជាមួយរដ្ឋាភិបាល ដើម្បីជំរុញឱ្យការការអនុវត្តច្បាប់ធានាដល់ផលប្រយោជន៍ម្ចាស់ឆ្នោតដែលមានចែងក្នុងរដ្ឋធម្មនុញ្ញ។
អង្គការសង្គមស៊ីវិលចំនួន២ ដែលសកម្មក្នុងកិច្ចការ «បើកចំហព័ត៌មានសាធារណៈ» ជំរុញឱ្យរដ្ឋាភិបាលបង្កើតប្រព័ន្ធមួយដែលអាចឱ្យសាធារណជនផ្តល់យោបល់ទៅលើផែនការលទ្ធកម្ម ឬវិធីកំណត់នូវតម្រូវការដោយបើកចំហ យុត្តិធម៌ នៅថ្នាក់ក្រោមជាតិ ខណៈសេចក្តីព្រាងច្បាប់លទ្ធកម្មសាធារណៈកំពុងស្ថិតក្នុងដំណាក់កាលពិភាក្សាជាសាធារណៈ ហើយអាចឈានទៅការអនុម័តនាពេលខាងមុខ។
អ្នកឃ្លាំមើលលើកឡើងថា ការបំបែកខេត្តទៅជាក្រុងនិងស្រុកបន្ថែមទៀតនៅពេលនេះ មិនទាន់ជាតម្រូវការចាំបាច់នៅឡើយទេ ហើយនឹងប៉ះពាល់ដល់ការចំណាយថវិកាជាតិ ខណៈសេដ្ឋកិច្ចកម្ពុជានៅមិនទាន់រឹងមាំនៅឡើយក្រោយវិបត្តិកូវីដ-១៩មក។
កំពុងតែបើករ៉ឺម៉កកង់បីឥណ្ឌាដឹកភ្ញៀវលើផ្លូវដែលមានដីហុយទ្រលោម និងមានជង្ហុកធំៗ ដោយកន្លែងផងនោះ ពលរដ្ឋមួយរូបបានត្អួញត្អែរពីការធ្វើដំណើរ និងមិនចង់ទទួលដឹកភ្ញៀវទៅភូមិកាំងចាម ឃុំកាំងចាម ស្រុកថាឡាបរីវ៉ាត់ ខេត្តស្ទឹងត្រែង ដោយសារផ្លូវពិបាកធ្វើដំណើរខ្លាំងពេក។
ប្រជាពលរដ្ឋមួយចំនួនរស់នៅសហគមន៍ក្រីក្រក្នុងរាជធានីភ្នំពេញ អះអាងថា ពួកគេមិនទាន់ទទួលបានសិទ្ធិរស់នៅជាពលរដ្ឋពេញលេញ ខណៈមិនអាចស្នើសុំឯកសារគ្រួសារ ដូចជា សៀវភៅគ្រួសារ អត្តសញ្ញាណបណ្ណ និងសំបុត្រកំណើតពីអាជ្ញាធរក្នុងមូលដ្ឋានដែលពួកគេកំពុងរស់នៅបានឡើយ។
ស្ត្រីលេចធ្លោចំនួនបីរូបមកពីគណបក្សក្រៅរដ្ឋាភិបាល ចង់ប្រែក្លាយបទពិសោធនៃជីវិតដ៏លំបាករបស់ខ្លួនទៅជាផែនការគោលនយោបាយ សម្រាប់ដោះស្រាយបញ្ហាស្ត្រីក្នុងសហគមន៍របស់ខ្លួន។ អ្នកស្រី ចៅ រតនៈ មកពីគណបក្សភ្លើងទៀនដែលគេដឹងថាស្និទ្ធនឹងលោក សម រង្ស៊ី, អ្នកស្រី អោម យូរ៉េត តំណាងឱ្យគណបក្សរាជានិយមហ៊្វុនស៊ិនប៉ិច និងអ្នកស្រី ស សារ៉ាត់ មកពីគណបក្សប្រជាធិបតេយ្យមូលដ្ឋាន គឺជាម្ដាយ និងជាស្ត្រីដែលបានជួបប្រទះនូវអំពើហិង្សាក្នុងគ្រួសារ រងនូវភាពអយុត្តិធម៌ ការបៀតបៀនលើស្ត្រី និងវិសមភាពក្នុងសង្គម ជាដើម។
រដ្ឋមន្ត្រីក្រសួងមហាផ្ទៃ លោក ស ខេង បញ្ជាទៅមន្ត្រីឱ្យបង្កើនប្រសិទ្ធភាពដោះស្រាយបញ្ហាពលរដ្ឋឱ្យបានលឿននិងមានគុណភាព ដោយសម្អាងថា សំណូមពររបស់ពលរដ្ឋជាកញ្ចក់ឆ្លុះបញ្ហាដើម្បីកែលម្អស្ថាប័នរដ្ឋ ក្រោយពីរកឃើញថា បញ្ហាខ្លះមិនទាន់ត្រូវបានដោះស្រាយ ស្របគ្នានឹងការកើនឡើងនៃបណ្ដឹងករណីជួញដូរមនុស្ស។
លោកនាយករដ្ឋមន្រ្តី ហ៊ុន សែន ក្រើនរំលឹកនិងដាស់តឿនដល់អាជ្ញាធរមូលដ្ឋានត្រូវសកម្មក្នុងការដោះស្រាយបញ្ហាក្នុងមូលដ្ឋានរបស់ខ្លួន ជាពិសេសត្រូវចុះពិនិត្យនិងជួលជុលផ្លូវដែលរងការខូចខាត ដោយលោកថា មិនមែនឱ្យកាន់តំណែងហើយអង្គុយលេងនោះទេ។
ភាពប្រទាក់ក្រឡាគ្នាជាលក្ខណៈគ្រួសារនិយមកាន់តំណែងក្នុងក្រសួង និងស្ថាប័នរដ្ឋ ត្រូវបានគេមើលឃើញថា ជាបញ្ហាចម្បងមួយជំរុញឱ្យមានអំពើពុករលួយជាប្រព័ន្ធក្នុងសង្គមកម្ពុជា មិនងាយនឹងលុបបំបាត់បាន បើទោះបីជាថ្មីៗនេះ រដ្ឋមន្ត្រីក្រសួងមហាផ្ទៃបានបង្ហាញឆន្ទៈវះកាត់មន្ត្រីខិលខូច ដើម្បីពង្រឹងយន្តការធ្វើកំណែទម្រង់នគរបាលជាតិយ៉ាងណាក្ដី។
ផ្លូវដីក្រហមមួយខ្សែមានប្រវែងជិត២០គីឡួម៉ែត្រ ស្ថិតនៅឃុំដារ ស្រុកមេមត់ ខេត្តត្បូងឃ្មុំ មានជង្ហុកធំៗ ទឹកដក់លើផ្លូវ មានភក់ជ្រាំ និងរអិលខ្លាំងផង ដោយបញ្ហានេះបង្កផលលំបាកដល់ការធ្វើដំណើររបស់ប្រជាពលរដ្ឋនៅតំបន់នោះ ពិសេសក្នុងរដូវវស្សា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
