វ៉ាក់សាំងកូវីដ-១៩ ចំនួន៣០ម៉ឺនដូស ដែលជាជំនួយរបស់ប្រទេសអេស៉្បាញ និងឱសថប្រឆាំងមេរោគកូវីដ-១៩ ប្រភេទ Molnupiravir ចំនួនជាង៨២​ម៉ឺន​គ្រាប់ ដែលជាជំនួយរបស់អង្គការយូនីសេហ្វ ត្រូវបានផ្ដល់ជូនកម្ពុជាសម្រាប់ប្រើប្រាស់ក្នុងការបង្ការនិង​ព្យាបាលជំងឺកូវីដ-១៩។

ក្រសួងការងារ​ និងបណ្ដុះបណ្ដាលវិជ្ជាជីវៈ នឹង​ចុះ​ជំរឿននិង​​​ផ្ទៀងផ្ទាត់​ទិន្នន័យ​​ចាក់​វ៉ាក់​សាំងកូវីដ-១៩របស់កម្មករនិយោជិតនៅតាម​រោង​ចក្រ​សហគ្រាស​នានា នៅ​ដើមខែសី​ហា ឆ្នាំ២០២២។

រដ្ឋាភិបាលកម្ពុជាបាន​ទទួលជំនួយ​​​វ៉ាក់សាំងប្រឆាំងកូវីដ-១៩ ​ប្រភេទ Pfizer ចំនួន​ជិត២០ម៉ឺនដូស​ពីប្រទេស​​​អូស្ត្រាលី ដែលការផ្ដល់ជំនួយនេះសម្រាប់ការចូលរួមទប់ស្កាត់ការរាតត្បាតជំងឺកូវីដ-១៩។   

លោកនាយករដ្ឋមន្ត្រី ហ៊ុន សែន អំពាវនាវដោយទទូចដល់ប្រជាពលរដ្ឋដែលមិនទាន់ទទួលវ៉ាក់សាំងកូវីដ-១៩គ្រប់ដូស​ ទៅទទួលយកវ៉ាក់សាំង ជាពិសេស​ពលរដ្ឋ​ដែលមិនទាន់បានចាក់ដូស​ទី​៣ ដែលមានជាង៥លាន​នាក់​ ដើម្បីបង្កើនភាពស៊ាំក្នុងសហគមន៍ បើទោះកម្ពុជាមិនមានករណីឆ្លងថ្មីជាង៥០ថ្ងៃមកហើយក៏ដោយ។

នាយករដ្ឋមន្ត្រី ហ៊ុន សែន អះអាងថា វ៉ាក់សាំង​បង្ការនិងប្រយុទ្ធប្រឆាំងជំងឺកូវីដ-១៩មាននៅក្នុងឃ្លាំងចំនួនជាង១១លានដូស​ ខណៈវ៉ាក់សាំងដែលមិត្តបរទេសសន្យាផ្ដល់ជូនកម្ពុជាមានចំនួនជាង២០លានដូសទៀត។  

ក្រសួងសុខាភិបាល បានក្រើនរម្លឹកពី​ការ​ចាប់ផ្ដើម​យុទ្ធនាការ​​​ចាក់វ៉ាក់សាំងកូវីដ-១៩ ដូសទី៥ ដល់​​មន្ត្រី​ជួរ​​មុខ និង​​ក្រុម​គោលដៅអាទិភាព ដែលនឹងប្រព្រឹត្តទៅចាប់ពីថ្ងៃ​ទី០៩ ខែមិថុនា ឆ្នាំ២០២២ទៅ​ ដើម្បីបង្កើនភាពស៊ាំទប់​ទល់​នឹងការ​ឆ្លងរាលដាលនៃជំងឺកូវីដ-១៩។

រដ្ឋាភិបាល​កម្ពុជាសម្រេច​ចុះហត្ថលេខាដើម្បីបញ្ជាទិញវ៉ាក់សាំងការពារកូវីដ-១៩ជាង១០៤លាន​ដូស​បន្ថែមទៀតពីក្រុមហ៊ុនផលិតវ៉ាក់សាំងប្រភេទ​​ស៊ីណូវ៉ាក់របស់ចិន ដើម្បីទុកប្រើប្រាស់​រយៈពេ​ល៣ឆ្នាំ ពីឆ្នាំ២០២៤ ដល់ឆ្នាំ២០២៦។

ក្រសួងសុខាភិបាល​បាន​ប្រកាស​មិនទទួលស្គាល់បណ្ណឬវិញ្ញាបនបត្រ​ចាក់វ៉ាក់សាំង​កូវីដ-១៩ ដែលចេញដោយក្រុមហ៊ុនឯកជន​ឬបុគ្គលណា ក្រៅពីក្រសួងសាម៉ី​ផ្ទាល់​ និង​ក្រសួង​​ការ​ពារ​​ជាតិឡើយ​។