មេដឹកនាំកម្ពុជា បញ្ជាឱ្យស្ថាប័នពាក់ព័ន្ធរៀបចំយន្តការចាក់វ៉ាក់សាំងដល់ពលរដ្ឋ ដើម្បីទប់ស្កាត់ការឆ្លងជំងឺសកលកូវីដ-១៩ ខណៈធ្លាប់អះអាងថា ពលរដ្ឋជិត៤លាន់នាក់នៅមិនទាន់មកទទួលដូសទី៣នៅឡើយ ដែលការណ៍នេះ លោកបង្ហាញពីហានិភ័យសុខភាពសាធារណៈចៃដន្យណាមួយអាចនឹងកើតឡើង។ ការប្រកាសរបស់លោក ហ៊ុន សែន នេះ ក្នុងពេលដែលមានការបារម្ភថា ជំងឺកូវីដ-១៩ អាចផ្ទុះឡើងវិញជាថ្មី និងខណៈដែលអ្នកឆ្លងជំងឺកូវីដ-១៩ កំពុងកើនឡើងជាថ្មីនៅក្នុងប្រទេសចិន។

ប្រមុខរដ្ឋាភិបាល​អំពាវនាវជាថ្មីទៀត​​​ដល់ប្រជាពលរដ្ឋ​ដែលមិនទាន់ចាក់​វ៉ាក់សាំងដូសទី៣ ឱ្យ​​ទៅ​ទទួល​យក​វ៉ាក់​សាំង ដើម្បីការ​ពារខ្លួនពីការឆ្លងជំងឺកូវីដ-១៩ និង​បង្កើន​​​ភាព​ស៊ាំក្នុ​ង​សហគមន៍ ខណៈ​ពលរដ្ឋ​​ប្រមាណ ៤លាន​នាក់​ នៅ​​មិន​​ទាន់​ទៅចាក់​វ៉ាក់សាំងដូសទី៣នៅឡើយ។