ព័ត៌មានថ្មីបំផុតដែលយើងទទួលបានគឺថា នាវាពិឃាតអាមេរិកមួយគ្រឿង បានធ្វើដំណើរទៅកៀកនឹងប្រជុំកោះ ដែលក្រុងប៉េកាំងអះអាងថាជាម្ចាស់ នៅក្នុងសមុទ្រចិនខាងត្បូង កាលពីថ្ងៃម្សិលមិញ ចំពេលដែលភាពតានតឹងបន្តកើតមាននៅដែនទឹកមានជម្លោះនេះ។
ចិន និងរុស្ស៊ី នឹងចាប់ផ្ដើមសមយុទ្ធកងទ័ពជើងទឹករបស់ពួកគេរយៈពេល ៨ថ្ងៃ នៅសមុទ្រចិនខាងត្បូង ហួសពីឆ្នេរសមុទ្រខេត្តក្វាងទុង ចាប់ពីថ្ងៃស្អែកនេះ។ នេះដោយយោងតាមសេចក្ដីរាយការណ៍របស់ Reuters ដែលបានដកស្រង់សម្ដីកងទ័ពជើងទឹកចិន។
ក្រសួងបរិស្ថានឲ្យដឹងថា ករណីទឹកសមុទ្រនៅឆ្នេរសមុទ្រក្នុងខេត្តកែបដែលបានប្រែទៅជាពណ៌បៃតងនោះ មិនមានសារធាតុគ្រោះថ្នាក់ដែលអាចបង្កហានិភ័យធ្ងន់ធ្ងរដល់មនុស្ស និងបរិស្ថានទឹកនោះទេ ដោយក្រសួងបញ្ជាក់ថា ប្រជានេសាទនៅតែអាចធ្វើការនេសាទជាធម្មតា ប្រសិនបើករណីនេះកើតឡើងជាថ្មី។ កាលពីថ្ងៃសប្ដាហ៍មុន ទឹកសមុទ្រនៅភូមិសាស្ត្រខេត្តកែប បានប្រែទៅជាពណ៌បៃតងខុសពីធម្មតា ដោយសម្បូរទៅដោយស្លែ។ ក្រសួងបរិស្ថានប្រកាសឲ្យសាធារណជនផ្អាកចុះងូតទឹក និងបរិភោគអាហារសមុទ្រនៅក្នុងខេត្តកែបបណ្ដោះអាសន្ន ដើម្បីបញ្ចៀសការប៉ះពាល់សុខភាព។
ក្រុមមន្ត្រីអង្គការសង្គមស៊ីវិលដែលធ្វើការពាក់ព័ន្ធនឹងបញ្ហាដីធ្លីលើកឡើងថា ស្ថានភាពជម្លោះដីធ្លីនៅតាមខេត្តជាប់ឆ្នេរសមុទ្រកំពុងស្ថិតក្នុងភាពធ្ងន់ធ្ងរ ដោយអះអាងថា ជម្លោះដីធ្លីនៅក្នុងខេត្តទាំងនេះប៉ះពាល់ដីប្រជាពលរដ្ឋទំហំជិត៥ម៉ឺនហិកតា។ នៅព្រឹកថ្ងៃចន្ទនេះ អង្គការចំនួន៨បានធ្វើសន្និសីទសារព័ត៌មានមួយស្តីពីបញ្ហាទំនាស់ដីធ្លីនៅតំបន់ខេត្តជាប់ឆ្នេរសមុទ្រទាំង៤គឺខេត្តព្រះសីហនុ ខេត្តកំពត ខេត្តកោះកុង និងខេត្តកែប។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
