ក្រសួងមហាផ្ទៃ បានបញ្ជាទៅអភិបាលខេត្តត្បូងឃ្មុំ ឱ្យដោះស្រាយបញ្ហាដីធ្លីជូនប្រជាពលរដ្ឋជាង២០០គ្រួសារ នៅស្រុកមេមត់ និងស្រុកតំបែរ ខេត្តត្បូងឃ្មុំ ក្រោយពីពលរដ្ឋទាំងនោះមានជម្លោះជាមួយក្រុមហ៊ុនឯកជន និងអាជ្ញាធរ ជាង១០ឆ្នាំ ហើយបានរកកិច្ចអន្តរាគមន៍ពីក្រសួងមួយនេះ។
ពលរដ្ឋជិត៥០០គ្រួសារ រស់នៅតំបន់ទំនប់៩៤ ក្នុងខេត្តកណ្ដាល បារម្ភពីការបណ្ដេញចេញទាំងបង្ខំ ក្រោយអាជ្ញាធរថាពួកគេកំពុងរស់នៅក្នុងសំណង់អនាធិបតេយ្យ និងខុសច្បាប់ ខណៈអះអាងថា ពួកគេរស់នៅតំបន់នោះជាង៣០ឆ្នាំ និងមានឯកសារស្នាក់នៅត្រឹមត្រូវ។
ពលរដ្ឋមានជម្លោះដីធ្លីជាមួយអតីតក្រុមហ៊ុនស្ករអំពៅ នៅខេត្តឧត្ដរមានជ័យ បានជំរុញទៅក្រសួងរៀបចំដែនដី នគរូបនីយកម្ម និងសំណង់ ដោះស្រាយវិវាទដីធ្លី ដោយប្រគល់ដីជូនពួកគាត់វិញ និងផ្តល់បណ្ណកម្មសិទ្ធិ ក្រោយក្រុមហ៊ុននេះក្ស័យធន និងដកខ្លួនចេញពីដីសម្បទានសេដ្ឋកិច្ចដែលមានជម្លោះជិត១០ឆ្នាំ។
ប្រជាសហគមន៍ប្រមាណ ១០០នាក់ ដែលមានបញ្ហាដីធ្លី មកពីឃុំចំនួន៣ នៅខេត្តកំពង់ស្ពឺ បាននាំគ្នាទៅប្រមូលផ្តុំនៅមុខក្រសួងរៀបចំដែនដី នគរូបនីយកម្ម និងសំណង់ ដើម្បីជំរុញដល់ក្រសួងពន្លឿនការដោះស្រាយបញ្ចប់វិវាទដីធ្លីរបស់ពួកគាត់ជាមួយក្រុមហ៊ុនឧកញ៉ា លី យ៉ុងផាត់។
ជនជាតិដើមភាគតិច មកពីបណ្តាខេត្តមួយចំនួន ស្នើតំណាងរាស្ត្រ និងក្រសួងពាក់ព័ន្ធ ជួយអន្តរាគមន៍ទៅតុលាការឱ្យទម្លាក់ចោលបទចោទប្រកាន់ទៅលើពួកគេ និងចុះបញ្ជីដីធ្លីឱ្យពួកគាត់ឱ្យបានឆាប់ បើមិនដូច្នេះទេ កូនចៅជំនាន់ក្រោយពួកគេនឹងគ្មានដីសម្រាប់រស់នៅ។
ពលរដ្ឋមួយក្រុមដែលរងផលប៉ះពាល់ពីគម្រោងអភិវឌ្ឍន៍ផ្លូវដែក នៅរាជធានីភ្នំពេញ ស្នើជាថ្មីទៀតទៅរដ្ឋបាលរាជធានីភ្នំពេញ ពន្លឿនការដោះស្រាយបញ្ហាដីធ្លីជូនពួកគេឱ្យបានឆាប់ ខណៈពួកគាត់បារម្ភពីការបណ្តេញចេញដោយបង្ខំ និងមិនទទួលបានសំណងសមរម្យ ដោយសារអាជ្ញាធរនៅតែចង្អុលបង្ហាញឱ្យពួកគេទទួលយកដីនៅក្រុមហ៊ុន7NG ស្ថិតនៅខេត្តកណ្ដាល។
តំណាងពលរដ្ឋចំនួន៧នាក់ ដែលអះអាងថាកំពុងមានជម្លោះដីធ្លីជាមួយក្រុមហ៊ុនរបស់ឧកញ៉ា លី យ៉ុងផាត់ នៅស្រុកបូទុមសាគរ ខេត្តកោះកុង ត្រូវបានតុលាការកោះហៅឱ្យចូលសវនាការនៅថ្ងៃនេះ ខណៈពលរដ្ឋជាង១០០នាក់បានចូលរួមគាំទ្រនៅមុខសាលាដំបូងខេត្តនេះផងដែរ។
ប្រជាពលរដ្ឋប្រមាណ៤០នាក់ តំណាងឱ្យ២៥០គ្រួសារ រស់នៅជាប់បឹងតាមោក ស្ថិតក្នុងសង្កាត់សំរោង ខណ្ឌព្រែកព្នៅ រាជធានីភ្នំពេញ នៅថ្ងៃព្រហស្បតិ៍នេះ បាននាំគ្នាដាក់ញត្តិនៅតាមស្ថាប័នរដ្ឋចំនួន៣ជាថ្មីទៀត ដើម្បីជំរុញឱ្យមានដំណោះស្រាយជូនពួកគេ ដោយគ្មានការបណ្តេញចេញពីលំនៅឋានទាំងបង្ខំ។
ពលរដ្ឋបានឱ្យដឹងថា មានអ្នកភូមិជិត១០០នាក់នៅក្រុងប៉ោយប៉ែត បានផ្ទុះការតវ៉ា នៅថ្ងៃអង្គារនេះ ដើម្បីទាមទារទៅអាជ្ញាធរ ពាក់ព័ន្ធឱ្យរកដំណោះស្រាយដីធ្លីជូនពួកគេ ក្រោយរដ្ឋាភិបាលដកហូតប្រគល់ឱ្យបុគ្គល២នាក់នៅភ្នំពេញ។
ពលរដ្ឋប្រមាណ៤៦០គ្រួសាររស់នៅជាប់ព្រលានយន្តហោះថ្មី នៅខេត្តកណ្ដាល អះអាងថា អ្នកភូមិកំពុងមានសម្ពាធធ្ងន់ធ្ងរ និងចេញប្រកបរបររកស៊ីទាំងអារម្មណ៍មិននឹងនរ ដោយសារបារម្ភថានឹងត្រូវគេឈូសឆាយបណ្តេញចេញពីផ្ទះទាំងបង្ខំ ខណៈមានគេមកប្រាប់ជាច្រើនលើកច្រើនសាឱ្យពួកគាត់រុះរើរោងចិញ្ចឹមសត្វចេញពីដីផ្ទះ និងហាមសង់សំណង់ថ្មីជាដើម ស្របពេលអាជ្ញាធរខេត្តមិនទាន់ឆ្លើយតបជាវិជ្ជមាននូវការស្នើសុំបណ្ណកម្មសិទ្ធិដីធ្លីរបស់ពួកគាត់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
