សាលាដំបូងរាជធានីភ្នំពេញ បានបើកសវនាការជំនុំជម្រះលើបណ្ដឹងទាស់ទៅនឹងអតីតមេឃុំគណបក្សសង្គ្រោះជាតិ ដែលត្រូវបានហាមឃាត់មិនឱ្យចាកចេញពីប្រទេសកាលពីឆ្នាំមុន បន្ទាប់ពីត្រូវបានផ្ដន្ទាទោសកំបាំងមុខពីបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។
អ្នកឃ្លាំមើលកិច្ចការបោះឆ្នោត និងអ្នកវិភាគនយោបាយ លើកឡើងថា សារអំពាវនាវរបស់លោក សម រង្ស៊ី ឱ្យពលរដ្ឋខ្មែរគ្រប់រូបចូលរួមបោះឆ្នោតថ្នាក់ជាតិ ដោយថា កុំបារម្ភពីការលួចបន្លំសន្លឹកឆ្នោត ជាសារនយោបាយវិជ្ជមាន នឹងអាចធ្វើឱ្យការបោះឆ្នោតមានភាពល្អប្រសើរ។
លោកនាយករដ្ឋមន្ត្រី ហ៊ុន សែន ប្រកាសបើកផ្លូវឱ្យអ្នកគាំទ្របក្សប្រឆាំងនៅក្រៅប្រទេស អាចមកលេងស្រុកកំណើត ដោយមិនចាំបាច់ភ័យខ្លាច ក្រោមហេតុផលថា រដ្ឋាភិបាលនឹងមិនចាត់វិធានការច្បាប់នោះទេ វាលើកលែងតែអ្នកមានដីកាចាប់ខ្លួនពីតុលាការ ដើម្បីអនុវត្តស្មារតីបង្រួបបង្រួមជាតិ។
លោកនាយករដ្ឋមន្ត្រី ហ៊ុន សែន ប្រកាសបើកផ្លូវឱ្យអ្នកគាំទ្របក្សប្រឆាំងនៅក្រៅប្រទេសអាចធ្វើដំណើរមកលេងស្រុកកំណើតបានដោយមិនប្រើវិធានការច្បាប់ លើកលែងតែអ្នកមានដីកាចាប់ខ្លួនពីតុលាការ នូវអ្វីដែលលោកហៅថា ដើម្បីអនុវត្តស្មារតីបង្រួបបង្រួមជាតិ។
វិធានការច្បាប់ និងសារព្រមានផ្ទួនៗរបស់លោកនាយករដ្ឋមន្ត្រី ហ៊ុន សែន លើមន្ត្រីបក្សប្រឆាំង ក្នុងពេលថ្មីៗនេះ ត្រូវបានអ្នកឃ្លាំមើលបញ្ហាសង្គមយល់ថា គឺជាយុទ្ធសាស្រ្តដែលគណបក្សកាន់អំណាចតែងតែប្រើប្រាស់ ដើម្បីបំបាក់ដៃគូប្រកួតប្រជែងរបស់ខ្លួននៅក្នុងរដូវកាលបោះឆ្នោត។
គណបក្សប្រជាជនកម្ពុជា បង្ហាញការតាំងចិត្តពង្រីកលទ្ធិប្រជាធិបតេយ្យ ដោយធ្វើឱ្យបរិយាកាសបោះឆ្នោតខាងមុខ គ្មានការគំរាមកំហែង ដើម្បីធានាឱ្យដំណើរការបោះឆ្នោតប្រព្រឹត្តទៅដោយសេរី ត្រឹមត្រូវ និងយុត្តិធម៌ លាយឡំនឹងសារគំរាមដៃគូប្រកួត ដែលការណ៍នេះ ជំរុញឱ្យមានការព្រួយបារម្ភថាការលើកឡើងនេះមិនមានអ្វីផ្លាស់ប្តូរ។
លោក គង់ សភា ជាអតីតតំណាងរាស្រ្តមណ្ឌលស្វាយរៀង នៃគណបក្សសង្គ្រោះជាតិដែលតុលាការបានរំលាយ បានអះអាងថា លោក ហូរ វ៉ាន់ នឹងមិនវិលមកកម្ពុជា ដូចអ្វីដែលលោកនាយករដ្ឋមន្ត្រីបើកផ្លូវសម្រាប់លោកទេ ប្រសិនបើចេតនានៃការអំពាវនាវនេះមិនឆ្លុះបញ្ចាំងពីសុចរិត និងការផ្សះផ្សាខាងនយោបាយនោះទេ។
លោកនាយករដ្ឋមន្ត្រី ហ៊ុន សែន បានប្រកាសឱ្យមន្ត្រីជាន់ខ្ពស់មួយរូបនៃគណបក្សសង្គ្រោះជាតិដែលត្រូវបានតុលាការរំលាយ កំពុងរស់នៅក្រៅប្រទេស ឱ្យត្រលប់ចូលមកប្រទេសកម្ពុជាវិញ ខណៈដែលមន្ត្រីរូបនោះកំពុងជាប់បណ្ដឹងជាច្រើននៅតុលាការកម្ពុជា។
នៅសល់តែប៉ុន្មានថ្ងៃទៀតប៉ុណ្ណោះ ឆ្នាំចាស់នឹងត្រូវបិទបញ្ចប់ ហើយឆ្នាំថ្មីនឹងចូលមកដល់ ទោះជាយ៉ាងណា ភាពចាក់ស្រេះផ្នែកវិបត្តិនយោបាយនៅកម្ពុជា ត្រូវគេមើលឃើញថា នៅតែមិនអាចទម្លុះភាពជាប់គាំងបាន នៅបន្ទាប់ពីគណបក្សប្រឆាំងដែលមានសំឡេងគាំទ្រមិនចាញ់នឹងគណបក្សកាន់អំណាចប៉ុន្មាន ត្រូវបានតុលាការកំពូលរំលាយកាលពីចុងឆ្នាំ២០១៧ ដែលធ្វើឱ្យភាពប្រេះឆាផ្ទៃក្នុងនេះបន្តដោះមិនចេញដល់ពេលបច្ចុប្បន្ន។
មន្រ្តីជាន់ខ្ពស់គណបក្សក្រៅរដ្ឋាភិបាល និងអ្នកវិភាគសង្គម មើលឃើញថា ការដែលចោទប្រកាន់គណបក្សភ្លើងទៀន ដោយមានសកម្មភាពចូលរួមខ្លះពីអតីតអ្នកនយោបាយបក្សប្រឆាំងនៅក្រៅប្រទេស ជាសារបង្ហាញឱ្យឃើញពីរូបភាពក្នុងការប៉ុនប៉ងជាថ្មីទៀតចំពោះដៃគូនយោបាយដែលមានប្រៀបសម្រាប់ទីលានប្រកួតនាខែកក្កដា ឆ្នាំ២០២៣ ដែលអាចមានន័យថា ប្រសិនបើគណបក្សកាន់អំណាចមិនសប្បាយចិត្តចំពោះសន្ទុះនៃការគាំទ្របក្សរបស់ខ្លួន អាចនឹងឈានទៅដល់ការរំលាយនៅមុនការបោះឆ្នោតជ្រើសតាំងតំណាងរាស្រ្តមកដល់ក៏ថាបាន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
