លោកនាយករដ្ឋមន្ត្រី ថ្លែងថា អាជ្ញាធរ នឹងដាក់ឲ្យរថយន្តក្រុងសាធារណៈដឹកប្រជាពលរដ្ឋមុននិងក្រោយចូលឆ្នាំដោយឥតគិតថ្លៃនៅតាមផ្លូវជាតិមួយចំនួន ដោយថា ដើម្បីជួយសម្រួលដល់ជីវភាពអ្នកធ្វើដំណើរទៅលេងស្រុកកំណើត។
កម្លាំងប្រដាប់អាវុធរបស់កម្ពុជា និង ថៃ បានបញ្ជាក់ជំហរក្នុងការបង្កើនកិច្ចសហប្រតិបត្តិការ ក្នុងការការពារសន្តិសុខ សណ្តាប់ធ្នាប់នៅតាមបណ្តោយព្រំដែន។
មន្ត្រីជាន់ខ្ពស់អគ្គស្នងការដ្ឋាននគរបាលជាតិ បានក្រើនរំឭកឲ្យកម្លាំងនគរបាលនៅខេត្តសៀមរាប ប្រឹងប្រែងការពារសុវត្ថិភាពជូនភ្ញៀវទេសចរជាតិ និងអន្តរជាតិដែលទៅកំសាន្តនៅទីនោះ ក៏ដូចជាការបំពេញភារកិច្ចឲ្យបានល្អសម្រាប់ពលរដ្ឋទូទៅ
ក្រសួងការងារ និងបណ្ដុះបណ្ដាលវិជ្ជាជីវៈ កាលពីថ្ងៃម្សិលមិញនេះ បានចេញសេចក្ដីណែនាំ ៩ចំណុច ទៅដល់រោងចក្រកាត់ដេរទាំងអស់នៅកម្ពុជា ដោយថា ដើម្បីបញ្ចៀសការដួលសន្លប់ជាយថាហេតុដោយកម្ដៅហួតហែងនៅក្នុងរដូវប្រាំងនេះ។ ក្នុងសេចក្ដីជូនដំណឹងកាលពីថ្ងៃម្សិលមិញនេះ ក្រសួងការងារ បានណែនាំបណ្ដារោងចក្រសហគ្រាសកាត់ដេរទាំងអស់ ឲ្យយកចិត្តទុកដាក់លើបរិស្ថាន សីតុណ្ហភាពក្នុងកន្លែងធ្វើការ ការលើកកម្ពស់សុវត្ថិភាពកន្លែងធ្វើការពីគ្រោះថ្នាក់អគ្គិភ័យ និងការអប់រំអនាម័យផ្សេងៗ
រដ្ឋាភិបាលកម្ពុជា បានសម្រេចដំឡើងប្រាក់មុខងារមន្ត្រីរាជការស៊ីវិលទាំងអស់ ដោយទាបបំផុត ៣៥ម៉ឺនរៀល និងខ្ពស់បំផុត ១លាន ៧៩ម៉ឺនរៀល។ សេចក្ដីសម្រេចថ្មីទាក់ទងនឹងការដំឡើងប្រាក់មុខងារមន្ត្រីរាជការស៊ីវិលនេះ ត្រូវបានរដ្ឋាភិបាលប្រកាសជាសាធារណៈ តាមរយៈអនុក្រឹត្យចេញផ្សាយកាលពីថ្ងៃម្សិលមិញនេះ។
គម្រោងអភិវឌ្ឍន៍លំនៅឋានសម្រាប់ប្រជាពលរដ្ឋមានប្រាក់ចំណូលមធ្យមទី២ ត្រូវគ្រោងដំណើរការសាងសង់នៅដើមខែឧសភាខាងមុខនេះ តែប៉ុន្មានខែក្រោយពីគម្រោងទី ១ បានចាប់ដំណើរការសាងសង់កាលពីដើមខែមករាកន្លងមក។ ក្នុងសេចក្ដីប្រកាសព័ត៌មានកាលពីថ្ងៃទី២ ខែមីនានេះ ក្រសួងរៀបចំដែនដី នគរូបនីយកម្ម និងសំណង់ បានឲ្យដឹងថា គម្រោងអភិវឌ្ឍន៍លំនៅឋានតម្លៃសមរម្យទី ២ នេះ គ្រោងនឹងបើកការដ្ឋានសាងសង់នៅថ្ងៃទី១ ខែឧសភាខាងមុខនេះ។
តារាហូលីវូដអាមេរិកលោកស្រី អ៊ែនជេលីណា ចូលី (Angelina Jolie) ប្រធានមូលនិធិ MJP បានពិភាក្សាជាមួយរដ្ឋមន្ត្រីក្រសួងបរិស្ថានលោក សាយ សំអាល់ពីការលើកកម្ពស់ជីវភាពពលរដ្ឋនៅតំបន់ព្រៃការពារ។ តាមទំព័រហ្វេសប៊ុករបស់ក្រសួងបរិស្ថាន ចុះផ្សាយថា ជំនួបនោះធ្វើឡើងកាលពីរសៀលថ្ងៃទី១៨ខែកុម្ភៈម្សិលមិញ។ ជំនួបរវាងលោកស្រី អានជេលីណា ជូលី និង លោកសាយ សំអាល់ ផ្តោតលើកិច្ចសហប្រតិបត្តិការ
លោកនាយករដ្ឋមន្ត្រី ហ៊ុន សែន នៅព្រឹកថ្ងៃនេះ បានបញ្ជាទៅសមត្ថកិច្ចគ្រប់លំដាប់ថ្នាក់ ឲ្យពង្រឹងសន្តិសុខជូនប្រជាពលរដ្ឋ ស្របតាមគោលនយោបាយភូមិឃុំមានសុវត្ថិភាពជូនប្រជាពលរដ្ឋ។
ថ្លែងនៅឯពិធីជួបសំណេះសំណាលមន្ត្រីរាជការ និងកងកម្លាំងប្រដាប់រាជធានី នៅឯកោះពេជ្រ លោកនាយករដ្ឋមន្ត្រី ហ៊ុន សែន បានក្រើនរំលឹកដល់សមត្ថកិច្ច ឲ្យយកចិត្តទុកដាក់រក្សាសន្តិសុខ សណ្តាប់ធ្នាប់សង្គមនៅរាជធានីភ្នំពេញ និងទប់ស្កាត់បទល្មើសឧក្រិដ្ឋនានា ទៅតាមគោលនយោបាយភូមិឃុំមានសុវត្ថិភាព។
រដ្ឋាភិបាលកម្ពុជា បានសម្រេចដំឡើងប្រាក់ឧបត្ថម្ភដល់មន្ត្រីក្រុមប្រឹក្សាចាប់ពីរាជធានី ខេត្តរហូតដល់ភូមិ នៅទូទាំងប្រទេស។ … ប្រាក់ឧបត្ថម្ភប្រធានក្រុមប្រឹក្សារាជធានី-ខេត្ត នឹងត្រូវបានដំឡើងទៅដល់ ១លាន ២១ម៉ឺនរៀល ខណៈសមាជិកក្រុមប្រឹក្សារាជធានី-ខេត្ត នឹងឡើងពី ៩៧ម៉ឺនរៀល។ …
របាយការណ៍អង្គការអន្ដរជាតិមួយចេញផ្សាយកាលពីម្សិលមិញ បានចាត់ថ្នាក់កម្ពុជាជាប្រទេសដែលមានស្ថានភាពនៃការគោរពនីតិរដ្ឋទាបជាងគេបំផុត ក្នុងចំណោមប្រទេសចំនួន១១៣លើពិភពលោក។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
