ក្រសួងមហាផ្ទៃ អនុញ្ញាតឱ្យសមាគមគ្រូបង្រៀនកម្ពុជាឯករាជ្យ ដង្ហែធម្មយាត្រាស្តីពី «សីលធម៌សង្គម» ពីរាជធានីភ្នំពេញ ឆ្ពោះទៅកាន់ខេត្តពោធិ៍សាត់ នៅដើមខែកុម្ភៈ ខាងមុខនេះ។
សង្គមស៊ីវិលផ្នែកសិទ្ធិមនុស្ស យល់ថា ការដែលសមត្ថកិច្ចនៅមិនទាន់អាចស្វែងរកចាប់ខ្លួនអតីតអភិបាលរងខេត្តកែប លោក ភូ លិ ដែលប្រើហិង្សាលើស្ត្រីម្នាក់បណ្ដាលឱ្យបែកក្បាលនោះ ថាជាការអនុវត្តច្បាប់ស្ដង់ដារពីរ។
សមាគមគ្រូបង្រៀនកម្ពុជាឯករាជ្យ គ្រោងហែធម្មយាត្រាពីរាជធានីភ្នំពេញ ទៅកាន់ខេត្តចំនួន៤ នៅដើមខែកុម្ភៈ ដើម្បី «លើកកម្ពស់សីលធម៌សង្គម» ក្រោយកត់សម្គាល់ថា សីលធម៌សង្គមមានការធ្លាក់ចុះ ដោយមានការប្រើប្រាស់ពាក្យសម្ដីអសុរោះជាហូរហែ ខណៈអំពើហិង្សា ក្មេងទំនើង ការកាប់សម្លាប់ ជាដើម បានកើតឡើងច្រើនគួរឱ្យបារម្ភ។
សង្គមស៊ីវិលដែលធ្វើការលើការការពារ និងលើកកម្ពស់ស្ត្រី ទាមទារឱ្យរដ្ឋាភិបាលចាត់វិធានការច្បាប់ដោយម៉ឺងម៉ាត់ទៅលើជនមានអំណាចដែលប្រើហិង្សានិងបៀតបៀនលើស្ត្រី ដើម្បីផ្តល់យុត្តិធម៌ដល់ជនរងគ្រោះ និងលើកកម្ពស់ការអនុវត្តច្បាប់ ខណៈមើលឃើញថា បើរឿងរ៉ាវបញ្ចប់ទៅវិញដោយត្រឹមតែបញ្ចប់មុខតំណែងជនប្រព្រឹត្ត ឬសម្របសម្រួលក្រៅប្រព័ន្ធច្បាប់ គឺងាយនឹងធ្វើឱ្យករណីហិង្សាទាំងនេះកើតទៅលើស្ត្រីបន្តទៀត ហើយក៏បង្ហាញពីវប្បធម៌និទណ្ឌភាព ឬភាពគ្មានទោសពៃរ៍នៅកម្ពុជាផងដែរ។
ក្រុមយុវជនស្ម័គ្រចិត្តសម្រាប់កុមារ និងយុវជន ចាត់ទុកថា អំពើហិង្សាលើស្ត្រី និងកុមារ នៅតែបន្តកើតមានក្នុងសហគមន៍ ទោះបីស្ថិតក្នុងទម្រង់មិនវាយដំរូបរាងកាយ តែជាសញ្ញាមួយគួរឱ្យព្រួយបារម្ភ ដែលចាំបាច់ត្រូវរួមគ្នាទប់ស្កាត់ និងដោះស្រាយ។
លោក ហ៊ុន សែន បានដកតំណែងអភិបាលរងខេត្តកែប លោក ភូ លិ ក្រោយមានការផ្សព្វផ្សាយពីការប្រើអំពើហិង្សាលើស្រ្តីជាមន្ត្រីសាខាពន្ធដារនិងបៀតបៀនលើស្រ្តីកាលពីយប់ថ្ងៃទី២៩ ខែធ្នូ ឆ្នាំ២០២២។
រយៈពេលមួយឆ្នាំមកហើយ សកម្មភាពតវ៉ានៅមុខក្រុមហ៊ុនណាហ្គាវើលដ៍ ស្ទើរតែក្លាយជារឿងដែលសាមញ្ញមួយទៅហើយ ខណៈក្រុមកូដករបានប្រមូលផ្ដុំគ្នាស្រែកតវ៉ាតាំងពីព្រឹកដល់ពេលរសៀល ដោយត្រូវប្រឈមមុខនឹងក្រុមមន្ត្រីប្រដាប់អាវុធ។
ក្រុមស្រ្តីជួរមុខដែលសកម្មក្នុងការការពារសិទ្ធិកម្មករនិយោជិតនៅតាមស្ថាប័នរដ្ឋ និងឯកជននានា បានបង្ហាញឆន្ទៈបន្តបេសកកម្មរបស់ខ្លួនក្នុងការលើកកម្ពស់សិទ្ធិស្ត្រីក្នុងវិស័យការងារ ទោះប្រឈមការរើសអើងក្នុងកន្លែងធ្វើការ ការគំរាមកំហែង និងរងការបៀតបៀនលើរាងកាយក្ដី។
សង្គមស៊ីវិលដែលសកម្មក្នុងកិច្ចការពារសិទ្ធិមនុស្ស ជំរុញឱ្យស្ថាប័នពាក់ព័ន្ធអនុវត្តច្បាប់ព្រហ្មទណ្ឌចំពោះមន្ត្រីខណ្ឌ៧មករា ដែលបានប្រើអំពើហិង្សាទៅលើម្ចាស់រទេះអេតចាយ ជាជាងអនុវត្តត្រឹមវិន័យរដ្ឋបាល ដើម្បីបញ្ចៀសរូបភាពហិង្សាដដែលនេះកើតឡើងលើជនរងគ្រោះដទៃទៀត។
ការសិក្សាមួយរបស់អង្គការទស្សនៈពិភពលោកប្រចាំនៅកម្ពុជា (World Vision) រកឃើញថា អំពើហិង្សាតជំនាន់ ឬ «អន្តរជំនាន់» មានឥរិយាបថហានិភ័យ មិនមែនជាវិធីសាស្ត្រល្អសម្រាប់អប់រំមនុស្ស ខណៈវាបានត្រឹមបន្សល់នូវភាពដិតដាម ប៉ះពាល់ផ្លូវកាយ ចិត្ត និងសក្តានុពលរបស់យុវជន ស្របពេលការសិក្សារកឃើញថា ឪពុក-ម្តាយ និងគ្រូបង្រៀន បានប្រព្រឹត្តអំពើហិង្សាច្រើនជាងគេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
