ក្រុមអ្នករៀបចំកម្មវិធីបុណ្យបានលើកឡើងថា ប្រជាពលរដ្ឋខ្មែរក្រោមដែលមានចំនួនប្រមាណជាកន្លះលាននាក់បានមកចូលរួមពិធីបុណ្យបញ្ចុះខណ្ឌសីមាព្រះវិហារថ្មីមួយ នៅក្នុងខេត្តឃ្លាំង ដែនដីកម្ពុជាក្រោម សម្រាប់រយៈពេលបីថ្ងៃ កាលពីចុងខែធ្នូកន្លងទៅ។
គ្រូបង្រៀនស្ម័គ្រចិត្តនៅកម្ពុជាក្រោម បានលះបង់ពេលវេលា និងថវិកាផ្ទាល់ខ្លួន ដើម្បីបង្រៀនភាសាខ្មែរដល់ព្រះសង្ឃ កុមារ យុវជន និងពលរដ្ឋខ្មែរក្រោម ដែលកំពុងរស់នៅលើទឹកដីគ្រប់គ្រងដោយប្រទេសវៀតណាម ដើម្បីថែរក្សាអក្សរសាស្រ្តជាតិមិនឱ្យបាត់បង់ បើទោះបីមិនមានការជួយឧបត្ថម្ភពីរដ្ឋអំណាចវៀតណាមក៏ដោយ។
ទឹកដីខ្មែរកម្ពុជាក្រោម ដែលបារាំងហៅថា ដែនដីកូសាំងស៊ីន មានទំហំ៦៧ ៧០០គីឡូម៉ែត្រការ៉េ ឬមានចំនួន២១ខេត្ត-ក្រុង ត្រូវបានបារាំងចុះហត្ថលេខាប្រគល់ទៅឱ្យប្រទេសវៀតណាមត្រួតត្រាបន្ត កាលពីថ្ងៃទី៤ ខែមិថុនា ឆ្នាំ១៩៤៩ នៅក្នុងអំឡុងពេលដែលអាណានិគមបារាំងត្រួតត្រាដែនដីឥណ្ឌូចិន។
លោកនាយករដ្ឋមន្ត្រី ហ៊ុន សែន ថ្លែងការពារជាថ្មីថា រូបលោកមិនបានកាត់ «កោះត្រល់» និង «កម្ពុជាក្រោម» ប្រគល់ទៅឱ្យវៀតណាមឡើយ ដោយថា ទឹកដីកម្ពុជាក្រោម និងកោះត្រល់ ដែលបាត់ទៅ ដោយសារបារាំងជាអ្នកកាត់ឱ្យវៀតណាមទៅវិញទេ។
ពលរដ្ឋខ្មែរក្រោម ស្នើរាជរដ្ឋាភិបាលកម្ពុជាឱ្យអន្តរាគមន៍ទៅរដ្ឋាភិបាលប្រទេសវៀតណាម ដើម្បីផ្ដល់ភាពងាយស្រួលដល់ការរៀនភាសាខ្មែរ និងបញ្ចូលដេប៉ាតឺម៉ង់បង្រៀនភាសាខ្មែរនៅក្នុងសាកលវិទ្យាល័យមុនសិន។
ព្រះសង្ឃខ្មែរក្រោមត្រូវបានសន្តិសុខ និងឆ្មាំយាមប្រាសាទអង្គរវត្តតម្រូវឱ្យព្រះអង្គទិញសំបុត្រចូលទស្សនាប្រាសាទអង្គរវត្តដូច ជនបរទេសដទៃទៀតដែរ ដោយសារតែព្រះអង្គមិនមានអត្តសញ្ញាណប័ណ្ណសញ្ជាតិខ្មែរ។
សហគមន៍ខ្មែរកម្ពុជាក្រោម ប្រកាសលើកពេលរៀបចំខួប ៧៣ឆ្នាំ នៃថ្ងៃបារំាងផ្ទេរការត្រួតត្រាទឹកដីកម្ពុជាក្រោមទៅឱ្យប្រទេសវៀតណាមត្រួតតា្របន្ត ទៅដើមខែកក្កដាវិញ ដោយសារនៅថ្ងៃទី៤ ខែមិថុនានេះ កៀកនឹងថ្ងៃដែលកម្ពុជារៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់។
លោកនាយករដ្ឋមន្ត្រី ហ៊ុន សែន ថ្លែងថា អ្នកណាខ្លាំងពូកែទៅយកកម្ពុជាក្រោមខ្លួនឯងទៅ ហើយលោកនឹងជួយធ្វើក្ដារមឈូសនិងជួយកប់សពឱ្យ ដោយថា កម្ពុជាក្រោមមិនមែនបាត់បង់ក្នុងជំនាន់លោកដឹកនាំនោះទេ ពោលគឺបានបាត់បង់តាំងពីមុនឪពុក រួមទាំងរូបលោកមិនទាន់កើតមកម្ល៉េះ។
សល់តែប៉ុន្មានថ្ងៃទៀតប៉ុណ្ណោះ តារាចម្រៀងល្បីឈ្មោះលោក ព្រាប សុវត្ថិ នឹងដឹកនាំក្រុមរាំអមដោយអ្នករៀបចំសម្លៀកបំពាក់ផ្ទាល់ខ្លួនផងប្រមាណ២០នាក់ ចេញទៅច្រៀងនៅប្រទេសវៀតណាម ក្នុងកម្មវិធីតន្ត្រីលក់សំបុត្រធំមួយដែលរៀបចំនៅខេត្តព្រះត្រពាំង ដែនដីខ្មែរកម្ពុជាក្រោមក្នុងឱកាសបុណ្យចូលឆ្នាំ។ នេះជាការចេញច្រៀងលើកទី១ ដែលលោកបានជាន់ទឹកដីដែលសម្បូរដោយពលរដ្ឋខ្មែររស់នៅក្នុងប្រទេសវៀតណាម ដោយក្រៅពីលោកក៏មានតារាចម្រៀងល្បីឈ្មោះជាច្រើនទៀតទៅជាមួយផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
