សេរីភាពសារព័ត៌មាន គឺជាសសរស្ដម្ភទី៤ក្នុងសង្គម ដែលដើរតាមមាគ៌ាប្រជាធិបតេយ្យ ដើម្បីលើកកម្ពស់សិទ្ធិមនុស្ស និងតាមដានតួអង្គកាន់អំណាចផ្សេងទៀតឱ្យមានតុល្យភាព និងតម្លាភាពក្នុងសង្គម។
ក្រុមអង្គការសង្គមស៊ីវិលសម្ដែងការខកចិត្តចំពោះក្រសួងមហាផ្ទៃដែលបដិសេធញត្តិទាមទារឱ្យអាជ្ញាធរបន្ដការស៊ើបអង្កេតដោយឯករាជ្យនិងតម្លាភាព ចំពោះករណីឃាតកម្មលោក ឈុត វុទ្ធី ដែលត្រូវបានគេបាញ់សម្លាប់នៅខេត្តកោះកុងកាលពី១០ឆ្នាំមុន។
ពលរដ្ឋមួយចំនួនលើកឡើងថា ដីរមណីយដ្ឋានទន្លេបាទីកាន់តែរួមតូច ដោយសង្ស័យថាមានអ្នកមានអំណាចបានចាក់ដីលុបតាមមាត់ច្រាំងទន្លេ ដើម្បីយកមកធ្វើជាកម្មសិទ្ធិផ្ទាល់ខ្លួន និងគ្មានការអើពើពីសំណាក់អាជ្ញាធរឡើយ។
យុវជនមួយចំនួនមកពីតាមបណ្ដាខេត្តនៅតែប្ដេជ្ញាចូលរួមសកម្មភាពសង្គមជាតិ បើទោះបីស្ថានភាពសិទ្ធិមនុស្សនិងនយោបាយនៅកម្ពុជាត្រូវបានគេរិះគន់ថាបានដើរថយក្រោយ និងគំរាមកំហែងអ្នកដែលហ៊ានបញ្ចេញសំឡេងប្រឆាំង។
អង្គការសង្គមស៊ីវិលអំពាវនាវឱ្យមានការដោះលែងនិងទម្លាក់បទចោទលើសកម្មជនដីធ្លីនិងបរិស្ថាននៅតាមបណ្ដាខេត្ត ដើម្បីឱ្យពួកគេមានសេរីភាពឡើងវិញ ប៉ុន្តែមន្ត្រីរដ្ឋាភិបាលថា ការស្នើឱ្យលើកលែងទោសនេះគឺជារឿងខុសច្បាប់។
កម្មករ-កម្មការិនីរោងចក្រមួយនៅរាជធានីភ្នំពេញ ទាមទារឱ្យរោងចក្រ ស៊ីនហាវស៊ុន ស្ថិតនៅភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ ទទួលយកតំណាងរបស់ពួកគេចូលធ្វើការវិញ និងគោរពតាមច្បាប់ការងារឱ្យបានត្រឹមត្រូវ។
អាជ្ញាធរស្រុកកណ្ដាលស្ទឹង ខេត្តកណ្ដាល និងមន្ដ្រីជំនាញ បានចុះវាស់វែងនិងសម្របសម្រួលជាមួយពលរដ្ឋមានជម្លោះដីធ្លីពាក់ព័ន្ធនឹងគម្រោងព្រលានយន្ដហោះថ្មី បន្ទាប់ពីមានការតវ៉ារហូតមានការប៉ះទង្គិចគ្នា និងចាប់ពលរដ្ឋដាក់ពន្ធនាគារ។
កម្មករធ្វើការនៅរោងចក្រមួយក្នុងខេត្តស្វាយរៀង អះអាងថា ពួកគេរងការគំរាមកាត់ប្រាក់ខែនិងបណ្ដេញចេញពីការងារ បន្ទាប់ពីពួកគេត្រូវបានអនុញ្ញាតឈប់សម្រាកពេលបុណ្យភ្ជុំ ប៉ុន្ដែបែរជារោងចក្រប្រើមូលហេតុនេះគំរាមបណ្ដេញពួកគេចេញពីការងារ។
អង្គការសង្គមស៊ីវិលបន្ដជំរុញឱ្យរដ្ឋាភិបាលពន្លឿនដំណើរការធ្វើច្បាប់ស្ដីពី«សិទ្ធិទទួលព័ត៌មាន» ដើម្បីឱ្យអ្នកសារព័ត៌មាននិងសាធារណជនអាចទទួលបានព័ត៌មានកាន់តែទូលំទូលាយ ខណៈច្បាប់នេះបានអូសបន្លាយជាច្រើនឆ្នាំមកហើយ។
ពលរដ្ឋនៅស្រុកឈូក ខេត្តកំពត អះអាងថា ឈ្មួញបានឈូសឆាយវាទីទៅលើដីស្រែចម្ការដែលពួកគេអាស្រ័យផល និងថែមទាំងធ្វើសកម្មភាពគំរាមកំហែងលើពលរដ្ឋ ដើម្បីរកដីទុកឱ្យក្រុមហ៊ុនចូលមកអភិវឌ្ឍ ហើយក៏បានចោទអាជ្ញាធរថាជាប់ពាក់ព័ន្ធនឹងការបញ្ជាក់លិខិតទិញលក់ដីខុសប្រក្រតីផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
