អ្នកឃ្លាំមើលលើកឡើងថា ការដែលសហរដ្ឋអាមេរិកផ្ដល់ពានការពារសិទ្ធិមនុស្សសកលឱ្យកញ្ញា ឈឹម ស៊ីថរ ហាក់ជាសាររំឭកឱ្យរដ្ឋាភិបាលកម្ពុជាបំពេញកាតព្វកិច្ច អនុវត្តគោលការណ៍សិទ្ធិមនុស្សសកល ដើម្បីបើកលំហប្រជាធិបតេយ្យឡើងវិញ និងការពារផលប្រយោជន៍ជាតិ។
ក្រសួងការបរទេស និងសហប្រតិបត្តិការអន្តរជាតិ ចាត់ទុកការផ្ដល់ពានអ្នកការពារសិទ្ធិមនុស្ស ឆ្នាំ២០២២ ដោយក្រសួងការបរទេសអាមេរិកដល់កញ្ញា ឈឹម ស៊ីថរ គឺជាការផ្តល់ទៅឱ្យបុគ្គលល្មើសច្បាប់ និងមិនមែនជាមធ្យោបាយស្របច្បាប់សម្រាប់ការពារខ្លួនកញ្ញា ឈឹម ស៊ីថរ នៅក្នុងតុលាការនោះឡើយ។
ក្រសួងការបរទេសសហរដ្ឋអាមេរិក ប្រកាសផ្ដល់ពានអ្នកការពារសិទ្ធិមនុស្សប្រចាំឆ្នាំ ដល់ថ្នាក់ដឹកនាំសហជីពក្រុមហ៊ុនណាហ្គាវើលដ៍ កញ្ញា ឈឹម ស៊ីថរ ខណៈកញ្ញាកំពុងជាប់ពន្ធនាគារព្រៃស។
សមាគមគ្រូបង្រៀនកម្ពុជាឯករាជ្យ បានហែធម្មយាត្រាថ្មើរជើងចេញពីរាជធានីភ្នំពេញ នៅព្រឹកថ្ងៃទី១ ខែកុម្ភៈនេះ ឆ្ពោះទៅខេត្តចំនួន៤ ដោយអះអាងថា ដើម្បីជំរុញការលើកកម្ពស់សីលធម៌សង្គម ខណៈបារម្ភថា បើមនុស្សចាស់គ្រប់លំដាប់ថ្នាក់នៅតែបន្តប្រើភាសាអសុរោះ មិនរួបរួមសាមគ្គីគ្នាដូចមួយរយៈកាលចុងក្រោយនេះ នោះយុវជនបន្តវេននឹងយកគំរូតាម ដែលអាចឱ្យសង្គមជាតិធ្លាក់ទៅក្នុងគ្រោះមហន្តរាយ។
សាលាដំបូងរាជធានីភ្នំពេញ មិនអនុញ្ញាតឱ្យមេដឹកនាំសហជីព កញ្ញា ឈឹម ស៊ីថរ នៅក្រៅឃុំបណ្ដោះអាសន្ន ទោះបីជាក្រុមមេធាវី លើកសំអាងថា ការចាប់និងឃុំខ្លួនកូនក្ដីរបស់ខ្លួនជាថ្មីនេះ ជាការបំពាន និងអនុវត្តលើសនីតិវិធីច្បាប់។
បុគ្គលិកកាស៊ីណូណាហ្គាវើលដ៍ដែលកំពុងធ្វើកូដកម្ម ប្រមាណជិត១០០នាក់ បានបន្តប្រមូលផ្ដុំគ្នាតវ៉ានៅមុខក្រុមហ៊ុនជាថ្មីទៀត នៅថ្ងៃសុក្រនេះ ទាមទារឱ្យមានដំណោះស្រាយវិវាទការងារដែលអូសបន្លាយជាង១ឆ្នាំ។
ក្រុមកូដករណាហ្គាវើលដ៍ប្រមាណ ៥០នាក់ ប្រមូលផ្តុំគ្នាបង្ហោះប៉ោងៗនៅពីមុខពន្ធនាគារព្រៃស រាជធានីភ្នំពេញ ដោយថា ដើម្បីបញ្ជាក់ទៅកាន់ក្រសួងការងារ និងស្ថាប័នពាក់ព័ន្ធ ចំពោះជំហរបន្តធ្វើកូដកម្មរហូតដល់មានដំណោះស្រាយ និងទាមទារដោះលែងប្រធានសហជីព កញ្ញា ឈឹម ស៊ីថរ ព្រមទាំងទម្លាក់រាល់បទចោទប្រកាន់នានា។
បុគ្គលិកកាស៊ីណូណាហ្គាវើលដ៍ដែលកំពុងធ្វើកូដកម្ម ទទូចរដ្ឋាភិបាលបំពេញតួនាទីរបស់ខ្លួនជាអ្នកបម្រើរាស្ត្រ ដោះស្រាយបញ្ចប់វិវាទការងាររវាងកម្មករនិងថៅកែ មុនការបោះឆ្នោតមកដល់ ដើម្បីបញ្ចៀសផលប៉ះពាល់ជីវភាពកម្មករ ព្រមទាំងមុខមាត់រដ្ឋាភិបាល ដោយថា បើពួកគាត់បានដំណោះស្រាយ នោះពួកគេនឹងសម្រេចចិត្តលើសន្លឹកឆ្នោតទៅតាមនោះដែរ។
មេធាវីការពារក្ដីឱ្យមេដឹកនាំសហជីពក្រុមហ៊ុនណាហ្គាវើលដ៍ កញ្ញា ឈឹម ស៊ីថរ ថាកូនក្ដីរបស់ខ្លួនមិនបានទទួលដីកាដែលបញ្ជាក់ថាមិនឱ្យចេញទៅក្រៅប្រទេសនោះទេ មុនពេលកញ្ញា ឈឹម ស៊ីថរ ត្រូវបានសមត្ថកិច្ចចាប់ឃុំខ្លួនជាថ្មី។
តុលាការសម្រេចបន្តឃុំខ្លួនប្រធានសហជីព កញ្ញា ឈឹម ស៊ីថរ ក្រោមហេតុផលថា សំណុំរឿងរបស់កញ្ញាត្រូវបានបញ្ជូនទៅជំនុំជម្រះ ដោយចោទប្រកាន់ពីបទ «បំពានលើបម្រាមដាក់ឱ្យស្ថិតក្រោមការត្រួតពិនិត្យរបស់តុលាការ» ខណៈសង្គមស៊ីវិលថា ការសម្រេចនេះជារឿងមិនត្រឹមត្រូវ ព្រោះនេះមិនមែនជាកំហុសរបស់កញ្ញា ឈឹម ស៊ីថរ ទេ តែជាកំហុសនីតិវិធីរបស់តុលាការ ដែលមិនបានផ្តល់ដំណឹងពាក់ព័ន្ធដីកាដាក់ក្រោមការត្រួតពិនិត្យរបស់តុលាការទៅកញ្ញា និងមេធាវី។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
