នៅពេលដែលកញ្ញា សូ មេត្តា បានផ្ដើមចូលរួមធ្វើបាតុកម្មជាមួយក្រុមសកម្មជនមួយក្រុមដែលមានឈ្មោះថា ខ្មែរថាវរៈ កញ្ញាបានគិតទៅដល់ពាក្យមួយឃ្លាពីអ្នកវិភាគសង្គមម្នាក់ដែលបាត់បង់ជីវិតទៅហើយនោះគឺលោក កែម ឡី ដែលលោកបាននិយាយថា ចំពោះបុគ្គលដែលដាក់ខ្លួនធ្វើការងារសង្គមក្នុងប្រទេសកម្ពុជា នឹងទទួលបានទិដ្ឋាការមួយក្នុងចំណោម៣ដែលក្នុងនោះមានរត់ចោលស្រុក ជាប់គុក ឬស្លាប់។
