ប្រជាពលរដ្ឋរស់នៅក្នុងតំបន់រមណីយដ្ឋានអង្គរ ដែលតម្រូវឱ្យប្ដូរទៅរស់នៅតំបន់ធម្មជាតិរុនតាឯក បាននាំគ្នាំមកសាលាឃុំព្រះដាក់ ស្ថិតនៅស្រុកបន្ទាយស្រី ខេត្តសៀមរាប ដើម្បីមកជួបជាមួយរដ្ឋមន្ត្រីក្រសួងដែនដី លោក ជា សុផារ៉ា ពាក់ព័ន្ធនឹងការផ្លាស់ប្ដូរនេះ ថ្ងៃទី០៧ ខែតុលា ឆ្នាំ២០២២។
ប្រជាពលរដ្ឋមានជម្លោះដីធ្លីប្រមាណ១ ០០០នាក់ មកពីខេត្តកោះកុង និងខេត្តកំពង់ស្ពឺ បានប្រមូលផ្ដុំគ្នាដាក់ញត្តិនៅតាមក្រសួងស្ថាប័នថ្នាក់ជាតិមួយចំនួន ដើម្បីស្នើឱ្យពន្លឿនការដោះស្រាយរឿងដីធ្លី និងអន្តរាគមន៍ឱ្យមានការទម្លាក់ចោលការចោទប្រកាន់លើតំណាងពួកគេដែលជាប់បណ្ដឹងនៅតុលាការដោយសាររឿងតវ៉ាដីធ្លី ថ្ងៃទី០៦ ខែកញ្ញា ឆ្នាំ២០២២។
ប្រជាពលរដ្ឋរស់នៅជាប់បឹងតាមោកដែលមានវិវាទដីធ្លី រស់នៅភូមិសំរោងត្បូង សង្កាត់សំរោងត្បូង បាននាំគ្នាប្រមូលផ្តុំឈរលើកបដា និងរូបថតលោកនាយករដ្ឋមន្ត្រី ហ៊ុន សែន និងភរិយា នៅម្ដុំវត្តបទុមវតី ជិតខុទ្ទកាល័យនាយករដ្ឋមន្ត្រី ទាមទារដំណោះស្រាយដីធ្លី ព្រឹកថ្ងៃទី៣០ ខែមិថុនា ឆ្នាំ២០២២។
ប្រជាពលរដ្ឋរស់នៅជាប់បឹងតាមោកជិត១០០នាក់ តំណាងពលរដ្ឋ២៥០គ្រួសារ រស់នៅភូមិសំរោងត្បូង សង្កាត់សំរោងត្បូង បាននាំគ្នាប្រមូលផ្តុំឈរលើកបដា និងរូបថតលោកនាយករដ្ឋមន្ត្រី ហ៊ុន សែន និងភរិយា នៅក្នុងសហគមន៍របស់ពួកគេ ដើម្បីទាមទារទៅអាជ្ញាធរខណ្ឌព្រែកព្នៅ ចេញបណ្ណកម្មសិទ្ធិ និងធ្វើសៀវភៅស្នាក់នៅជូនពួកគាត់ ព្រឹកថ្ងៃទី២៣ ខែមិថុនា ឆ្នាំ២០២២។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
