ខ្មែរ​​ក្រោម​​រំឭក​​ប្រវត្តិ​សាស្ត្រ​​ឱ្យ​​យុវជន​​ចេះ​​ការ​ពារ​​ទឹក​ដី​​កុំ​ឱ្យ​​បាត់​​ដូច​​កម្ពុ​ជា​​ក្រោម

អង្គការ-សមាគមខ្មែរកម្ពុជាក្រោម បាន​ក្រើន​រំឭកដល់កូនខ្មែរទាំងអស់ ត្រូវ​ចង​ចាំនូវវីរភាពរបស់បុព្វបុរសខ្មែរក្រោម និងត្រូវតស៊ូមតិដើម្បីការពារសិទ្ធិ និងអត្តសញ្ញាណរបស់ខ្លួន ព្រមទាំងការ​ពារ​បូរណ​ភាព​ទឹកដីកម្ពុជាពីបរទេសជិតខាងឈ្លានពាន ដើម្បីកុំឱ្យដានប្រវត្តិ​​សាស្ត្រ​​នៃការបាត់បង់ទឹកដីកម្ពុជាក្រោម កើតឡើងជាថ្មីលើទឹកដីកម្ពុជាបច្ចុប្បន្ន។

ពលរដ្ឋ​​​ក្រុង​​បាត់ដំបង​​​រង​សម្ពាធ​​ផ្លូវ​​ចិត្ត​​ធ្ងន់​ធ្ងរ​​ដោយ​សារ​​វិបត្តិ​​ផ្លូវ​​ខូច​​អូស​​បន្លាយ​​ជាង​​៥​ឆ្នាំ

ស្ថានភាពផ្លូវថ្នល់ពោរពេញដោយជង្ហុកដក់ទឹកនារដូវវស្សា និងដីហុយទ្រលោមនៅ​រដូវប្រាំង កំពុងបង្កផលប៉ះពាល់យ៉ាង​ខ្លាំងដល់សុខភាពផ្លូវចិត្ត សុខុមាលភាព និងជីវភាពរស់នៅរបស់ពលរដ្ឋក្នុងក្រុងបាត់ដំបង ខណៈគម្រោងស្ថាបនាផ្លូវឡើងវិញ ក្រោមជំនួយរបស់ធនាគារអភិវឌ្ឍន៍អាស៊ី (ADB) នៅតែបន្តយឺតយ៉ាវ។

អ្នកចាញ់​បោក​​អតីត​​ឧកញ៉ា​ ហ៊ី​ គឹមហុង​ ស្លាប់​​កើន​ឡើង​​ជាង​​៤០​​នាក់​ ដោយ​សារ​​វិបត្តិ​​បំណុល​

ក្រុមអ្នកចាញ់បោកក្រុមហ៊ុន ពិភពដីមាស របស់អតីតឧកញ៉ា ហ៊ី គឹមហុង ទម្លាយឱ្យដឹងពីគម្រោងចេញតវ៉ាជាថ្មីទៀត ដើម្បីជំរុញឱ្យសាលាឧទ្ធរណ៍ពន្លឿនវិធានការទៅលើមេឆបោក ឱ្យសងលុយជាង ៣៣លានដុល្លារវិញ ដោយសំអាងថា វិបត្តិបំណុលជាង ៣ឆ្នាំមកនេះ បង្កឱ្យមាន​អ្នកស្លាប់ជាបន្តបន្ទាប់រហូតជាង ៤០នាក់។

អាមេរិក​​បន្ត​​ដាក់​​ទណ្ឌ​កម្ម​​បណ្តាញ​​ព្រីនស៍​​គ្រុប ខណៈ​​កម្ពុជា​​​មិន​​អើពើ​​ចាត់​ការ​​អ្នក​​ពាក់​ព័ន្ធ

បណ្ដាញឆបោកដ៏ធំពាក់ព័ន្ធនឹងទីប្រឹក្សា​លោក ហ៊ុន សែន គឺលោក ចេន ហ្ស៊ី (Chen Zhi) ដែលជាស្ថាបនិកឧក្រិដ្ឋកម្មឆ្លងដែនព្រីនស៍គ្រុប (Prince Group) បានរាលដាលកាន់តែធំ បន្ទាប់​ពី​ក្រសួងរតនាគារអាមេរិក ប្រកាសដាក់ទណ្ឌ​កម្ម​លើបុគ្គល ៤ នាក់ និងក្រុមហ៊ុន ៤១។

តុលាការ​ខេត្ត​តាកែវ ឃុំខ្លួន​អធិការរង​ម្នាក់ ពាក់ព័ន្ធ​នឹង​បទ​ប្រើប្រាស់ និង​ជួញដូរ​គ្រឿងញៀន

សាលាដំបូង​ខេត្ត​តាកែវ បាន​បង្គាប់​ឱ្យ​ឃុំខ្លួន​អធិការរង​ស្រុក​អង្គរបូរី ពាក់ព័ន្ធ​នឹង​ករណី​ជួញដូរ និង​ប្រើប្រាស់​ដោយ​ខុសច្បាប់​នូវ​សារធាតុ​ញៀន។ នេះ​បើ​តាម​​សេចក្តី​បំភ្លឺ​ព័ត៌មាន​របស់​ស្នងការ​ដ្ឋាន​​នគរបាល​​ខេត្ត​តាកែវ ចុះ​ថ្ងៃទី​០៤ ខែ​វិច្ឆិកា ឆ្នាំ​២០២៦។

សំណុំរឿង «ចឹង ចាវ» នៅ​តុលាការ​អាមេរិក ត្រូវ​គេ​ទាញ​សញ្ញា​​អាសន្ន​​សម្រាប់​​លោក ហ៊ុន ម៉ាណែត

ការធ្វើបត្យាប័នជនជាតិចិនឈ្មោះ ចឹង ចាវ (Zheng Zhao) អាយុ ៤៤ ឆ្នាំ ពីប្រទេស​ហូឡង់ ទៅកាន់តុលាការសហព័ន្ធ​អាមេរិក​ក្នុងរដ្ឋកាលីហ្វ័រញ៉ា ក្រោមបទចោទប្រកាន់ពីបទលាងលុយកខ្វក់ និងឆបោកគ្រីបតូ ដែលមានគណនីចុងក្រោយនៅកម្ពុជា បានក្លាយជាក្ដីបារម្ភថ្មីទៀតនៃសញ្ញាអាសន្ន សម្រាប់​​រដ្ឋាភិបាលរបស់លោក ហ៊ុន ម៉ាណែត។

ប្រព័ន្ធ​​យុត្តិធម៌​​កម្ពុជា​​បន្ត​​ស្ថិត​​នៅ​​ជិត​​បាត​​តារាង តែ​​រដ្ឋាភិ​បាល​​​ថា​​មិន​​ឆ្លុះ​​បញ្ចាំង​​ពី​​ការ​​ពិត

មិនខុសពីឆ្នាំមុនៗ កម្ពុជាបន្តស្ថិតក្នុងចំណោមប្រទេសដែលមានចំណាត់ថ្នាក់ទាបបំផុត លើសន្ទស្សន៍នីតិរដ្ឋឆ្នាំ២០២៦ ដោយស្ថិតនៅលេខរៀងទី ១៤០ ក្នុងចំណោម ១៤៣ ប្រទេស។ នេះបើយោងតាមសន្ទស្សន៍ប្រចាំឆ្នាំរបស់គម្រោង​យុត្តិ​ធម៌​ពិភពលោក (World Justice Project) ដែលចេញផ្សាយនៅចុងខែតុលា ឆ្នាំ២០២៦ នេះ។

ក្រសួង​ប្រាប់​ពី​យន្តការ​ប្រើ​ប្រព័ន្ធ​ឌីជីថល​​កែ​តម្រូវ​​ទិន្ន​​ន័យ​អត្រា​​នុកូលដ្ឋាន ក្រោយ​​រង​​ការ​រិះគន់

អគ្គនាយកដ្ឋានអត្តសញ្ញាណកម្ម នៃក្រសួងមហាផ្ទៃ បានឱ្យដឹងថា ចាប់ពី​ដើម​ឆ្នាំ​២០២៧ ទៅ យន្តការកែតម្រូវទិន្នន័យអត្រានុកូលដ្ឋានតាមប្រព័ន្ធ​ឌីជីថល នឹងត្រូវធ្វើឡើងទាំងក្នុងរាជ​ធានី និងតាមបណ្តាខេត្ត ដើម្បីឆ្លើយ​តប​ទៅ​នឹងតម្រូវការរបស់ប្រជាពលរដ្ឋ។

អាណាចក្រ​​ស្កេម​​​អនឡាញ​​ព្រីនស៍ គ្រុប ត្រូវ​​​គេ​​ជឿ​​ថា​​មិន​​អាច​​​កើត​​ឡើង​​ដោយ​​គ្មាន​​អ្នក​​មាន​​អំណាច

ហោចណាស់មានក្រុមហ៊ុនចំនួន ៩៨ ក្រុម​ហ៊ុន ដែលបានចុះបញ្ជីក្នុងប្រទេស​កម្ពុជា មានទំនាក់ទំនងជាមួយសម្ព័ន្ធក្រុមហ៊ុន ព្រីនស៍ គ្រុប (Prince Group) ដែលជាអង្គការឧក្រិដ្ឋកម្មឆបោកតាមប្រព័ន្ធអនឡាញដ៏ធំមួយក្នុងពិភពលោក។ នេះបើយោងតាម លោក ឆៃ ស៊ីណារិទ្ធ ប្រធានលេខាធិការដ្ឋាននៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) ប្រាប់ទៅកាន់បណ្ដាញ​សារ​ព័ត៌​​មាន​ក្នុងស្រុក នៅថ្ងៃ​ទី២១ ខែតុលា ឆ្នាំ២០២៦។

ការ​ប្រកាស​​ស៊ើប​​អង្កេត​​លើ​​មន្ត្រី​​ជាន់​​ខ្ពស់ ពាក់​ព័ន្ធ​​ឧក្រិដ្ឋ​កម្ម​​ឆបោក​​មិន​​ទាន់​​ផ្តល់​​ជំនឿ​​ដល់​​អ្នក​​តាម​ដាន

ការដែលក្រសួងមហាផ្ទៃបង្ហាញឆន្ទៈពីដំណើរការស៊ើបអង្កេតលើឧក្រិដ្ឋកម្មឆបោក​អនឡាញខ្នាតធំ នៅខេត្តកោះ​កុង ដែល​គេរកឃើញថា ពាក់ព័ន្ធជាមួយសែស្រឡាយលោក យឹម ឆាយលី នោះ ត្រូវបានក្រុមអ្នករិះគន់ចាត់ទុកថា ជាល្ខោននយោបាយ ដើម្បីបិទបាំងកំហុស​​មេដឹកនាំ ដរាបណាច្បាប់នៅតែមិនហ៊ានកាត់ទោសកំហុសមេដឹកនាំ។

VODEnglish.news

VODEnglish.news

Everybody Well-Informed, Everybody Empowered

ព័ត៌មានវីអូឌីថ្មីៗ