ចាប់ពីម៉ោង ៥ព្រឹកព្រលឹម រហូតដល់ម៉ោង ១០ព្រឹក អាជីវករខេត្តស្ទឹងត្រែងកំពុងមមាញឹកលក់ត្រី ដែលអ្នកនេសាទចាប់បានពីដងទន្លេមេគង្គនៅខេត្តស្ទឹងត្រែង។ រីឯត្រីខ្លះទៀត អ្នកនេសាទចាប់បានពីទន្លេសេកុង ទន្លេសេសាន និងទន្លេស្រែពក មកដាក់លក់ផ្តុំគ្នានៅផ្សារសាមគ្គីក្រុងស្ទឹងត្រែង។
សំឡេងឯកចេញពីខ្លែង ប្រៀបដូចជាបក្សីយំប្រដេញគ្នាពាសពេញផ្ទៃអាកាស នៅលើវាលយន្តហោះចាស់ខេត្តសៀមរាប កំពុងធ្វើឱ្យភ្ញៀវទេសចរងើយមើលទៅលើមេឃដោយមិនប្រិចភ្នែក។ អ្នកទស្សនាស្ទើរគ្រប់ដៃកាន់ទូរសព្ទថតរូប និងវីដេអូភ្ជាប់នឹងខ្លែងឯកខ្មែរ បង្ហាញទឹកមុខញញឹមរាក់ទាក់ហាក់ជាសញ្ញានៃការសាមគ្គី ស្រឡាញ់សន្តិភាព និងផ្ដល់តម្លៃវប្បធម៌ខ្មែរបន្សល់ពីបុរាណមក។
ថៃឈ្លានពានដីខ្មែរ តាមបណ្ដោយព្រំដែនជាង ៤០ទីតាំង ក្រោយសង្គ្រាម ២១ថ្ងៃកន្លងមក ជាប្រធានបទមួយ ក្នុងចំណោមប្រធានបទផ្សេងៗទៀត ដែលក្រុមយុវជនរស់នៅតាមបណ្តាខេត្ត/ក្រុងមួយចំនួន ជជែកវែកញែកសួរដេញដោលគ្នា សម្ដែងមតិក្នុងបំណងរកមធ្យោបាយជំរុញឱ្យភាគីពាក់ព័ន្ធដោះស្រាយ ទាមទារដីខ្មែរដែលសៀមឈ្លានពានត្រឡប់មកវិញឱ្យបានឆាប់។
ការតស៊ូក្នុងជីវិតដោយសុចរិត ជាតម្លៃមួយរបស់មនុស្សគ្រប់ៗរូប ដែលមិនខុសពីពលរដ្ឋខ្មែរជាច្រើន កំពុងរស់នៅក្នុងស្ថានភាពលំបាក អ្នកស្រី នេត សុភាព ជាស្ត្រីពិការជើងពីកំណើត ក៏កំពុងជំនះនឹងភាពលំបាកដូចគ្នានេះ ដោយទទួលបន្ទុកមើលថែកូន និងប្តីដែលរងគ្រោះពីការងារសំណង់។
តង់ពណ៌ខៀវតម្រៀបគ្នាស្ទើរតែគ្រប់ច្រកល្ហកពាសពេញបរិវេណវត្តចាន់ស៊ី (វត្តចាន់ស៊ីរតនារាម) ក្នុងស្រុកអូរជ្រៅ បានក្លាយជាជំរំបណ្ដោះអាសន្នរបស់មនុស្សរាប់ពាន់នាក់ ដែលជាជនភៀសសឹកមកពីភូមិព្រៃចាន់ និងភូមិជោគជ័យ។
គ្រួសារយុទ្ធជនពលីនៅខេត្តព្រះវិហារ ព្រួយបារម្ភពីសម្ពាធបំណុល ហើយគ្មានលទ្ធភាពសងបំណុលធនាគារ ក្រោយពីប្តីដែលជាកងទ័ពជួរមុខ ច្បាំងជាមួយទ័ពសៀមដោយត្រូវផ្សែងពុលធ្លាក់ខ្លួនឈឺធ្ងន់ កាលពីខែធ្នូ ឆ្នាំ ២០២៥ ទើបតែបាត់បង់ជីវិតកាលពីថ្ងៃទី១៥ ខែមករា ឆ្នាំ២០២៦។
ដំណាំស្វាយកែវរមៀត បានក្លាយជាមុខរបរស្នូលមួយរបស់កសិករខេត្តកំពតមួយចំនួន ដែលមានដីទុកចោល ហើយខ្វះលទ្ធភាពធ្វើដំណាំទុរេន ឬម្រេច ដែលជាដំណាំដ៏ល្បីល្បាញ និងមានទីផ្សារខ្ពស់ តែវិបត្តិទីផ្សារ ធ្វើឱ្យតម្លៃស្វាយនៅខេត្តកំពតនេះចុះថោកខ្លាំង ដូចបណ្ដាខេត្តផ្សេងៗដែរ។
រដូវដាំដុះដើមឆ្នាំឈានមកដល់ ពលរដ្ឋនៅស្រុកចុងកាល់ កំពុងញាប់ដៃញាប់ជើងកាប់គាស់ដីចម្ការដំឡូង ចម្ការពោត ត្រៀមបង្កបង្កើនផលតាមទម្លាប់។
គំនូរមួយផ្ទាំងបានរំលេចពីសង្គ្រាមដែលថៃឈ្លានពានកម្ពុជា កំពុងទាញការចាប់អារម្មណ៍ពីភ្ញៀវទេសចរជាតិ អន្តរជាតិ និងក្រុមយុវជននៅតំបន់អង្គរ។ ក្រុមវិចិត្រករចាត់ទុកគំនូរនេះ ជាសារដាស់ស្មារតីឱ្យយុវជនខ្មែរ ខំប្រឹងសិក្សាពង្រឹងសមត្ថភាព ដើម្បីអភិវឌ្ឍន៍ប្រទេសឱ្យរីកចម្រើនខ្លាំងនៅថ្ងៃអនាគត និងការពារទឹកដី ប្រសិនបើជាតិយើងខ្សោយបរទេសនឹងលេបយកទឹកដី បង្កទុក្ខវេទនាដល់ពលរដ្ឋ មិនខុសពីរូបគំនូរនេះឡើយ។
ទំនប់វារីអគ្គិសនីសេសានក្រោម២ នៅខេត្តស្ទឹងត្រែង អាចផលិតថាមពលអគ្គិសនីបានជាមធ្យម ៤០០មេហ្គាវ៉ាត់ ចូលរួមចំណែក ២០ភាគរយ នៃសមត្ថភាពដំឡើងអគ្គិសនីសរុបនៅកម្ពុជា។ រដ្ឋាភិបាលបានហៅគម្រោងនេះថាជាគម្រូថាមពលបៃតង ដែលសាងសង់រួមគ្នាដោយចិន និងកម្ពុជា ក្រោមគំនិតផ្តួចផ្តើមខ្សែក្រវ៉ាត់ និងផ្លូវ BRI។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
