អ្នកឃ្លាំមើលការអភិវឌ្ឍសង្គម ហាក់គ្មាន​ជំនឿថា គម្រោងវិនិយោគសំណង់អគារ​ពាណិជ្ជកម្មធំៗ នៅខេត្តព្រះសីហនុ នឹង​រីកស្គុះស្គាយ ដូចពេលមុនទៀតទេ ដោយសំអាងពីកត្តាសេដ្ឋកិច្ច និងអសន្តិ​សុខ​ក្នុងខេត្តនេះ បើទោះបីមន្ត្រីរដ្ឋាភិ​បាល​អះអាងថា អគារជាប់គាំង ៣៦​ភាគ​រយ ត្រូវបានដោះស្រាយឱ្យដំណើរការ ដែល​ជាការដោះស្រាយបន្ទុកអ្នកវិនិ​យោគ​ក៏ដោយ។

សេដ្ឋកិច្ចកម្ពុជាក្នុងឆ្នាំ២០២៦ ស្ថិតក្នុងរបត់ដ៏សំខាន់មួយ ដែលទាមទារឱ្យមានការបង្កើនភាពធន់ដើម្បីទប់ទល់នឹងសម្ពាធ​​ពីខាងក្រៅ និងបញ្ហារចនាសម្ព័ន្ធផ្ទៃក្នុង។ បន្ទាប់ពីដំណាក់កាលងើបឡើងវិញក្រោយវិបត្តិកូវីដ កំណើនសេដ្ឋកិច្ចជាតិ​បានចាប់ផ្តើមថយចុះគួរ​ឱ្យ​កត់​សម្គាល់ ដែលជាកត្តាបង្ខំឱ្យមានការពិនិត្យ​​ឡើងវិញជាយុទ្ធសាស្ត្រលើក្របខ័ណ្ឌ​សារពើពន្ធ និងរដ្ឋបាលសាធារណៈ។

វិធានប្រមូលពន្ធលើប្រាក់ចំណេញមូល​ធន​២០ភាគរយ ដែលរដ្ឋាភិបាលថានឹងចាប់ផ្តើមអនុវត្តចាប់ពីដើមឆ្នាំ​២០២៦​ទៅ កំពុងក្លាយជាក្តីបារម្ភថា វានឹងមិនជោគជ័យទេ ហើយថាអាចនឹងប៉ះពាល់ជាប្រព័ន្ធ ខណៈសេដ្ឋកិច្ចកម្ពុជាកំពុង​ជួប​វិបត្តិ​នៅឡើយនោះ។

ឧកញ៉ា ឡេង ណាវ៉ាត្រា ដែលគេស្គាល់ថា ស្និទ្ធនឹងគ្រួសារហ៊ុននោះ រងការចោទថា កំពុងប្រើល្បិចចាស់ បោកអតិថិជនថ្មី ធ្វើទីផ្សារលក់ដីក្នុងតម្លៃថោក ដែលការណ៍នេះ ជនរងគ្រោះថា ធ្វើឱ្យពួកគេជួបវិបត្តិបំណុលជាង៣ឆ្នាំ ដោយ​សារ​បង់​លុយ​គ្រប់ តែ​ក្រុមហ៊ុន​គ្មានផ្ទះឱ្យ។

ជនរងគ្រោះ ទាមទារឱ្យគ្រួសារហ៊ុន ពន្លឿន​វិធានរឹបអូសទ្រព្យសម្បត្តិអតីតឧកញ៉ា ឡេង ចាន់ណា ដើម្បី​យក​លុយ​មក​សង​ពួកគេជាង ៧ពាន់គ្រួសារ ដែលបានរស់នៅក្រោមសម្ពាធបំណុលជាង​១ឆ្នាំ​ទៅនេះ ដោយសំអាងថា ប្រព័ន្ធតុលាការមិនអាចការពារយុត្តិធម៌ឱ្យពួកគេបាន។

អាជ្ញាធរខេត្តព្រះសីហនុ បានចេញបកស្រាយថា កោះឫស្សីត្រូវបានរដ្ឋាភិបាលចុះកិច្ចសន្យាជួលឱ្យក្រុមឯកជនចំនួនពីរ ធ្វើការវិនិយោគ លើទំហំដីជិត​៨០​ហិកតា មិនមែនជន​​ជាតិវៀតណាម ចូលមករស់នៅក្នុងដែនអធិបតេយ្យភាពរបស់កម្ពុជា ដូចការចុះផ្សាយលើបណ្តាញសង្គមនោះទេ។