ធនាគារជាតិនៃកម្ពុជា ក្រើនរំឭកដល់អ្នកប្រើប្រាស់បណ្តាញសង្គម និងសាធារណ​ជនថា ការបំប្លែងរូបភាព រួមទាំងការសរសេរលើក្រដាសប្រាក់រៀល ថាជាការប្រមាថដល់ប្រទេស និងប្រជាជាតិកម្ពុជាទាំងមូល ខណៈដែលច្បាប់ស្តីពីការរៀបចំនិងការប្រព្រឹត្តទៅនៃធនាគារជាតិនៃកម្ពុជា ក៏មានចែងពីការផ្តន្ទាទោសដាក់ពន្ធនាគារពី ២០ឆ្នាំ ដល់អស់មួយជីវិតផងដែរ ចំពោះការក្លែងក្រដាស​​ប្រាក់ ឬកាសដែលជារូបិយវត្ថុរបស់កម្ពុជា ឬប្រទេសដទៃទៀត។

ខណៈអតិថិជនធនាគារ APD សម្រុកទៅ​ដកប្រាក់យ៉ាងគំហុកកាលពីថ្ងៃចន្ទ តែ​មិនទទួលបានប្រាក់តាមតម្រូវការនោះ ធនាគារជាតិនៃកម្ពុជា បានចេញ​បកស្រាយថា វាជារឿងធម្មតា ដែលធនាគារមិនមានសាច់ប្រាក់បង្ខិលឱ្យអតិថិជនទាន់ពេល ដែលការណ៍នេះធនាគារជាតិ សុំពេលដើម្បីដោះស្រាយ។

ពលរដ្ឋរាប់រយនាក់ ដែលត្រូវធនាគារឯកជន ផេនដា ខមមើសល ប៊ែង បានបង្កកប្រាក់ បានចេញមុខស្នើអគ្គទេសា ភិបាលធនាគារជាតិកម្ពុជា អ្នកស្រី ជា សិរី ឱ្យពន្លឿនដោះស្រាយរឿង លុយដល់ពួកគេ ខណៈអតិថិជនធនាគារថ្មីមួយទៀតគឺ ធនាគារ APD ផ្ទុះរឿងធនាគារ បង្កប្រាក់របស់ខ្លួនកាលពីថ្ងៃទី១៦ ខែមីនា​នេះ។

ក្រុមហ៊ុន ម៉ូរីសុនកាក់ អឹមខេអេ អឌីត-អាក់ខោនធីង (Morisonkak MKA Audit-Accounting Co., Ltd) បានប្រកាសលក់កញ្ចប់ឥណទាន ឬសិទ្ធិប្រមូលបំណុលរបស់ធនាគារព្រីនស៍ ឱ្យទៅធនាគារផ្សេង ដើម្បីយកប្រាក់គិតគូរឱ្យអ្នកដាក់ប្រាក់បញ្ញើ និងម្ចាស់បំណុលធនាគារ។

ក្រោយម្ចាស់ភាគហ៊ុនធំ គឺលោក ចេន ហ្ស៊ី ត្រូវសមត្ថកិច្ចចាប់ខ្លួន បច្ចុប្បន្នធនាគារព្រីនស៍ ត្រូវបានធនាគារជាតិនៃកម្ពុជា ប្រកាសឱ្យផ្អាកការផ្តល់សេវាធនាគារថ្មីៗទាំងអស់ រួមទាំងការទទួលប្រាក់បញ្ញើ និងការផ្តល់ឥណទាន។

ធនាគារជាតិនៃកម្ពុជា បានប្រកាសជាសាធារណៈនូវការផ្អាកប្រតិបត្តិការថ្មីរបស់​ធនាគារព្រីនស៍ ដោយប្រគល់តួនាទី​គ្រប់គ្រង និងចាត់ចែងប្រតិបត្តិការទៅឲ្យក្រុមហ៊ុនសវនកម្ម ដើម្បីជម្រះបញ្ជី និងចាត់ចែងទ្រព្យសម្បត្តិរបស់ធនាគារនេះ។

នៅពាក់កណ្ដាលខែធ្នូ ឆ្នាំ២០២៥នេះ អតិថិជន​នៃធនាគារព្រីនស៍ បានទទួលការខលចូលពីបុគ្គលិក ប្រាប់ពួកគេឱ្យ​ទៅ​បិទ​គណនីធនាគារ នៅតាមបណ្ដាសាខានានា។ តាមរយៈការខលចូលនេះ បុគ្គលិកធនាគារបានប្រាប់ទៅអតិថិជន​ថា ការបិទគណនី គឺធ្វើឡើងដើម្បី​បង្ការហានិភ័យដែលអាចកើតមាន​​ជាយថាហេតុ។

ធនាគារជាតិនៃកម្ពុជា បានប្រកាសនៅថ្ងៃទី៣ ខែធ្នូថា ពួកគេបានបិទមជ្ឈ​មណ្ឌល​ល្បី​ឈ្មោះ​មួយ ដែល​ត្រូ​វ​បាន​ប្រើ​ដើម្បី​លាង​លុយ​រាប់​ពាន់​លានដុល្លារ​ពី​ឧក្រិដ្ឋ​ជន អ្នកឆបោក និងអ្នកក្លែងបន្លំរួមទាំងពួកអ្នក​ហេក​ឃ័រ​(hackers)​នៅ​ក្នុង​ប្រទេសកូរ៉េខាងត្បូង និងអាស៊ីអាគ្នេយ៍ផងដែរ។