កម្មវិធីផ្តល់កម្ចីអនឡាញខ្នាតតូច ដែលសន្យាផ្តល់ប្រាក់យ៉ាងឆាប់រហ័ស ដល់អ្នកដែលត្រូវការប្រាក់បន្ទាន់ កំពុងរីក​រាល​ដាល​យ៉ាងច្រើននៅកម្ពុជា។ ប្រជាពលរដ្ឋ​អាចស្នើសុំប្រាក់កម្ចីចាប់ពី​រាប់​សិប​ដុល្លារ រហូតដល់មួយពាន់ដុល្លារ ឬ​លើស​ពី​នេះ​តាមរយៈទូរស័ព្ទ ដោយមិនចាំបាច់ឆ្លងកាត់ដំណើរការស្មុគស្មាញ និង​មិន​ចាំបាច់មានទ្រព្យបញ្ចាំ ដូចការខ្ចីប្រាក់តាមស្ថាប័នហិរញ្ញវត្ថុផ្លូវការឡើយ។

ឯកសារចោទប្រកាន់របស់តុលាការសហព័ន្ធ​សហរដ្ឋអាមេរិកប្រឆាំងនឹងលោក ចេន ហ្ស៊ី (Chen Zhi) ប្រធានក្រុមហ៊ុន​ព្រីនស៍ គ្រុប (Prince Group) បានលាក់ឈ្មោះសហចុងចោទមួយចំនួន ប៉ុន្តែ​ព័ត៌មានផ្ទាល់ខ្លួនដែលមាននៅក្នុង​ឯកសារនោះ អាចឱ្យអ្នកសារព័ត៌​មាន​​កំណត់​អត្តសញ្ញាណម្នាក់ក្នុងចំណោម​​​ពួកគេថាជា លោក ចេន សុខលី (Chen Sokly)។

លោក ហ៊ុន តូ ដែលជាឧកញ៉ាដ៏លេចធ្លោមួយរូបនៅកម្ពុជា កំពុងតែសាងសង់ផ្ទះវីឡាដ៏ស្កឹមស្កៃ និងសំណង់ផ្សេងទៀត នៅ​លើ​ដីបឹងតាមោក ដែលមានតម្លៃមហា​សាល ខណៈដៃគូវិនិយោគដ៏សំខាន់របស់លោកដែលបានទិញដីបឹងតាមោករួមគ្នាជាមួយលោក បានបាត់ខ្លួន ក្រោយ​រង​ទណ្ឌ​កម្មសហរដ្ឋអាមេរិក។

ចំនួនមជ្ឈមណ្ឌលឆបោកតាមប្រព័ន្ធ​អន​ឡាញ​ដែលកំពុងដំណើរការនៅកម្ពុជា មានការកើនឡើងទៅវិញ បើទោះបីជាយុទ្ធនាការរបស់រដ្ឋាភិបាល ដើម្បី​លុបបំបាត់ពួកវាបានចាប់ផ្តើមកាលពីខែកក្កដា ឆ្នាំ២០២៥ ក៏ដោយ។

នៅក្នុងរោងចក្រកាត់ដេរដ៏ធំទូលាយនៅកម្ពុជា សំឡេងម៉ាស៊ីនធ្វើការរំញ័រយ៉ាងខ្លាំង ខណៈកម្មកររាប់សែននាក់កំពុង​ប្រឹងប្រែងក្នុងខ្សែចង្វាក់ផលិត​កម្ម ដើម្បីដូរនឹងប្រាក់កម្រៃប្រមាណជា ២៣៨ដុល្លារ ក្នុងមួយខែ។ ប៉ុន្តែនៅពីក្រោយ​ផ្ទៃនៃសកម្មភាពសេដ្ឋកិច្ចនេះ មាន​ការប្រកួតប្រជែងមួយកំពុងដំណើរការ ដែលមិនមែនសម្រាប់​ផលិតសម្លៀកបំពាក់ទេ ប៉ុន្តែសម្រាប់​អំណាចនយោ​បាយ។

សំណង់វីឡាថ្មីកំពុងលេចឡើងលើដីប្រមាណ​៤ហិកតា ក្នុងសង្កាត់ស្លក្រាម ក្រុងសៀមរាប ខេត្តសៀមរាប នៅមិនឆ្ងាយប៉ុន្មានពីមាត់ស្ទឹងសៀមរាប ដែលជាតំបន់ទេសចរណ៍។ ផ្ទះវីឡាដ៏ស្កឹមស្កៃនេះ ត្រូវបានពលរដ្ឋមួយចំនួន និងមន្រ្តីមូលដ្ឋានដែលដឹងរឿងនេះ លើកឡើងថា ជារបស់ក្រុមគ្រួសារហ៊ុន ដោយសារអ្នកស្រី ហ៊ុន ម៉ាណា កូនស្រីរបស់លោក ហ៊ុន សែន ប្រធានព្រឹទ្ធសភា បានមកមើលការដ្ឋានសាងសង់។

ចម្ងាយជាង ៣០គីឡូម៉ែត្រ ពីប្រាសាទបុរាណ​នៅតំបន់អង្គរ ផ្ទះដំបូលស័ង្កសីតាមបណ្តោយផ្លូវក្នុងតំបន់រុនតាឯកជាច្រើនត្រូវចាក់សោចោល ខណៈរដ្ឋាភិ​បាលជារឿយៗ បានអះអាងថា តំបន់អភិវឌ្ឍន៍ថ្មីមួយនេះ ត្រូវបានរៀបចំក្នុងលក្ខខណ្ឌសមរម្យ និងមានសុវត្ថិភាព។

បណ្តាញឧក្រិដ្ឋជនដែលនៅពីក្រោយឧស្សាហកម្មឆបោកអនឡាញនៅកម្ពុជាបានប្ដូរទិសដៅមកជ្រើសរើសយុវជនខ្មែរ ជំនួសការពឹងផ្អែកលើពលករបរទេស ដោយ​សារតែការបង្ក្រាបកាន់តែតឹង​រ៉ឹង​ពី​សំណាក់អាជ្ញាធរកម្ពុជា និងដោយ​សារ​តែ​ភាពមិនប្រាកដប្រជានៃអំពើឆបោកជា​សាកលនេះ ក្រោយមានសម្ពាធកាន់​តែ​ខ្លាំង។