អ្នកបើកបររថយន្តតាក់ស៊ីដែលប្រើប្រព័ន្ធ​អេប(App) ដូចជា ក្រុមហ៊ុន Grab និង PassApp ជាដើម បានប្រមូលផ្តុំ​ដាក់​ញត្តិនៅក្រសួងប្រៃសណីយ៍កម្ពុជា ដោយស្នើដល់ក្រសួងមួយនេះជួយអន្តរា​គមន៍​ទៅក្រុមហ៊ុនបញ្ចុះតម្លៃកម្រៃជើង​សារ ដើម្បីជួយសម្រួលដល់ជីវភាព​រស់​នៅរបស់​​ពួក​គាត់ ខណៈបច្ចុប្បន្នប្រេង​​ឥន្ធនៈ ហ្គាស និងទំនិញលើទីផ្សារ នៅ​មានតម្លៃខ្ពស់។

ក្រុមអង្គការសង្គមស៊ីវិលជាតិ និងអន្តរ​ជាតិ សហព័ន្ធសហជីព សមាគម សរុបជាង៥០ស្ថាប័ន បានចេញសេចក្តីថ្លែងការណ៍​រួម ជំរុញឱ្យថៅកែរោងចក្រ រដ្ឋាភិ​បាល និងអ្នកបញ្ជាទិញ បង្កើនវិធានការ​ពារ​សុវត្ថិភាពកម្មករក្នុងវិស័យកាត់ដេរ ដោយសំអាងថា ពួកគេបារម្ភយ៉ាងខ្លាំងចំពោះហេតុការណ៍គ្រោះថ្នាក់ចរាចរណ៍ ដែលបានសម្លាប់កម្មករ ដ៏គួរឲ្យតក់ស្លុត កើតឡើងផ្ទួនៗគ្នានាប៉ុន្មានសប្តាហ៍ចុងក្រោយនេះ។

ពលករខ្មែរម្នាក់បានស្លាប់ ដោយសារត្រូវខ្សែភ្លើងឆក់នៅលើទូកនេសាទមួយនៅប្រទេសថៃ កាលពីថ្ងៃទី២ ខែមិថុនា។ អង្គ​ការសង់ត្រាល់បានស្រង់ប្រភពផ្សព្វ​ផ្សាយ​​ដោយ​នាយកដ្ឋានជលផលថៃ នៅថ្ងៃទី៤ ខែមិថុនា ឱ្យដឹងថា ពលករខ្មែរ​ដែលស្លាប់នោះមានវ័យ ២៦ឆ្នាំ គឺជាសមាជិក​នាវិកលើនាវានេសាទមួយគ្រឿង​មាន​ទម្ងន់ជិត២០០តោន។

សមាគមប្រជាធិបតេយ្យឯករាជ្យនៃសេដ្ឋ​កិច្ច​ក្រៅប្រព័ន្ធ(IDEA) ជំរុញឱ្យក្រុមហ៊ុនGrabបញ្ចុះកម្រៃជើងសារ ដែលធ្លាប់កាត់ពី ១៥ទៅ២០ភាគរយនោះ មកត្រឹម​៨ភាគរយវិញ ដើម្បីសម្រួលដល់ជីវភាពអ្នកដឹកភ្ញៀវ តាមប្រព័ន្ធអ៊ែប ដោយសំអាង​ពីមូលហេតុប្រេងឥន្ទនៈ និងហ្គាស​នៅបន្តឡើងថ្លៃនៅឡើយ។

ការសិក្សានានា រកឃើញថា ស្ថានភាពប្រឈមរបស់ពលករខ្មែរត្រឡប់ពីប្រទេស​ថៃ នៅឆ្ងាយពីការដោះស្រាយនៅឡើយ បើ​ទោះបីរដ្ឋាភិបាលបានលើកឡើងថា បានដោះស្រាយបញ្ហានេះរួចរាល់ហើយ តាមរយៈ ចាត់វិធានការយ៉ាងរហ័ស ក្នុងការរៀបចំកម្មវិធីបង្កើនឱកាស​ការងារក៏ដោយ។

កម្មករនៅរោងចក្រ ML Intimate Apparel (Cambodia) Ltd ក្នុងតំបន់សេដ្ឋកិច្ចពិសេសក្រុងប៉ោយប៉ែត ប្រកាស​បិទទ្វារ នៅថ្ងៃចន្ទនេះ ធ្វើឱ្យកម្មកររាប់សឹបនាក់បារម្ភបាត់បង់ប្រាក់ឈ្នួលកន្លះខែ និងប្រាក់អត្ថប្រយោជន៍ផ្សេងទៀត បន្ទាប់ពីក្រុមហ៊ុនសន្យារយៈពេល៣ខែក្រោយ បានទូទាត់ឱ្យ។

វិបត្តិបំណុល ត្រូវបានអះអាងមកថា បាន​​ធ្វើឱ្យពលរដ្ឋខ្មែរមួយចំនួន ត្រូវបង្ខំចិត្តលួចឆ្លងដែនទៅរកការងារ ទោះដឹង​ថា​ប្រឈមនឹងការចាប់ខ្លួន​ពី​អាជ្ញាធរ​ថៃក្តី ដែលការប្រថុយប្រថានបែប​នេះ ហាក់ផ្ទុយគ្នាទៅនឹងការដែលរដ្ឋាភិបាលកម្ពុជា ធ្លាប់លើកឡើងពីការ ធានាផ្តល់ឱកាសទីផ្សារការ​ងារ​​ឱ្យពលករដែលសម្រេច​​វិល​ត្រឡប់​ពី​ប្រទេស​ថៃ ក្រោយ​ថៃ​បើក​ការឈ្លាន​ពាន​​កម្ពុជា។

កម្មកររោងចក្រ អ៊ីស ឡូយ៉ាល់ ហ្គាម៉ិន (ខេមបូឌា) ក្នុងសង្កាត់ក្រាំងពង្រ ខណ្ឌដង្កោ រាជធានីភ្នំពេញ ត្រូវបានគេអះ​អាង​មកថា មានគ្នាជាង៣០០នាក់ បានផ្ទុះការតវ៉ាប្រឆាំងនឹងការរើសអើងសហជីព ក្រោយភាគីរោងចក្រ បញ្ឈប់តំណាង​សហជីពពីការងារ ដោយមិនប្រាប់​ពីមូលហេតុ។

អតីតបុគ្គលិកកាស៊ីណូជិនប៉ី១ ប្រមាណ ៥០នាក់ ដែលអះអាងថា ជាតំណាងឲ្យបុគ្គលិក​ជិត ៦០០នាក់ នៅព្រឹកថ្ងៃព្រហស្បតិ៍ ទី០៥ ខែមីនានេះ បានប្រមូលផ្តុំគ្នាតវ៉ា ដោយលើកបដា មានរូបថត លោក ហ៊ុន សែន លោកស្រី ប៊ុន រ៉ានី និងលោក ហ៊ុន ម៉ាណែត ផង ដង្ហោយសុំឲ្យជួយអន្តរាគមន៍បើកប្រាក់ខែ ជូនពួកគាត់ចំនួន ១ខែ គិតចាប់ពីថ្ងៃទី២៥ ខែធ្នូ ដល់ថ្ងៃទី០៣ ខែមីនា ដែលថៅកែកាស៊ីណូ​នេះ មិនទាន់បើកជូន ។

ក្រសួងការងារ ជំរុញឱ្យម្ចាស់រោងចក្រ​សហ​គ្រាសទាំងអស់ យកចិត្តទុកដាក់ខ្ពស់​ក្នុងការលើកកម្ពស់សុវត្ថិភាព និងសុខភាពការងារ ដើម្បី «បង្ការការដួលសន្លប់» ក្នុងរដូវក្តៅ បន្ទាប់ពីមានករណីកម្មការិនីជាច្រើននាក់ ធ្វើការនៅរោងចក្រមួយក្នុងខេត្តកណ្តាល បានដួលសន្លប់ ក្នុងនោះ មានកម្មការិនីម្នាក់ បាន​ស្លាប់នៅពេលបញ្ជូនទៅសង្គ្រោះនៅមន្ទីរពេទ្យ។