តំណាងសហជីព អង្គការ និងសមាគម បង្ហាញក្តីបារម្ភជាថ្មីចំពោះការរឹតត្បិតរបស់អាជ្ញាធរ មកលើសកម្មភាពរបស់អង្គការសង្គមស៊ីវិលជាបន្តបន្ទាប់ ដែលឆ្លុះបញ្ចាំងពីការធ្លាក់ចុះនៃការគោរពសេរីភាពនៃការបញ្ចេញមតិ និងគោលការណ៍ប្រជាធិបតេយ្យនៅកម្ពុជា។
អ្នកឃ្លាំមើលមួយចំនួន លើកឡើងថា ការបន្តបំបិទមាត់ និងចាប់ដាក់គុកឥតស្រាកស្រានទៅលើអ្នកបញ្ចេញមតិពីបញ្ហាព្រំដែនដែលថៃកំពុងឈ្លានពាន និងបញ្ហាដែលជាអាយុជីវិតរបស់ជាតិផ្សេងៗទៀត ដែលប្រាសចាកពីរដ្ឋធម្មនុញ្ញ មិនត្រឹមតែធ្វើឱ្យសង្គមជាតិកាន់តែធ្លាក់ចុះអន់ថយ ជាឱកាសសម្រាប់បរទេសអាចឈ្លានពានទឹកដីបានតាមអំពើចិត្តប៉ុណ្ណោះទេ ថែមទាំងក៏ជាការបំបាក់ស្មារតីស្រឡាញ់ជាតិរបស់ប្រជាពលរដ្ឋនៅគ្រប់ទិសទីថែមទៀតផង។
អ្នករងគ្រោះនៅក្រុមហ៊ុន ហួយ វ័ន របស់លោក ហ៊ុន តូ ដែលភាគច្រើនជាជនជាតិចិន បានព្រមានថា ពួកគេនឹងទៅប្រមូលផ្តុំគ្នាតវ៉ានៅមុខស្ថានទូតសហរដ្ឋអាមេរិកប្រចាំកម្ពុជា ដើម្បីស្វែងរកសម្ពាធឱ្យមេឧក្រិដ្ឋជនសងលុយវិញ បើស្ថានទូតចិន និងរដ្ឋាភិបាលកម្ពុជា មិនពន្លឿនវិធានឱ្យក្រុមហ៊ុននេះសងលុយពួកគេ ១៣០០នាក់ ឱ្យបានឆាប់ទេនោះ។
អង្គការឃ្លាំមើលសិទ្ធិមនុស្សអន្តរជាតិ Human Rights Watch រិះគន់យ៉ាងខ្លាំងទៅលើសាជីវកម្មហិរញ្ញវត្ថុអន្តរជាតិ ហៅកាត់ IFC ដែលជាស្ថាប័នឯកជនមួយរបស់ធនាគារពិភពលោក បន្ទាប់ពី IFC បដិសេធការរកឃើញរបស់ស្ថាប័នឃ្លាំមើលផ្ទៃក្នុងរបស់ខ្លួន ដែលរកឃើញថា ការវិនិយោគរបស់សាជីវកម្មហិរញ្ញវត្ថុអន្តរជាតិ ក្នុងវិស័យមីក្រូហិរញ្ញវត្ថុកម្ពុជា បានរួមចំណែកបង្កផលប៉ះពាល់ធ្ងន់ធ្ងរដល់អ្នកខ្ចីប្រាក់ក្រីក្ររាប់លាននាក់។
អង្គការឃ្លាំមើលសិទ្ធិមនុស្សអន្តរជាតិ Human Rights Watch និយាយថា ការបង្ក្រាបរបស់សំឡេងជំទាស់ តាមរយៈការដាក់ទោសទណ្ឌក្រោមហេតុផលនយោបាយ និងបង្ខំឱ្យសុំទោសជាសាធារណៈ បានបង្កឱ្យមានក្តីបារម្ភយ៉ាងខ្លាំងពីសេរីភាពនៃការបញ្ចេញមតិ សិទ្ធិនយោបាយ និងនីតិរដ្ឋនៅកម្ពុជា។
គណៈកម្មាធិការអង្គការសហប្រជាជាតិទទួលបន្ទុកអនុសញ្ញាលុបបំបាត់រាល់ទម្រង់នៃការរើសអើងប្រឆាំងលើស្ត្រីភេទ អំពាវនាវឱ្យរដ្ឋាភិបាលកម្ពុជា បង្កើនកិច្ចខិតខំប្រឹងប្រែងជាបន្ទាន់ ដើម្បីទប់ស្កាត់អំពើហិង្សាផ្អែកលើយេនឌ័រ ខណៈក្មេងស្រីមានពិការភាពម្នាក់ ដែលត្រូវបានរំលោភសេពសន្ថវៈជាបន្តបន្ទាប់ពីសំណាក់មន្ត្រីនគរបាលម្នាក់ នៅមិនទាន់ទទួលបានយុត្តិធម៌នៅឡើយ ក្នុងរយៈពេល១៦ឆ្នាំ គិតចាប់តាំងពីពេលកើតហេតុមកដល់បច្ចុប្បន្ននេះ។
អតិថិជនរងគ្រោះដោយសារក្រុមហ៊ុនហួយវ័ន ផេ (Huione Pay) ភាគច្រើនជាជនជាតិចិន ចេញតវ៉ាទ្រង់ទ្រាយធំជាងមុននៅមុខស្ថានទូតចិនប្រចាំកម្ពុជា នាថ្ងៃអង្គារនេះ រកកិច្ចអន្តរាគមន៍ជំរុញឱ្យក្រុមហ៊ុននេះសងលុយវិញ ក្រោយក្រុមហ៊ុនបិទទ្វារ ហើយបង្កកប្រាក់ពួកគេ ដែលជនរងគ្រោះថា ក្រុមហ៊ុននេះជាប់ពាក់ព័ន្ធនឹងក្មួយលោក ហ៊ុន សែន គឺលោក ហ៊ុន តូ។
កម្មករការងារតាមផ្ទះដែលត្រូវបានគេរកឃើញថាងាយរងគ្រោះជាងគេក្នុងចំណោមកម្មករដទៃទៀត បានស្នើដល់រដ្ឋាភិបាល ជាពិសេសក្រសួងការងារ ពន្លឿនការផ្តល់សច្ចាប័នលើអនុសញ្ញាលេខ១៨៩ របស់អង្គការអន្តរជាតិផ្នែកការងារ(ILO) ដើម្បីធានាការងារសមរម្យសម្រាប់ពួកគេ និងការពារពួកគេពីការប្រើអំពើហិង្សា និងការបៀតបៀនផ្សេងៗក្នុងពិភពការងារ។
ម្ដាយកញ្ញា ហ៊ីម មុំ ហៅ ខែម ស្រីមុំ គឺអ្នកស្រី ខែម សឿន បានឱ្យដឹងនៅថ្ងៃពុធនេះថា គាត់បានស្នើសុំសមាគមសិទ្ធិមនុស្សអាដហុកឱ្យជួយផ្តល់មេធាវី ដើម្បីស្វែងរកយុត្តិធម៌ក្នុងប្រព័ន្ធតុលាការ ក្រោយពីកូនស្រីត្រូវបានសមត្ថកិច្ចចាប់ដាក់ពន្ធនាគារជិត១ខែមកនេះ ពាក់ព័ន្ធទៅនឹងការចែករំលែកការឈ្លានពានរបស់ថៃ មកលើបូរណភាពទឹកដីកម្ពុជា។
«វាហាក់ដូចជារង្វាន់សម្រាប់ការងារល្អ។ គេនិយាយថា ខ្ញុំប្រៀបបានទៅនឹងអំណោយ។ គេរំលោភខ្ញុំ»។ នេះគឺជាការលើកឡើងរបស់ស្ត្រីរងគ្រោះម្នាក់ ដែលផ្ដល់សម្ភាសន៍ឱ្យអង្គការលើកលែងទោសអន្តរជាតិ (Amnesty International) និងដែលត្រូវបានដាក់បញ្ចូលក្នុងរបាយការណ៍ចេញផ្សាយនៅថ្ងៃទី៧ ខែមិថុនា ក្រោមចំណងជើង «បរាជ័យនៃការបង្ក្រាបលើទីតាំងប្រព្រឹត្តអំពើឆបោក និងការជួយដល់ជនរងគ្រោះរបស់កម្ពុជា»។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
