មន្ត្រីជាន់ខ្ពស់រដ្ឋាភិបាល លោក ឃ្លាំង ហួត បានគំរាមវីអូឌី ដែលសួររឿងសារបែកធ្លាយរបស់ លោក ហ៊ុន សែន ដែលបញ្ជាឱ្យចាប់ខ្លួនសកម្មជនសង្គម លោក ផន់ ផាន់ណា រួមទាំងសុំការឆ្លើយតប ជុំវិញការដែលគេភ្ជាប់មន្ត្រីរូបនេះ ទៅនឹងសំណុំរឿងឃាតកម្មលោក លិម គិមយ៉ា។
ក្រសួងពាក់ព័ន្ធ ហាក់បង្ហាញភាពស្ទាក់ស្ទើរលើវិធានចាប់បញ្ជូនជនសង្ស័យ២នាក់ ដែលគេស្គាល់ថាស្និទ្ធនឹងមេដឹកនាំកំពូលរបស់កម្ពុជាឱ្យមកភាគីថៃ ដើម្បីវែកមុខរកអ្នកនៅពីក្រោយឃាតកម្មលើអ្នកតំណាងរាស្ត្រគណបក្សសង្គ្រោះជាតិ លោក លិម គិមយ៉ា លើទឹកដីថៃ។
នគរបាលអន្តរជាតិ អាំងទែប៉ូល (Interpol) នៅថ្ងៃទី១៥ខែមករានេះ បានចេញនិវេទក្រហម(Red notice) ដោយបញ្ជាឱ្យចាប់ខ្លួនអ្នកផ្តល់តម្រុយ ឱ្យបាញ់សម្លាប់អតីតតំណាងរាស្រ្តគណបក្សសង្រ្គោះជាតិ ខណៈដែលនគរបាលថៃ ក៏បានស្នើសុំដីកាពីតុលាការព្រហ្មទណ្ឌ ឱ្យតាមចាប់ខ្លួនជនសង្ស័យឈ្មោះ លី រតនៈរស្មី ដូចគ្នាដែរ ដើម្បីបើកផ្លូវឱ្យសមត្ថកិច្ចនគរបាល ឈានទៅកំណត់មុខសញ្ញាអ្នកបញ្ជានៅពីក្រោយខ្នងទៀត ដែលនាំឱ្យមានអំពើឃាតកម្មនេះកើតឡើងនៅចំកណ្តាលទីក្រុងបាងកក កាលពីដើមសប្តាហ៍មុន។
តុលាការព្រហ្មទណ្ឌថៃ បានចេញដីកាបង្គាប់ឱ្យចាប់ខ្លួនទីប្រឹក្សា លោក ហ៊ុន សែន ចំពេលប៉ូលីសអន្តរជាតិបានចេញនិវេទន៍ក្រហមឱ្យស្វែងរកចាប់ខ្លួន លោក ពេជ្រ គឹមស្រ៊ិន ជាជនសង្ស័យម្នាក់ទៀត ក្នុងសំណុំរឿងឃាតកម្មលើតំណាងរាស្ត្រគណបបក្សសង្គ្រោះជាតិលោក លិម គិមយ៉ា ។
ក្រុមជំនាញស៊ើបអង្កេតរបស់ភាគីថៃ បានកំណត់មុខសញ្ញាឃើញហើយ អ្នកដែលបញ្ជាឱ្យបាញ់សម្លាប់ អ្នកតំណាងរាស្រ្តគណបក្សសង្រ្គោះជាតិ នៅចំថ្ងៃទី៧ ខែមករា ស្របពេលដែលជនសង្ស័យមួយចំនួន ត្រូវបានសមត្ថកិច្ចចាប់ខ្លួន មកសួរចម្លើយជុំវិញរឿងក្តីព្រហ្មទណ្ឌនេះ។
អតីតឧកញ៉ាដែលធ្លាប់ទម្លាយរឿងអាស្រូវពុករលួយ ក្នុងក្បាលម៉ាស៊ីនដឹកនាំបក្សកាន់អំណាច បានស្តីបន្ទោសនាយករដ្ឋមន្ត្រី លោក ហ៊ុន ម៉ាណែត ថានឹងក្លាយជាមេដឹកនាំឧក្រិដ្ឋ បើមិនវះកាត់សាច់ញាតិ ដែលជាប់ពាក់ព័ន្ធយ៉ាងជ្រៅជាមួយក្រុមឧក្រិដ្ឋជនឆបោកឆ្លងដែនទេនោះ។
ប្រព័ន្ធផ្សព្វផ្សាយក្នុងប្រទេសថៃបានផ្សព្វផ្សាយថា ខ្មាន់កាំភ្លើងបានសារភាពថា ទីប្រឹក្សាលោក ហ៊ុន សែន មេដឹកនាំបក្សកាន់អំណាចកម្ពុជាជាអ្នកបញ្ជារូបគេឱ្យសម្លាប់តំណាងរាស្ត្រគណបក្សសង្គ្រោះជាតិ លោក លិម គិមយ៉ា ក្នុងទីក្រុងបាងកក កាលពីថ្ងៃទី៧ ខែមករា ដើមសប្តាហ៍មុន។
គណបក្សក្រៅរដ្ឋាភិបាលមួយ បានរៀបចំបុណ្យខួប៧ថ្ងៃ នៃមរណភាពរបស់អតីតតំណាងរាស្រ្តគណបក្សសង្គ្រោះជាតិ ក្រោយខ្មាន់កាំភ្លើងបាញ់ប្រហារនៅចំកណ្តាលទីក្រុងបាងកក នៅចំថ្ងៃ៧មករា ដែលគណបក្សប្រជាជនកម្ពុជា ប្រសិទ្ធនាមឱ្យថាជាថ្ងៃដ៏ជោគជ័យរបស់ខ្លួន លើរបបខ្មែរក្រហម។
ក្រុមអ្នកតស៊ូមតិកម្ពុជា (CAT) ជំរុញឱ្យរដ្ឋាភិបាលកម្ពុជាបញ្ជូនជនសង្ស័យជនជាតិខ្មែរ២រូប ក្នុងនោះមានម្នាក់ជាទីប្រឹក្សារបស់លោក ហ៊ុន សែន ដែលពាក់ព័ន្ធការបាញ់សម្លាប់ លោក លិម គិមយ៉ា ដើម្បីឱ្យប្រទេសថៃស៊ើបអង្កេតរកការពិតពេញលេញ ក្រោយមិនមានជំនឿលើប្រព័ន្ធតុលាការកម្ពុជា។
ឃាតកម្មលើលោក លិម គិមយ៉ា តំណាងរាស្ត្រគណបក្សសង្គ្រោះជាតិថ្មីៗនេះ ហាក់បានពញ្ញាក់អារម្មណ៍ក្រុមអ្នកនយោបាយប្រឆាំងដែលបានភៀសខ្លួនទៅក្រៅប្រទេស ឱ្យបោះដៃរកគ្នា ក្រោមហេតុផល ដើម្បីសង្គ្រោះកម្ពុជា ចេញពីរបបដឹកនាំបែបផ្តាច់ការគ្រួសារហ៊ុន ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
