ប្រធានគណបក្សដើម្បីកម្ពុជា លោក ឯម សុខសុវណ្ណ ចាត់ទុកលទ្ធផលអង្កេតរបស់អង្គភាពប្រឆាំងអំពើពុករលួយថា មិនបានយកចិត្តទុកដាក់ស៊ើបអង្កេត​ឱ្យ​ច្បាស់​លាស់ ផ្អែកតាមអង្គហេតុ និងអង្គច្បាប់ ដើម្បីស្វែងរកការពិតកម្ចាត់អំពើពុករលួយដែលធ្វើឱ្យបាត់ថវិកាជាតិនៅខេត្តព្រៃវែងនោះទេ។

របាយការណ៍របស់ការិយាល័យអង្គការ​សហ​ប្រជាជាតិទទួលបន្ទុកគ្រឿងញៀន និង​ឧក្រិដ្ឋ​កម្ម (UNODC) ដែលចេញផ្សាយ​កាលពីថ្ងៃទី២០ ខែកុម្ភៈ ឆ្នាំ២០២៦ បានបង្ហាញឱ្យឃើញយ៉ាងច្បាស់​ថា អំពើ​ពុក​រលួយ​គឺជាឧបសគ្គដ៏ធំបំផុត​សម្រាប់យុវជនទូ​ទាំងពិភព​លោក។

អង្គភាពប្រឆាំងអំពើពុករលួយ (ACU) បញ្ជូនខ្លួនមន្ត្រីនគរបាលជាន់ខ្ពស់ ២រូប និងជនសង្ស័យ២នាក់ទៀត ទៅតុលាការ នៅរសៀលថ្ងៃពុធនេះ ក្រោយពាក់ព័ន្ធករណីសង្ស័យស៊ីសំណូកពីក្រុម Online Scams និងសម្អាតប្រាក់ ខណៈអ្នកឃ្លាំមើល ជំរុញឱ្យរដ្ឋាភិបាលពង្រឹងបន្ថែមលើការអនុវត្តច្បាប់ និងបន្តស្វែងរកមេឧក្រិដ្ឋកម្មធំៗបន្ថែមទៀត ដើម្បី​ស្តារមុខមាត់កម្ពុជាលើឆាកអន្តរ​ជាតិ​ឡើង​វិញ។

អ្នកឃ្លាំមើល ជំរុញឱ្យរដ្ឋាភិបាលចាត់វិធាន​ការច្បាប់លើមន្ត្រីផ្កាយពីរដែលបាន​បកស័ក្តិ ក្រោយផ្ទុះរឿង​យក​លុយ​ពី​ជនបរទេសចំនួន២លានដុល្លារ ជាថ្នូររត់ការផ្តល់សញ្ជាតិខ្មែរមិនបានសម្រេច ហើយ​មិនព្រមប្រគល់លុយឱ្យទៅម្ចាស់ដើម​វិញនោះ ថាជារឿងអាស្រូវពាក់ព័ន្ធនឹង​អំពើពុករលួយ។

រដ្ឋមន្រ្តីក្រសួងបរិស្ថាន បានចាត់ឱ្យមន្ត្រីជំនាញចុះស៊ើបអង្កេតរកការពិត ករណីសង្ស័យមន្ត្រីបរិស្ថានខេត្តកំពង់ស្ពឺចំនួន ២រូប បានទារលុយពីថៅកែរោងចក្រដំណាប់​ស្វាយ នៅខេត្តកំពង់ស្ពឺ ក្រោយ​ពី​មន្ទីរ​​បរិស្ថានខេត្តនេះ ចេញមុខច្រាន​ចោល​ការ​បដិសេធការចោទ។

មន្ត្រីសង្គមស៊ីវិល មើលឃើញថា ការចេញលិខិតបដិសេធការចោទប្រកាន់ភ្លាមៗរបស់​មន្ត្រីបរិស្ថានខេត្តកំពង់ស្ពឺ ដោយមិន​បានស៊ើបអង្កេតប្រកបដោយតម្លាភាព នឹងមិនអាចដោះស្រាយរកឫស​គល់​​អំពើ​ពុករលួយបាននោះទេ ផ្ទុយទៅ​វិញ​អំពើពុករលួយនៅតែជាជំងឺមហារីកក្នុង​សង្គម។

ពលរដ្ឋមួយគ្រួសាររស់នៅភូមិក្រពើ ឃុំ​ទួល​គ្រើល ស្រុកប្រាសាទបល្ល័ង្ក ខេត្តកំពង់​ធំ អំពាវនាវឱ្យមេបញ្ជាការកងរាជអាវុធហត្ថលើផ្ទៃប្រទេស លោក សៅ សុខា ជួយអន្តរាគមន៍ក្នុងករណីមន្ត្រីអាវុធហត្ថម្នាក់នៅខេត្តកំពង់ធំឈ្មោះ រស់ តឿ បានយកលុយពួកគាត់ជាង ១ម៉ឺនដុល្លារ (១៤ ០០០ដុល្លារ) ជាថ្នូររត់ការកូនប្រុសរបស់គាត់ ឱ្យបម្រើការងារក្នុងក្របខណ្ឌក្រសួងការពារជាតិ ក៏ប៉ុន្តែមិនជោគជ័យជិត២ឆ្នាំមកហើយ។

ក្រុមអ្នកធ្វើការលើកកម្ពស់សិទ្ធិមនុស្ស និងសារព័ត៌មាន ជំរុញឱ្យរដ្ឋាភិ​បាល​បោស​សម្អាត​មន្ត្រីពុករលួយ ជំរិតទារប្រាក់​ពីជនបរទេស ក្នុងយុទ្ធនាការបង្ក្រាប​ឧក្រិដ្ឋកម្មអនឡាញ ដើម្បីមុខមាត់​ប្រទេស ជាជាងទុកឱកាសឱ្យពួកគេទម្លាក់កំហុកដាក់អ្នកកាសែត ដែលបានរាយការណ៍រឿងអាស្រូវពុករលួយ។

ក្រោយពីអង្គភាពប្រឆាំងអំពើពុករលួយ ទម្លាយឱ្យដឹងពីការចាប់ខ្លួនមន្ត្រីគយនៅខេត្តកោះកុង ក្រុមអ្នកតាមដាននិយាយថា ប្រសិទ្ធភាពនៃការទប់ស្កាត់អំពើពុករលួយ ត្រូវបោសសម្អាតពីថ្នាក់កំពូលទៅ បើមិនដូច្នោះទេ ពលរដ្ឋនៅ​តែ​បន្ត​រងគ្រោះ គ្មានទីបញ្ចប់ ខណៈការ​ដឹក​នាំបច្ចុប្បន្នបានក្លាយជាប្រព័ន្ធគ្រួសារ​និយម។

ចាប់តាំងពីថៃបើកការឈ្លានពានកាលពីខែកក្កដាឆ្នាំ២០២៥មក ទាំងបញ្ញាវន្តខ្មែរ និងសាធារណជនទូទៅក្នុងចំនួនកាន់តែច្រើន បានជំរុញឱ្យរដ្ឋាភិបាលធ្វើការបង្ក្រាបអំពើពុករលួយបក្ខពួកនិយម និងកែទម្រង់ការដឹកនាំរដ្ឋ ដើម្បីធ្វើឱ្យកម្ពុជាខ្លាំងអាចទប់ទល់ទៅនឹងការឈ្លានពានពីសំណាក់ភាគីថៃបាន។