ក្រោយពីមានការចែករំលែកពីសកម្ម​ភាព​ចាក់ដីលុបមាត់ស្ទឹងព្រែកត្នោត យកធ្វើជាកម្មសិទ្ធិឯកជនស្ថិតក្នុងខេត្តកំពង់ស្ពឺ ដោយគ្មានការទប់ស្កាត់ពីមន្ត្រីជំនាញនោះ ក្រុមអ្នកឃ្លាំមើល ជំរុញឱ្យរដ្ឋាភិបាលចាត់វិធានការទប់ស្កាត់ឱ្យមាន​​ប្រសិទ្ធភាព ដើម្បីការពារសម្បត្តិ​សារធារណៈ​របស់រដ្ឋ។

កសិករជិត ៧០០គ្រួសារ នៅខេត្តព្រះ​វិហារ ដែលមានជម្លោះជាមួយក្រុមហ៊ុនចំនួនពីរ រួមទាំងក្រុមហ៊ុនកូនលោក ទ្រី ភាព ត្រូវបានគេអះអាងមកថា ជិត ៥០០​គ្រួសារ ត្រូវបានមន្ត្រីពីក្រសួងចុះទៅសម្រប​សម្រួលឱ្យចូលទៅធ្វើស្រែចម្ការ​លើ​ដី​ធ្លាប់អាស្រ័យ​ផលឡើងវិញបាន តែជាង ២០០គ្រួសារទៀត ស្ថិតក្នុងភាពមិនច្បាស់លាស់នៅឡើយ ធ្វើឱ្យពួកគេបារម្ភ​ពី​វិបត្តិ​គ្រួសារ។

ប្រជាពលរដ្ឋជិត ១០០នាក់ នៅសង្កាត់ស្វាយដង្គំ ក្រុងសៀមរាប នៅថ្ងៃព្រហស្បតិ៍​នេះ បានប្រមូលផ្តុំតវ៉ានៅមុខសាលាខេត្តសៀមរាប ស្នើឱ្យអាជ្ញាធរពន្លឿនការដោះស្រាយបញ្ហាដីធ្លីនៅតំបន់​ឃ្លាំងទឹកទំនប់៧៨ ដែលត្រូវបាន​ជន​ខិលខូច និងក្រុមហ៊ុនឯកជន រំលោភ​យកទាំងបំពាន ខណៈដែលឃ្លាំងទឹក​បុរាណមួយនេះ បានក្លាយជាដីគោករាក់អស់មួយផ្នែក ហើយវានឹងប៉ះពាល់ដល់ការអាស្រ័យផលបែបប្រពៃណីរបស់ពលរដ្ឋរាប់រយពាន់គ្រួសារ បើសិនមិនមាន​ការជួយសង្គ្រោះបានទាន់ពេល។

ក្រសួងនិងអាជ្ញាធរ បានជួបតំណាងប្រជា​ពលរដ្ឋជិត ៧០០គ្រួសារ នៅខេត្តព្រះវិហារ ក្រោមហេតុផលដើម្បីស្វែងរកដំណោះស្រាយជម្លោះដីធ្លីជាមួយក្រុមហ៊ុនចំនួនពីរ មានទាំងក្រុមកូនលោក ទ្រី ភាព ដែលការចុះដោះស្រាយនេះ ក្រោយអ្នករងគ្រោះឡើងមកតវ៉ានៅភ្នំពេញ ទាម​ទារឱ្យមេដឹកនាំជួយទប់ស្កាត់ការរំលោភ​​​បំពាន កើតចេញពីគម្រោងផ្តល់​ដី​សម្បទានដែលរដ្ឋផ្តល់ឱ្យទៅក្រុមហ៊ុន។

ជនជាតិដើមភាគតិចព្រៅមួយគ្រួសាររស់នៅភូមិកាចាញ ឃុំល្បាំងពីរ ស្រុកលំផាត់ កំពុងស្វែងរកយុត្តិធម៌ ដោយទាម​ទារ​ឱ្យក្រុមហ៊ុនឯកជនមួយដែលពួកគាត់មិនស្គាល់ឈ្មោះ ទទួលខុសត្រូវករណី​យក​គ្រឿងចក្រឈូសឆាយផលដំណាំ ដើម្បី​រំលោភយកដីចម្ការរបស់គាត់ ដែលអាស្រ័យផលបែបប្រពៃណីជនជាតិដើមជាច្រើនជំនាន់មកហើយ។

ពលរដ្ឋមានទំនាស់ដីធ្លីជាមួយ លោក ភឺន ផល្លា មេបញ្ជាការរងកងពលតូចថ្មើរ​ជើងលេខ៧០ នៃកងទ័ពជើងគោក បាន​ទទូច​ដល់មេដឹកនាំកំពូល​ជួយ​រក​យុត្តិ​ធម៌ ដោយចោទថាមេទាហានផ្កាយពីររូបនេះ បានគប់គិតជាមួយអាជ្ញាធរដែនដីលួចធ្វើប្លង់រំលោភ​យក​ដី​ពួកគេជាង ៧ហិកតា នៅភូមិ​បឹង​តាស្រី សង្កាត់​បឹងតាព្រហ្ម ក្រុងកំពង់​សោម ទោះ​ពួកគេធ្លាប់ប្តឹងជំទាស់កន្លង​មក​ក្តី។

ពលរដ្ឋ ៣៥នាក់ តំណាងឱ្យពលរដ្ឋ ១៤៤​គ្រួសារ​រស់​នៅ​ក្នុងឃុំរួសរាន់ និងឃុំរីក​រាយ ស្រុក​រវៀង នៅព្រឹកថ្ងៃទី០១ ខែមិថុនា​នេះ បានធ្វើដំណើរមករាជធានីភ្នំពេញ ដើម្បីដាក់ញត្តិស្នើឱ្យលោកនាយក​រដ្ឋមន្ត្រី ហ៊ុន ម៉ាណែត ក្រឡេកមើល​ពីភាពអយុត្តិធម៌ ដោយសារបាត់បង់ដីស្រែចម្ការ និងគ្មានកន្លែងដាំដុះចិញ្ចឹមជីវិត ក្រោយពីក្រុមហ៊ុន គ្លូប៊ល​ហ្រ្គីន ((Global Green) Energy Development) ហ៊ុមព័ទ្ធ និងឈូសឆាយរំលោភ​​យកជាបន្តបន្ទាប់ចាប់តាំងពីឆ្នាំ​២០២៤ មកទល់ពេលនេះ។

ជនរងគ្រោះប្រមាណជាង ៥០នាក់ ជាអតិថិជនទិញផ្ទះបង់ផ្តាច់នៅបុរីខេភី របស់​អ្នកស្រី ម៉ន ដានី ក្នុងខេត្តកំពង់ស្ពឺ បាន​នាំគ្នាទៅក្រសួងរៀបចំដែនដីជាថ្មីទៀត នៅថ្ងៃចន្ទនេះ ស្នើឱ្យក្រសួង និងតំណាងក្រុមហ៊ុនបុរីខេភី ពន្លឿនការ​ដោះ​ស្រាយបញ្ហាផ្ទះសម្បែងរបស់ពួកគាត់ ​ដែលទិញហើយមិនបានផ្ទះ ខណៈពួកគាត់​កំពុងជួបបញ្ហាជីវភាពយ៉ាងខ្លាំង និងខ្លះទៀតត្រូវរងសម្ភាធផ្លូវចិត្តដោយ​សារ​បំណុល​វ័ណ្ឌក។

អ្នកធ្វើការងារពាក់ព័ន្ធលើការងារអភិរក្សធនធានជលផលសមុទ្រ បង្ហាញកង្វល់​ពីការបាត់បង់ដីព្រៃកោងកាង ឬព្រៃលិចទឹក នៅខេត្តព្រះសីហនុ ខណៈក្រសួងរៀបចំដែនដី នគររូបនីយកម្ម និងសំណង់ ត្រៀមចេញបណ្ណកម្មសិទ្ធិជូនបុគ្គលឯកជនជាង ១៦០ហិកតាទៀត គ្រប​ដណ្តប់លើដីព្រៃលិច នៅឃុំទឹកល្អក់ ស្រុកព្រៃនប់ ដែលមានព្រៃកោងកាងដុះដូចម្រាមដៃ។

បន្ទាប់ពីមានការតវ៉ាពីអតិថិជនកាលពីសប្ដាហ៍មុន ទីបំផុតក្រុមហ៊ុន ពៅ វណ្ណា នៅថ្ងៃទី២៥ ខែឧសភា បានសន្យាជាមួយ​​​លោក ប៉ាន់ខែម ប៊ុនថន ថានឹង​ដោះ​​ស្រាយប្រគល់ដីទៅពលរដ្ឋនៅអំឡុង​ខែមិថុនាខាងមុខនេះ។