ប្រជាសហគមន៍មួយចំនួន បន្តលើកឡើងពីផលលំបាកក្នុងការចុះទៅល្បាតការពារព្រៃឈើ នៅតំបន់ការពារ ដោយសារមានការរំខាន និងការហាមឃាត់ពីមន្ត្រីឧទ្យានុរក្សដែលឈរជើងនៅតំបន់ទាំងនោះ ដែលការណ៍នេះ សហគមន៍បានស្នើដល់ក្រសួងបរិស្ថាន ជួយអន្តរាគមន៍ទៅកាន់មន្ត្រីទាំងនោះ ឱ្យបើកទូលាយដល់សហគមន៍ក្នុងការចូលរួមចុះល្បាត និងការពារព្រៃឈើ និងធនធានធម្មជាតិ។
រដ្ឋាភិបាល បានសម្រេចលុបចោលគម្រោងអភិវឌ្ឍន៍ ពីក្រុមហ៊ុនចំនួន៤ និងបានប្រគល់ដីចំនួន ៤០ហិកតា នៅភ្នំខ្នងផ្សារ ខេត្តកំពង់ស្ពឺ ដល់ប្រជាសហគមន៍គ្រប់គ្រងសម្រាប់ជាប្រយោជន៍ ក្នុងការរកចំណូលពីវិស័យទេសចរ និងរក្សាទុកសម្រាប់ការអភិរក្សជីវៈចម្រុះ និងធនធានធម្មជាតិ។
វត្តមានក្រុមហ៊ុនយក្សចិនក្នុងតំបន់អារ៉ែង ក្នុងខេត្តកោះកុង ជាថ្មីទៀតនេះ កំពុងក្លាយជាក្តីបារម្ភពីការបាត់បង់ធនធានធម្មជាតិដ៏កម្ររបស់កម្ពុជានៅតំបន់នោះ ក្រោមដៃរដ្ឋាភិបាលគ្រួសារហ៊ុន បើគ្មានវិធានការទប់ស្កាត់ អំពើពុករលួយជាប្រព័ន្ធទេនោះ។
ខេត្តជាប់បឹងទន្លេសាប និងខេត្តមួយចំនួនទៀត ប្រឈមនឹងខ្វះទឹកប្រើប្រាស់ ក្នុងរដូវប្រឆាំងនេះ ដោយសារកម្ពុជា រងឥទ្ធិពលបាតុភូតសកល ពីមហាសមុទ្រប៉ាស៊ីហ្វិកខាងលិច និងតំបន់អេក្វាទ័រ។ នេះបើតាមការជូនដំណឹង របស់ក្រសួងធនធានទឹក និងឧតុនិយម ដែលបានចេញផ្សាយ នៅថ្ងៃទី៦ ខែកុម្ភៈ ឆ្នាំ២០២៥នេះ។
សកម្មជនការពារព្រៃឡង់ខេត្តព្រះវិហារ ថ្មីៗនេះ បានរកឃើញបទល្មើសព្រៃឈើទ្រង់ទ្រាយធំជិត ៦០ករណី ក្នុងតំបន់ព្រៃការពារព្រៃឡង់ ស្ថិតនៅតំបន់ជាំក្ដាមក្រហម ស្រុកជ័យសែន ខេត្តព្រះវិហារ។ ការរកឃើញបទល្មើសព្រៃឈើដ៏ច្រើននេះ ក្រោយពេលសកម្មជនការពារព្រៃឡង់ បានឆ្មក់ចុះល្បាតដោយផ្ទាល់ ដើម្បីប្រមាញ់បទល្មើស ក្រោមដែនសមត្ថកិច្ចរបស់មន្ត្រីពាក់ព័ន្ធ ដែលត្រូវបានគេដាក់ពង្រាយជុំវិញតំបន់ការពារនេះ។
ចលនាមាតាធម្មជាតិ បង្ហាញក្តីបារម្ភជាខ្លាំងចំពោះកម្រិតខ្យល់ពុលហក់ឡើងខ្ពស់ ដល់កម្រិតប្រកាសអាសន្ន នៅរាជធានីភ្នំពេញ ដែលបង្កផលប៉ះពាល់ដល់សុខភាពសាធារណៈ បើក្រសួងពាក់ព័ន្ធនៅបន្តផ្សាយព័ត៌មានមិនចំៗ ឬលាក់បាំងព័ត៌មាន ខណៈក្រសួងបរិស្ថាន អះអាងថា សន្ទស្សន៍ខ្យល់ក្នុងរាជធានីភ្នំពេញ និងបណ្តាខេត្តផ្សេងៗ នៅមានកម្រិតល្អ លើកលែងតែខេត្តពោធិ៍សាត់ដែលមានខ្យល់ពុលខ្លាំង(ពណ៌ក្រហម)។
លោក ហេង ស្រស់ ដែលគេស្គាល់ថា ជាសកម្មជនបរិស្ថានដ៏លេចធ្លោមួយរូប ក្នុងប្រទេសកម្ពុជា រងការគំរាមសម្លាប់ទាំងគ្រួសារ ក្រោយលោកចុះផ្តិតយកសកម្មភាពបូមខ្សាច់ខុសច្បាប់មួយកន្លែង នៅខេត្តកោះកុង ពាក់ព័ន្ធនឹងក្រុមហ៊ុនអ្នកឧកញ៉ា លី យ៉ុងផាត់ ។
ការរកឃើញបទល្មើសព្រៃឈើទ្រង់ទ្រាយធំជាថ្មីទៀត លើទឹកដីខេត្តមណ្ឌលគិរី ជំរុញឱ្យមានការរិះគន់ថា រដ្ឋាភិបាលថ្មី បានបរាជ័យដូចរដ្ឋាភិបាលចាស់ដែរ លើវិធានទប់ស្កាត់បទល្មើសព្រៃឈើក្នុងប្រទេសកម្ពុជាច្រើនទសវត្សរ៍ទៅនេះ ដោយសារតែសែស្រឡាយបក្ខពួក និងឱបក្រសោបមន្ត្រីពុករលួយ។
បុរសជនជាតិអាមេរិកាំងម្នាក់ គឺលោក បេន ដាវីស (Ben Davis) ជាអ្នកអភិរក្សព្រៃឈើនិងសត្វព្រៃ នៅតំបន់ភ្នំពក-ភ្នំត្នោត ក្នុងខេត្តព្រះវិហារ ចាប់តាំងពីឆ្នាំ២០១២មកនោះ កំពុងតែមានការព្រួយបារម្ភពីការបាត់បង់ព្រៃឈើ និងសត្វព្រៃ ដែលនៅសេសសល់នៅក្នុងតំបន់នេះ ហើយបាននិងកំពុងរិះរកគ្រប់មធ្យោបាយដើម្បីការពារនិងអភិរក្ស។
អង្គការអន្តរជាតិ យូនីសេហ្វ(UNICEF)ប្រចាំកម្ពុជា បានព្រមានថា កុមារគឺជាគោលដៅដែលងាយរងគ្រោះបំផុតពីការបំពុលខ្យល់នៅក្នុងបរិយាកាសនេះ ខណៈសន្ទស្សន៍ពិភពលោក ស្តីពីគុណភាពខ្យល់ បង្ហាញពីហានិភ័យខ្ពស់ដែលនាំឱ្យមានគ្រោះថ្នាក់ដល់សុខភាពមនុស្ស ស្របពេលដែលកម្ពុជាកំពុងទទួលរងសម្ពាធពីឥទ្ធិពល នៃការបំពុលខ្យល់នៅក្នុងស្រទាប់បរិយាកាស ស្ថិតក្នុងកម្រិតខ្ពស់ នៃផលប៉ះពាល់ទៅលើសុខភាព។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
