លោក ហ៊ុន សែន ព្រមានបក្សប្រឆាំងកុំយកសមិទ្ធផលរដ្ឋាភិបាលមកកេងចំណេញនយោបាយ
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានផ្ញើសារព្រមានកុំឲ្យគណបក្សប្រឆាំងយកសមិទ្ធផលដែលរដ្ឋាភិបាលសម្រេចបានទៅធ្វើជាការឃោសនាកេងចំណេញនយោបាយ។លោក ហ៊ុន សែន បានសរសេរបែបនេះនៅលើហ្វេសប៊ុករបស់លោក ជាការប្រតិកម្មទៅនឹងប្រធានស្តីទីគណបក្សសង្រ្គោះជាតិ លោក កឹម សុខា ដែលបានថ្លែងទៅកាន់អ្នកគាំទ្រក្នុងខេត្តកំពង់ស្ពឺកាលពីថ្ងៃទី២០ ខែកុម្ភៈ ថា ដោយសារគណបក្សសង្រ្គោះជាតិ ទើបរដ្ឋាភិបាលឈប់យកលុយផ្លូវជាតិលេខ៤ និងមានការដំឡើងប្រាក់ខែជូនមន្ត្រីរាជការ។
ដោយ វីអូឌី ២២ កុម្ភៈ ២០១៦ ០៨:៣១
