រដ្ឋមន្ត្រីក្រសួងកសិកម្មបដិសេធសំណើរបស់ក្រុមការងារផ្នែកកសិកម្ម និងកសិ-ឧស្សាហកម្ម ផ្នែកឯកជន ដែលបានស្នើសុំជួបពិភាក្សាដោះស្រាយបញ្ហាដំណាំកៅស៊ូ ដោយក្រសួងអះអាងថា ក្រសួងមានការងារមមាញឹក និងពុំទាន់មានពេលវេលាសម្រាប់ជំនួបនេះនៅឡើយ។ ការបដិសេធនេះធ្វើឡើងតាមរយៈលិខិតមួយច្បាប់ចុះថ្ងៃទី២២ ខែមីនា ឆ្នាំ២០១៦ រដ្ឋមន្ត្រីក្រសួងកសិកម្ម លោក អ៊ុក រ៉ាប៊ុន ផ្ញើជូន លោក ម៉ុង ឫទ្ធី សហប្រធានក្រុមការងារផ្នែកកសិកម្ម កសិ-ឧស្សាហកម្ម ផ្នែកឯកជន។