[:kh]អតីតប្រមុខរដ្ឋនៅក្នុងសម័យខ្មែរក្រហម លោក ខៀវ សំផន ចោទថា តុលាការមួលបង្កាច់ដាក់រូបលោក ឲ្យមានទោសជាស្រេច ទើបស្វែងរកភស្តុតាងដែលបំភ្លៃជាក្រោយ ដើម្បីបំពេញលើការចោទប្រកាន់ដែលកំណត់ទុកនោះ។ ក្នុងសវនាការក្នុងតុលាការកំពូលនៃសាលាក្តីខ្មែរក្រហមនៅរសៀលថ្ងៃព្រហស្បតិ៍នេះ លោក ខៀវ សំផន បានថ្លែងថា អង្គជុំជម្រះសាលាដំបូងនៃសាលាក្តីខ្មែរក្រហមបានបំភ្លៃភស្តុតាង ដើម្បីសម្រេចកាត់ទោសលោកឲ្យជាប់ពន្ធនាគារអស់មួយជីវិតធ្វើជានិមិត្តរូប។[:]