រដ្ឋាភិបាលទុកពេល៤ខែសម្រាប់ផ្ទេរសិទ្ធិយានយន្តដែលរកម្ចាស់ដើមមិនឃើញ
នៅក្នុងលិខិតចុះថ្ងៃទី១១មីនា ក្រសួងសាធារណការនិងដឹកជញ្ជូនបានប្រកាសដល់សាធាណជនដែលមានបំណងក្នុងការធ្វើជាម្ចាស់កម្មសិទ្ធិទៅលើយានយន្តរបស់ខ្លួនដែលបានទិញបន្តហើយរកម្ចាស់ដើមមិនឃើញ ឲ្យមកដាក់ពាក្យសុំផ្ទេរម្ចាស់កម្មសិទ្ធិនៅអគ្គនាយដ្ឋានដឹកជញ្ជូនឬមន្ទីរសាធារណការខេត្ត រាជធានី ដោយត្រូវបំពេញបែបបទនិងសំណុំឯកសារមួយចំនួន។ ក្រសួងបន្តថារាល់សំណុំបែបបទនិងឯកសារទាំងនោះរួមមានប័ណ្ណសម្គាល់យានយន្ត ពាក្យសុំផ្ទេរសិទ្ធិយាន្តយន្តដោយមានផ្តិតមេដៃ អត្តសញ្ញាណបណ្ណជាតិខ្មែរច្បាប់ដើមឬចម្លងដោយមានការបញ្ជាក់ពីសមត្ថកិច្ច បង្កាន់ដៃពន្ធប្រថាប់ត្រា រួមទាំងកិច្ចសន្យាធានាដែលធ្វើឡើងនៅចំពោះមុខសមត្ថកិច្ចផ្ទេរកម្មសិទ្ធិ។
លោក ហ៊ុន សិរីវឌ្ឍន៍ ១៦ មីនា ២០១៦ ១៤:៣៤
