មន្រ្តីជាន់ខ្ពស់គណបក្សសង្គ្រោះជាតិម្នាក់ទៀតរងការព្រមានផ្សព្វផ្សាយរឿងអាស្រូវផ្ទាល់ខ្លួនពីជនអនាមិក ខណៈ​គណបក្ស​ប្រឆាំងមួយនេះអះអាងថាខ្លួនកំពុងទទួលបានការគាំទ្រច្រើនពីប្រជាពលរដ្ឋមូលដ្ឋាន។ កាលពីថ្ងៃទី ៧ ខែមិនា តំណាងរាស្រ្តគណបក្សប្រឆាំង លោក អេង ឆៃអ៊ាង បានផ្សព្វផ្សាយ​នៅលើទំព័រហ្វេសប៊ុករបស់ខ្លួនថាលោកទទួលបាន​លិខិតមកដល់ផ្ទះមួយដែលព្រមានផ្សព្វផ្សាយរឿង​អាស្រូវរបស់លោកដូចរឿងអាស្រូវលោក កឹម សុខា បើលោកនៅតែព្យាយាមការពារនិង​បិទបាំងរឿង​អាស្រូវរបស់​លោកកឹម សុខា ទៀតនោះ។