សេចក្ដីរាយការណ៍ពី Reuters បានឲ្យដឹងថា អង្គរក្សម្នាក់របស់ប្រធានាធិបតីហ្វីលីពីន លោក Rodrigo Duterteត្រូវបានសម្លាប់ នៅក្នុងការបាញ់ប្រហារមួយនៅជិតលំនៅឋានរបស់លោក Duterte នៅទីក្រុងម៉ានីល នៅថ្ងៃនេះ។
មួយសប្ដាហ៍មុននឹងការប្រកាសពានរង្វាន់ណូបែលឆ្នាំ២០១៧នោះ មូលនិធិណូបែល បាននិយាយនៅថ្ងៃនេះថា ជយលាភីនៅឆ្នាំនេះ នឹងទទួលបានថវិកាដល់ទៅជាង ១លានដុល្លារ។ នេះដោយយោងតាមសេចក្ដីរាយការណ៍របស់ទីភ្នាក់ងារព័ត៌មាន AFP។
សេចក្ដីរាយការណ៍ បានឲ្យដឹងថា គណៈកម្មាធិការមួយនៅក្នុងសភាអាមេរិក បានស្នើសុំព័ត៌មានពីសេតវិមានកាលពីថ្ងៃម្សិលមិញ ទាក់ទងទៅនឹងសេចក្ដីរាយការណ៍ថា ក្រុមមន្ត្រីជាន់ខ្ពស់ បានប្រើប្រាស់អ៊ីម៉ែលឯកជន សម្រាប់ការងាររដ្ឋាភិបាល។
សេចក្ដីរាយការណ៍របស់ទីភ្នាក់ងារព័ត៌មាន AFP បានឲ្យដឹងថា ប៉ូលិសអន្តរជាតិ ឬអាំងទែប៉ូល បានរឹបអូសឱសថខុសច្បាប់ និងក្លែងក្លាយដល់ទៅ ២៥លានគ្រាប់ ដែលគិតជាប្រាក់មានតម្លៃជាង ៥១លានដុល្លារ នៅក្នុងប្រតិបត្តិការរយៈពេល ១សប្ដាហ៍នៅទូទាំងពិភពលោក។
កងទ័ពភូមា បានគាស់សាកសពអ្នកភូមិ ១៧នាក់ជាហិណ្ឌូសាសនិក កាលពីថ្ងៃម្សិលមិញនេះ ដែលធ្វើឲ្យចំនួនសាកសពកើនឡើងដល់ ៤៥នាក់ហើយ ដោយអាជ្ញាធរភូមាសង្ស័យថា ពួកគេត្រូវបានពួកបះបោរមូស្លីមសម្លាប់កាលពីខែមុន នៅក្នុងអំពើហិង្សាដែលបានបង្ខំមនុស្សដល់ទៅ ៤៣ម៉ឺន ៦ពាន់នាក់ ឲ្យរត់ភៀសខ្លួនទៅប្រទេសបង់ក្លាដែស។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។
សេចក្ដីរាយការណ៍ពីទីភ្នាក់ងារព័ត៌មានអន្តរជាតិ បានឲ្យដឹងថាសាលារៀនភាគច្រើននៅទីក្រុងម៉ិកស៊ិក បន្តបិទទ្វារនៅឡើយរហូតដល់ថ្ងៃចន្ទនេះ បន្ទាប់ពីគ្រោះរញ្ជួយដីដ៏មហន្តរាយកាលពីសប្ដាហ៍មុន ប៉ុន្តែ ក្មេងៗនៅក្រៅរដ្ឋធានីនេះ…
អធិកាបតីអាល្លឺម៉ង់អ្នកស្រី អែនជឺឡា មឺគែល បានទទួលជោគជ័យសម្រាប់ការបោះឆ្នោតអាណត្តិទី៤ កាលពីថ្ងៃម្សិលមិញនេះ ប៉ុន្តែ ជ័យជម្នះរបស់អ្នកស្រី សម្បូរទៅដោយសមាជិកសភាស្ដាំនិយមជ្រុល ដែលជាកម្លាំងជាតិនិយមថ្មី គិតចាប់តាំងពីក្រោយសង្គ្រាមលោកលើកទី២មក។
អាមេរិកបានសម្រេចដាក់បម្រាមលើពលរដ្ឋមកពីកូរ៉េខាងជើង មិនឲ្យជាន់ទឹកដីអាមេរិកនោះឡើយ ដែលនេះគឺជាផ្នែកមួយនៃវិធានការថ្មីហាមឃាត់ការធ្វើដំណើរ បន្ថែមពីលើវិធានការកន្លងមករបស់រដ្ឋបាលអាមេរិក ដែលបានដាក់ការហាមឃាត់លើប្រទេសអ៊ីរ៉ង់ ឆាត លីប៊ី ស៊ីរី វេណេហ្ស៊ូអេឡា យ៉េមែន និងសូម៉ាលី។
សេចក្ដីរាយការណ៍បានឲ្យដឹងថា ប្រទេសម៉ាឡេស៊ី កាលពីថ្ងៃម្សិលមិញនេះ បានប្រកាសថា ប្រទេសនេះមិនចូលរួមក្នុងសេចក្ដីថ្លែងការណ៍មួយដែលចេញដោយសមាគមអាស៊ាន ស្ដីពីស្ថានការណ៍នៅរដ្ឋរ៉ាក់ឃីន ប្រទេសភូមានោះទេ។
កូរ៉េខាងជើងបានប្រកាសកាលពីថ្ងៃម្សិលមិញថា ការកំណត់គោលដៅវាយប្រហារលើទឹកដីអាមេរិកដោយប្រើគ្រាប់រ៉ុកកែតរបស់ខ្លួន គឺជារឿងជៀសមិនរួចនោះឡើយ បន្ទាប់ពីមេដឹកនាំអាមេរិក លោក ដូណាល់ ត្រាំ បានហៅមេដឹកនាំក្រុងព្យុងយ៉ាងថា «បុរសគ្រាប់រ៉ុកកែត» ដែលជំរុញឲ្យមានសង្គ្រាមពាក្យសម្ដីកាន់តែខ្លាំងថែមទៀត ជុំវិញកម្មវិធីអាវុធនុយក្លេអ៊ែរ និងគ្រាប់មីស៊ីលរបស់កូរ៉េខាងជើង។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
