អាជ្ញាធរឥណ្ឌូនេស៊ី បានប្រកាសអាសន្នពីស្ថានភាពភ្លើងឆេះព្រៃនៅក្នុងខេត្តចំនួន៥ នៅក្នុងរដូវក្តៅនេះ ដោយសារព្រៃឈើមួយចំនួនបានងាប់អាចមានហានិភ័យខ្ពស់នៃអគ្គីភ័យកើតឡើង។
នគរបាលចិនបានឃាត់ខ្លួនស្ត្រីអ្នកកាន់សាសនាគ្រឹស្តចំនួន១៨នាក់ ដោយសង្ស័យថា ក្រុមនេះបានវាយដំលើស្ត្រីម្នាក់ អ្នកមានជំនឿដូចគ្នានេះស្លាប់នៅភោជនីយដ្ឋានមួយកាលពីឆ្នាំ២០១៤ ដោយសារមូលហេតុមិនព្រមប្រាប់លេខទូរសព្ទ ហើយចោទថា ខ្មោចចូល។
សេតវិមាននៅមិនទាន់ដាក់ចេញគោលនយោបាយយ៉ាងណា ដើម្បីអនុវត្តបំរាមរបស់ប្រធានាធិបតី ដូណល ត្រាំ ដែលហាមអ្នកប្តូរភេទ មិនឲ្យចួលបម្រើក្នុងជួរកងទ័ពនៅឡើយទេ។
បុរសម្នាក់ត្រូវបានសមត្ថកិច្ចអូស្ត្រាលីបាញ់ស្លាប់នៅស្ថានីយ៍រថភ្លើងក្នុងកណ្តាលទីក្រុងស៊ីនី នៅពេលដែលមានការប្រឈមមុខដាក់គ្នាមួយ។
ខណៈដែលការប្រយុទ្ធគ្នារវាងកងទ័ពរដ្ឋាភិបាលហ្វីលីពីន និងពួកឧទ្ទាមនៅទីក្រុងម៉ារ៉ាវី បានឈានចូលដល់ខែទីបីហើយនោះ រដ្ឋាភិបាលម៉ាឡេស៊ីបានប្រកាសថា ប្រទេសនេះនឹងបញ្ជូនជំនួយបន្ថែមទៀតទៅភាគខាងត្បូងហ្វីលីពីន ដើម្បីជួយដល់ប្រជាជនរត់គេចចេញពីផ្ទះសម្បែងរបស់ពួកគេ ដោយសារតែការឡោមព័ទ្ធរបស់ពួកឧទ្ទាម។
ក្រុមសមាជិកសភាអាមេរិកបានបោះឆ្នោតក្នុងសំឡេងច្រើនលើសលប់ នៅថ្ងៃនេះ គាំទ្រដល់ការដាក់ទណ្ឌកម្មថ្មីបន្ថែមទៀតទៅលើប្រទេសអ៊ីរ៉ង់ កូរ៉េខាងជើង និងរុស្ស៊ី ដែលនេះគឺជាការសម្រេចថ្មីមួយដែលនឹងបង្កអរិភាពជាមួយក្រុងគ្រឹមឡាំង ព្រមទាំងបណ្ដាប្រទេសអឺរ៉ុបផងដែរ ដោយព្រួយបារម្ភអំពីការសងសឹកខាងសេដ្ឋកិច្ច។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។
ប្រទេសប៉ាណាម៉ា បានប្រកាសកាលពីថ្ងៃម្សិលមិញថា ខ្លួនបានបើកស្ថានទូតនៅក្នុងប្រទេសចិនហើយ បន្ទាប់ពីកាត់ផ្ដាច់ទំនាក់ទំនងកាទូតជាមួយដែនដីកោះតៃវ៉ាន់ កាលពីខែមិថុនាកន្លងមកថ្មីៗនេះ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។
ក្រុមមន្ត្រីការពារជាតិអាមេរិក បាននិយាយកាលពីយប់មិញថា មន្ទីរបង់តាកោណ ទទួលបានសញ្ញាមកថា កូរ៉េខាងជើងកំពុងរៀបចំសាកល្បងគ្រាប់មីស៊ីលជាថ្មីទៀត ខណៈដែលអាមេរិកកំពុងព្យាយាមជំរុញទៅចិន ឲ្យអនុវត្តទណ្ឌកម្មថ្មីរបស់អង្គការសហប្រជាជាតិ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។
ប្រទេសចិន កាលពីថ្ងៃម្សិលមិញនេះ បានព្រមានទៅឥណ្ឌា ឲ្យដកកងទ័ពរបស់ខ្លួនទាំងអស់ ចេញពីដែនដីរបស់ខ្លួន ដោយក្រុងប៉េកាំងថា នឹងការពារបូរណភាពទឹកដីរបស់ខ្លួនយ៉ាងពិតប្រាកដ។
ក្រុមឧក្រិដ្ឋជនចិន និងតៃវ៉ាន ៤៤នាក់ ត្រូវបានសមត្ថកិច្ចថៃចាប់ខ្លួន ជាប់ពាក់ព័ន្ធនឹងឧក្រិដ្ឋកម្មតាមប្រព័ន្ធអ៊ីនថឹណិត ដែលបានចាប់ជំរិតប្រាក់ ៣លានដុល្លារពីជនរងគ្រោះជាច្រើននាក់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
